- Тыш элде солтан болгъандан эсе, кесинги элде олтан болгъан игиди!
- Биреуге кёлтюрген таягъынг, кесинги башынга урур.
- Суугъа – таянма, джаугъа – ийнанма.
- Къарт болгъан джерде, берекет болур, сабий болгъан джерде, оюн болур.
- Тёрде – темир таякълы, къаяда – чыпчыкъ аякълы.
- Аман адам элни бир-бирине джау этер.
- Тамбла алтындан бюгюн багъыр ашхы.
- Къолу уллу – асыу, аягъы уллу – джарсыу.
- Чакъырылмагъан къонакъ – орунсуз.
- Тура эдим джата, къайдан чыкъды хата?
- Аш берме да, къаш бер.
- Ханнга да келеди хариблик.
- Байлыкъ болгъан джерде, тынчлыкъ джокъду.
- Биреу ашаб къутулур, биреу джалаб тутулур.
- Зар адамны насыбы болмаз.
- Эл ауузу – элия.
- Башы ишлегенни, ауузу да ишлер.
- Адам сёзге тынгыла, акъыл сёзню ангыла.
- Ариу сёз аурууунгу алыр.
- Нёгерсизни джолу узун.
- Байлыкъ келсе, акъыл кетер.
- Къумурсхала джыйылсала, пилни да джыгъадыла.
- Къонакъны къачан кетерин сорма, къачан келлигин сор.
- Иги адамны бир сёзю эки болмаз.
- Харам къарнашдан, халал тенг ашхы.
- Къая джолда джортма, ачыкъ сёзден къоркъма.
- Тау башында, тау болмаз, джангыз терек, бау болмаз.
- Аз сёлешген, къайгъысыз турур.
- Ётген ёмюр – акъгъан суу.
- Адебни адебсизден юрен.
- Билгенни къолу къарны джандырыр.
- От этилмеген джерден тютюн чыкъмайды.
- Джауумдан сора, кюн кюйдюрюр, ётюрюкден сора, айыб кюйдюрюр.
- Юйлю уругъа ит чабмаз.
- Билимли ёлмез, билимсиз кёрмез.
- Душманны тышы – акъ, ичи – къара.
- Адамны джюреги нени кёрюрге сюйсе, кёзю да аны кёрюрге ёч болады.
- Къартны бурнун сюрт да, оноугъа тут.
- Ашда уялгъан – мухар, ишде уялгъан – хомух.
- Алтыда кюлмеген, алтмышда кюлмез.
- Чёбню кёлтюрсенг, тюбюнден сёз чыгъар.
- Ашын ашагъанынгы, башын да сыйла.
- Битмегеннге сакъал – танг.
- Баргъанынга кёре болур келгенинг.
- Биреуге аманлыкъ этиб, кесинге игилик табмазса.
- Къонагъы джокъну – шоху джокъ.
- Ариу джол аджал келтирмез.
- Кийим тукъум сордурур.
- Ишленмеген джаш – джюгенсиз ат, ишленмеген къыз – тузсуз хант.
- Къонакъ аз олтурур, кёб сынар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72