- Кёбден умут этиб, аздан къуру къалма.
- Джашны джигитлиги сорулур, къызны джигерлиги сорулур.
- Эринчекге кюн узун.
- Рысхы джалгъанды: келген да этер, кетген да этер.
- Къонакъ болсанг, ийнакъ бол.
- Ишленмеген джаш – джюгенсиз ат, ишленмеген къыз – тузсуз хант.
- Джашда акъыл джокъ, къартда къарыу джокъ.
- Ат басханны джер билед.
- Къарыусузгъа кюлме, онгсузгъа тийме.
- Аман киши кеси юйюнде – къонакъ.
- Сабыр джетер муратха, сабырсыз къалыр уятха.
- Билимли ёлмез, билимсиз кёрмез.
- Тойгъан антын унутур.
- Айран тёгюлсе, джугъусу къалыр.
- Хатерли къул болур.
- Ата – билек, ана – джюрек!
- Бастасын ашагъан, хантусун да ичер.
- Игилик игилик бла сингдирилиучю затды.
- Ашхы адам – халкъ байлыгъы, ашхы джер – джашау байлыгъы.
- Ашха уста, юйюнде болсун
- Танг атмайма десе да, кюн къоярыкъ тюйюлдю.
- Къазанны башы ачыкъ болса, итге уят керекди.
- Сагъышы джокъ – джукъучу, акъылы джокъ – къаугъачы.
- Ишлегенден, къарагъан уста.
- Босагъагъа джууукъ орун болса, ашыгъыб тёрге озма.
- Ариу – кёзге, акъыл – джюрекге.
- Элде адам къалмаса, ит тахтагъа минер.
- Кесине оноу эте билмеген, халкъына да эте билмез.
- Башы ишлегенни, ауузу да ишлер.
- Ханы къызы буюгъа-буюгъа киштик болду.
- Хантына кёре тузу, юйюне кёре къызы.
- Ашда уялгъан – мухар, ишде уялгъан – хомух.
- Къонакъ хазыр болгъанлыкъгъа, къонакъбай хазыр тюлдю.
- Юйюнгден чыкъдынг – кюнюнгден чыкъдынг.
- «Ма», - дегенни билмесенг, «бер», - дегенни билмезсе.
- Джангыз терек къынгыр ёсер.
- Зар адам ашынгы ашар, кесинги сатар.
- Джангыз торгъай джырламаз.
- Ёксюзню тилеги къабыл болур.
- Айырылмаз джууугъунга, унутмаз сёзню айтма.
- Хансыз джомакъ болмаз.
- Сангырау къулакъ эл бузар.
- Хар ишни да аллы къыйынды.
- Аллахха ийнаннган кишини, Аллах онгдурур ишин.
- Байлыкъ болгъан джерде, тынчлыкъ джокъду.
- Джарлыны тону джаз битер.
- Онгсузну – джакъла, тенгликни – сакъла.
- Кёзню ачылгъаны – иги, ауузну джабылгъаны – иги.
- Адеб базарда сатылмаз.
- Зар адамны насыбы болмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72