- Иги джашны ышаны – аз сёлешиб, кёб тынгылар.
- Мал ёлсе, сюек къалыр, адам ёлсе, иши къалыр.
- Ашхы атаны – джашы ашхы, ашхы ананы – къызы ашхы.
- Юреннген ауруу къалмаз.
- Таукелге нюр джауар.
- Тойгъан джерден туугъан джер игиди.
- Ата джурт – алтын бешик.
- Эринчекни эр алмаз, эр алса да, кёл салмаз, кёл салса да, кёб бармаз!
- Ариуну – ауруу кёб.
- Айран ичген – къутулду, джугъусун джалагъан – тутулду.
- Ханнга да келеди хариблик.
- Башы ишлегенни, ауузу да ишлер.
- Айыбны суу бла джууалмазса.
- Олтуруб кёрюнмей эди да, ёрге туруб кёрюне эди.
- Ашха уста, юйюнде болсун
- Таш бла ургъанны, аш бла ур.
- Джарлы эскисин джамаса, къууаныр.
- Танг атмайма десе да, кюн къоярыкъ тюйюлдю.
- Башсыз урчукъ тюзюне айланмаз.
- Босагъагъа джууукъ орун болса, ашыгъыб тёрге озма.
- Къатыны харакетли болса, эри къымсыз болур.
- Тенгинг джокъ эсе – изле, бар эсе – сакъла!
- Ана кёлю – балада, бала кёлю – талада.
- Тюзлюк шохлукъну бегитир.
- Къумурсхала джыйылсала, пилни да джыгъадыла.
- Ариу – кёзге, акъыл – джюрекге.
- Тойчу джашха къарама, къойчу джашха къара.
- Байны оноуу, джарлыгъа джарамаз.
- Ёлмесенг да, къарт дамы болмазса?
- Къууут – джелге, берне – бошха.
- Эл ауузу – элек, анга ийнаннган – халек.
- Тойгъан джерге джети къайт.
- Къарнынг ауруса, ауузунгу тый
- Ёлюк кебинсиз къалмаз.
- Ургъан суудан башынгы сакъла.
- Ёлген эшек бёрюден къоркъмайды.
- Ким бла джюрюсенг, аны кёзю бла кёрюнюрсе.
- Этек чакъмакълары баш джаргъан, сёлешген сёзлери таш джаргъан.
- Бет бетге къараса, бет да джерге къарар.
- Мухар, кеси тойса да, кёзю тоймаз.
- Ёгюзню мюйюзлери ауурлукъ этмейдиле.
- Мен да «сен», дейме, сен да «кесим», дейсе.
- Байдан умут эте, джарлыдан ёгюз багъасы къорады.
- Ёгюзню мюйюзюнден тутадыла, адамны сёзюнден тутадыла.
- Бюгюн дуния кибик, тамбла ахыратды.
- Телиге акъыл салгъандан эсе, ёлгеннге джан салырса.
- Иги адамны бир сёзю эки болмаз.
- Кёбню кёрген – кёб билир.
- Тенги кёбню джау алмаз, акъылы кёбню дау алмаз.
- Алтыда кюлмеген, алтмышда кюлмез.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72