- Байма, деб да, къууанма, джарлыма, деб да, джылама.
- Къонакъ хазыр болгъанлыкъгъа, къонакъбай хазыр тюлдю.
- Таукел къуру къалмаз.
- Къонакъ аз олтурур, кёб сынар.
- Тойну къарнашы – харс, джырны къарнашы – эжиу.
- Биреуню тёрюнден, кесинги эшик артынг игиди.
- Аллахха ийнаннган кишини, Аллах онгдурур ишин.
- Босагъагъа джууукъ орун болса, ашыгъыб тёрге озма.
- Кесине гебен этелмеген, биреуге черен эте эди.
- Бал чибинни ургъаны – ачы, балы – татлы.
- Аз сёлешген, къайгъысыз турур.
- Адам боллукъ, атламындан белгили болур.
- Къазанчы аман болса, къазаны къайнамаз.
- Кёб ант этген, кёб ётюрюк айтыр.
- Тил бла келеди джыр да.
- Эркишини аманы тиширыуну джылатыр.
- Юре билмеген ит, къонакъ келтирир.
- Суугъа – таянма, джаугъа – ийнанма.
- Кёбден умут этиб, аздан къуру къалма.
- Келинин тута билмеген, къул этер, къызын тута билмеген, тул этер.
- Тойгъандан сора, ашны сёкме.
- Мен да «сен», дейме, сен да «кесим», дейсе.
- Тилде сюек болмаса да, сюек сындырыр.
- Аурууну келиую тынч, кетиую – къыйын.
- Кёкдеги болмаса, джердегин кёрмейди.
- Ётюрюкчюню шагъаты – къатында.
- Уллу айтханны этмеген – уллаймаз.
- Тулпарлыкъ, билекден тюл – джюрекден.
- Ёлген эшек бёрюден къоркъмайды.
- Ашда – бёрю, ишде – ёлю.
- Иги джашны ышаны – аз сёлешиб, кёб тынгылар.
- Джети тилни билген джети кишиди.
- Аманнга игилик этсенг, юйюнге сау бармазса.
- Джаханимни кёрмей, джандетге кёл салмазса.
- Ачлыкъда тары гырджын халыуадан татлы.
- Хата – гитчеден.
- Джаралыны джастыгъында сау ёлюр.
- Тил – кесген бычакъ, сёз – атылгъан окъ.
- Тойгъа барсанг, тоюб бар, эски тонунгу къоюб бар.
- Бек анасы джыламаз.
- Адам къаллай бир ишленмесе, аллай бир кесин уллу кёреди.
- Ишни аллы бла къууанма да, арты бла къууан.
- Бастасын ашагъан, хантусун да ичер.
- Хар зат кесини орнуна иги.
- Билимсиз иш бармаз.
- Къууут – джелге, берне – бошха.
- Къарын къуру болса, джюрек уру болур.
- Чалманны аллы къалай башланса, арты да алай барады.
- Эллинг бла джау болсанг да, юйюнг бла джау болма.
- Байлыкъ тауусулур, билим тауусулмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72