- Адам сёзге тынгыла, акъыл сёзню ангыла.
- Къолунгдан къуймакъ ашатсанг да, атаны борчундан къутулмазса.
- Кёб джат да, бек чаб.
- Бети – къучакълар, джюреги – бычакълар.
- Кюн кёрмеген, кюн кёрсе, кюндюз чыракъ джандырыр.
- Бир онгсуз адам адет чыгъарды, деб эштирик тюлсе.
- Кёб ант этген, кёб ётюрюк айтыр.
- Гугурук къычырмаса да, тангны атары къалмаз.
- Зар адамны насыбы болмаз.
- Намысы джокъну – дуниясы джокъ.
- Джюрекге ариу – кёзге да ариу.
- Кечеси – аяз, кюню – къыш, джарлы къаргъагъа бир аш тюш!
- Элге къуллукъ этмеген, элге ие болмаз.
- Махтаннган къыз, тойда джукълар.
- Джеринден айырылгъан – джети джылар, джуртундан айырылгъан – ёлгюнчю джылар.
- Башда акъыл болмаса, эки аякъгъа кюч джетер.
- Джолда аягъынга сакъ бол, ушакъда тилинге сакъ бол.
- Эки элинги тыйсанг, джети элде махталырса.
- Хар адамгъа кеси миннген тау кибик.
- Эте билген, этген этеди, эте билмеген, юретген этеди!
- Билимден уллу байлыкъ джокъду.
- Онгсузну – джакъла, тенгликни – сакъла.
- Ата Джуртун танымагъан, атасын да танымаз.
- Тенгинг джокъ эсе – изле, бар эсе – сакъла!
- Ёлген ийнек сютлю болур.
- Накъырданы арты керти болур.
- Хунаны тюбюн къазсанг, юсюнге ауар.
- Окъугъан озар, окъумагъан тозар.
- Суу кетер, таш къалыр.
- Борчунг бар эсе, хурджунунга ойлаб узал.
- Душманны тышы – акъ, ичи – къара.
- Джаралыны джастыгъында сау ёлюр.
- Атлыны ашхысы, ат тизгининден билинир
- Ёлюр джаннга, ёкюл джокъ.
- Адеб базарда сатылмаз.
- Джахил болса анасы, не билликди баласы?
- Ашыкъгъан cуу, тенгизге джетмез.
- Бал – татлы, балдан да бала – татлы.
- Къарнынг тойгъунчу аша да, белинг талгъынчы ишле.
- Аш иеси бла татлыды.
- Халкъны джырын джырласанг, халкъ санга эжиу этер.
- Джыгъылгъанны сырты джерден тоймаз.
- Эл элде бирер малынг болгъандан эсе, бирер тенгинг болсун.
- Акъыллы – эл иеси, тели – эл баласы.
- Башы ишлегенни, ауузу да ишлер.
- Тай асырагъан, атха минер.
- Аджашханны ызындагъы кёреди, джангылгъанны джанындагъы биледи.
- Ата Джуртча джер болмаз, туугъан элча эл болмаз.
- Къызбайны юйюне дери сюрсенг, батыр болур.
- Адеб джокъда, намыс джокъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72