- Ашхы тенг джолгъа салыр, аман тенг джолдан тайдырыр.
- Сютню башын джалагъан къутулур, тюбюн ичген тутулур.
- Тиширыусуз юй – отсуз от джагъа.
- Тойгъан джерден туугъан джер игиди.
- Хунаны тюбюн къазсанг, юсюнге ауар.
- Къарнынг тойгъунчу аша да, белинг талгъынчы ишле.
- Джарашыу сюйген – джалынчакъ.
- Аман къатын алгъан, арыр, иги къатын алгъан джарыр.
- Къатын байлыкъны сюер, эр саулукъну сюер.
- Ишленмеген джаш – джюгенсиз ат, ишленмеген къыз – тузсуз хант.
- Огъурлуну сёзю – суу, огъурсузну сёзю – уу.
- Ёлген эшек бёрюден къоркъмайды.
- Илму – джашауну джолу.
- Борчунг бар эсе, хурджунунга ойлаб узал.
- Чомарт бергенин айтмаз.
- Гитче джилтин уллу элни джандырыр.
- Чалманны аллы къалай башланса, арты да алай барады.
- Харам къарнашдан, халал тенг ашхы.
- Бир абыннган – минг сюрюнюр.
- Билимли ёлмез, билимсиз кёрмез.
- Окъдан джара эртде-кеч болса да бителир, сёз джара, ёмюрге къалыр.
- Киштикге къанат битсе, чыпчыкъ къалмаз эди.
- Бир онгсуз адам адет чыгъарды, деб эштирик тюлсе.
- Аджаллыгъа окъсуз шкок атылыр.
- Ашатыргъа иш – ашхы, ишлетирге аш – ашхы.
- Джиби бир къат джетмей эди да, эки къат тарта эди.
- Тойгъандан сора, ашны сёкме.
- Адам боллукъ, атламындан белгили болур.
- Джогъун бар этген, барын бал этген.
- Къошда джокъгъа – юлюш джокъ.
- Чомартха Тейри да борчлуду.
- Магъанасыз сёз – тауушсуз сыбызгъы.
- Къумурсхала джыйылсала, пилни да джыгъадыла.
- Ачлыкъда тары гырджын халыуадан татлы.
- Адеб джокъда, намыс джокъ.
- Эртде тургъан джылкъычыны эркек аты тай табар.
- Аш иеси бла татлыды.
- Ауругъан – джашаудан умутчу.
- Бал – татлы, балдан да бала – татлы.
- Эр сокъур болсун, къатын тилсиз болсун.
- Эл тойса, тоймагъан, эл къойса, къоймагъан.
- Къызгъанчдан ычхыныр, мухардан ычхынмаз.
- Кийимни бир кюнню аясанг, минг кюннге джарар.
- Бичгенде ашыкъма, тикгенде ашыкъ.
- Аман киши кеси юйюнде – къонакъ.
- Ач отунчуну ачыуу – бурнунда.
- Таукелге нюр джауар.
- Рысхысына кёре, джаш ёсер, къышлыгъына кёре, мал ёсер.
- Накъырданы арты керти болур.
- Олтуруб кёрюнмей эди да, ёрге туруб кёрюне эди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72