- Эркишини аманы тиширыуну джылатыр.
- Окъуу – билимни ачхычы, окъуу – дунияны бачхычы.
- Джашынгы кесинг юретмесенг, джашау юретир.
- Бек анасы джыламаз.
- Сёз сёзню айтдырыр.
- Эр абынмай, эл танымаз.
- Чакъырылмай келген къонакъ сыйланмай кетер.
- Тёгюлген тюгел джыйылмайды.
- Аманны къуугъан, аманлыкъ табар.
- Ат да турмайды бир териде.
- Башланнган иш битер, къымылдагъан тиш тюшер.
- Атадан ёксюз – бир ёксюз, анадан ёксюз – эки ёксюз.
- Тилчиден кери бол.
- Аджашхан тёгерек айланыр.
- Намыс болмагъан джерде, насыб болмаз.
- Ишлемеген – тишлемез.
- Акъылсызны джууукъгъа алма, акъыллыны кенгнге салма.
- Ачны эсинде – аш.
- Эки элинги тыйсанг, джети элде махталырса.
- Адамны аты башхача, акъылы да башхады.
- Мал ёлсе, сюек къалыр, адам ёлсе, иши къалыр.
- Бозаны арты дауур болур.
- Кёл – къызбай, къол – батыр.
- Ата джурт – алтын бешик.
- Джарашыу сюйген – джалынчакъ.
- Кесине оноу эте билмеген, халкъына да эте билмез.
- Бермеген къол, алмайды.
- Эринчекни эр алмаз, эр алса да, кёл салмаз, кёл салса да, кёб бармаз!
- Айран ичген – къутулду, джугъусун джалагъан – тутулду.
- Ашыкъгъанны этеги бутуна чырмалыр.
- Тюкюрюк баш джармаз, налат кёз чыгъармаз!
- Аман къатын сабий табса, бий болур…
- Ётюрюкню башын керти кесер.
- Къыйынлы джети элге оноу этер.
- Сормай – алма, чакъырылмай – барма.
- Чакъырылмагъан джерге барма, чакъырылгъан джерден къалма.
- Къазанны башы ачыкъ болса, итге уят керекди.
- Джырына кёре эжиую.
- Тынгылагъан тынгы бузар.
- Дуния аламаты сен эсенг да, игиме деб айтма.
- Насыблы элин сюер, насыбсыз кесин сюер.
- Тешик этген тынчды, аны джамагъан къыйынды.
- Къарыусузгъа кюлме, онгсузгъа тийме.
- Айтхан – тынч, этген – къыйын.
- Джигер – джаннга къыйынлыкъ.
- Къызны минг тилер, бир алыр.
- Иги болса, тамадама – махтау, аман болса, меннге – айыб.
- Ёлюр джаннга, ёкюл джокъ.
- Ата – баланы уясы.
- Адамны артындан къара сабан сюрме.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72