- Ойнай-ойнай кёз чыгъар.
- Нёгер болсанг, тенг бол, тенг болмасанг, кенг бол.
- Бек анасы джыламаз.
- Аш берме да, къаш бер.
- Биреуню эскиси биреуге джангы болмайды.
- Ашына кёре табагъы, балына кёре къалагъы.
- Насыблы элин сюер, насыбсыз кесин сюер.
- Уллу къашыкъ эрин джыртар.
- Термилгенинги табмазса, кюлгенинге тюберсе.
- Тёрдеги кюлсе, эшикдеги ышарыр.
- Орну джокъну – сыйы джокъ.
- Адебсиз адам – джюгенсиз ат.
- Тыш элде солтан болгъандан эсе, кесинги элде олтан болгъан игиди!
- Чыбыкълыкъда бюгюлмеген, къазыкълыкъда бюгюлмей эди.
- Ачыкъ джюрекге джол – ачыкъ.
- Окъумагъан сокъурду, сокъур ташха абыныр!
- Къазанда болса, чолпугъа чыгъар.
- Биреуню къыйынлыгъы бла кесинге джол ишлеме.
- Акъыллы эркиши атын махтар, акъылсыз эркиши къатынын махтар.
- Чомарт къолда мал къалмаз.
- Эринчекге кюн узун.
- Ашхы адам – халкъ байлыгъы, ашхы джер – джашау байлыгъы.
- Иги болса, тамадама – махтау, аман болса, меннге – айыб.
- Джаз бир кюнню джатсанг, къыш талай кюнню абынырса.
- Олтуруб кёрюнмей эди да, ёрге туруб кёрюне эди.
- Башда акъыл болмаса, эки аякъгъа кюч джетер.
- Бетинги сатма, малынгы сат.
- Эки къатын алгъанны къулагъы тынгнгаймаз.
- Узун джолну барсанг, бюгюн келирсе, къысха джолну барсанг, тамбла келирсе.
- Окъдан джара эртде-кеч болса да бителир, сёз джара, ёмюрге къалыр.
- Рысхы – сют юсюнде кёмюк кибикди.
- Аман къатын сабий табса, бий болур…
- Юйлю уругъа ит чабмаз.
- Ёпкелегенни ашы татлы болады.
- Халкъны джырын джырласанг, халкъ санга эжиу этер.
- Къуру гыбыт бек дыгъырдар.
- Ачлыкъ отха секиртир.
- От кюйдюрген, сау болса да, тот кюйдюрген, сау болмаз.
- Рысхы – насыбха къор.
- Керек ташны ауурлугъу джокъ.
- Акъыл бла адеб эгизледиле.
- Тилчи бир сагъатха айлыкъ хата этер.
- Джан саулукъ бермей, сан саулукъ бермезсе.
- Этни бети бла шорпасы.
- Ётюрюкден тюбю джокъ, кёлтюрюрге джиби джокъ.
- Сагъыш – къартлыкъгъа сюйюмчю.
- Къаллай салам берсенг, аллай джууаб алырса.
- Ач, тоймам, дейди, тойгъан, ач болмам, дейди.
- Садакъачыны джаны – къапчыгъында.
- Иесиз малны бёрю ашар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72