Эльбрусоид :: Форум :: Архив форумов

Артына баргъанны, къатына барма.
Ата Джуртча джер болмаз, туугъан элча эл болмаз.
Тёрдеги кюлсе, эшикдеги ышарыр.
Эшекге миннген – биринчи айыб, андан джыгъылгъан – экинчи айыб.
Баланы адам этген анады.
Ёлген эшек бёрюден къоркъмайды.
Тешигини къатында, чычхан да батыр болур.
Билеги кючлю, бирни джыгъар, билими кючлю, мингни джыгъар.
Хата – гитчеден.
Ашлыкъны арба юйге келтирир, чана базаргъа элтир.
Айран ичген – къутулду, джугъусун джалагъан – тутулду.
Экеулен сёлеше тура эселе, орталарына барыб кирме.
Къазанчы аман болса, къазаны къайнамаз.
Къан бла кирген, джан бла чыгъар.
Чомартха хар кюн да байрамды.
Бал – татлы, балдан да бала – татлы.
Алтыннга тот къонмаз.
Башсыз урчукъ тюзюне айланмаз.
Чабар ат – джетген къыз.
Хар ишни да аллы къыйынды.
Ашхы сёз таш тешер.
Сакъалы текени да бар, мыйыгъы киштикни да бар.
Кёбню кёрген – кёб билир.
Таш ата билмеген, башына урур.
Адеб этмеген, адеб кёрмез.
Шекер бла туз – бир болмаз, ушамагъан – юй болмаз.
Джигер – джаннга къыйынлыкъ.
Адамны джюреги нени кёрюрге сюйсе, кёзю да аны кёрюрге ёч болады.
Акъыллы башны – тили къысха.
Чомарт джарлы болмаз.
Байлыкъдан саулукъ ашхыды.
Азыкълы ат арымаз, къатыны аман джарымаз.
Билимли ёлмез, билимсиз кёрмез.
Ойнаб айтсанг да, эслеб айт.
Ана къойну – балагъа джандет.
Келлик заман – къартлыкъ келтирир, кетген заман – джашлыкъ ёлтюрюр.
Кёб джашагъан – кёб билир.
Чалманны аллы къалай башланса, арты да алай барады.
Оюмсуз атлагъан, аджалсыз ёлюр.
Насыблы элин сюер, насыбсыз кесин сюер.
Телиге акъыл салгъандан эсе, ёлгеннге джан салырса.
Хар сёзню орну барды.
Ат басханны джер билед.
Накъырда – кертини келечиси.
Атадан ёксюз – бир ёксюз, анадан ёксюз – эки ёксюз.
Ургъан суудан башынгы сакъла.
Ойнай билмеген, уруб къачар.
Рысхы джалгъанды: келген да этер, кетген да этер.
Джерни букъусу кёкге къонмаз.
Нафысынгы айтханын этме, намысынгы айтханын эт.

Логин:
Пароль:
	Запомнить меня на этом компьютере

Забыли свой пароль?
Регистрация