- Сууда джау джокъ, кёб сёзде магъана джокъ.
- Ёгюзню мюйюзлери ауурлукъ этмейдиле.
- Бойнуму джети джерден кессенг да, мен ол ишни этеллик тюлме.
- Харам къарнашдан, халал тенг ашхы.
- Тёрдеги кюлсе, эшикдеги ышарыр.
- Терек ауса, отунчу – кёб.
- Чыкълы кюнде чыкъмагъан, чыкъса къуру кирмеген.
- Арба аугъандан сора, джол кёргюзтюучю кёб болур.
- Этни бети бла шорпасы.
- Къонакъ болсанг, ийнакъ бол.
- Адеби болмагъан къыз – тузсуз хант.
- Ургъан суудан башынгы сакъла.
- Иги адамны бир сёзю эки болмаз.
- Аз сёлешген, къайгъысыз турур.
- Кёбден умут этиб, аздан къуру къалма.
- Акъыллы – эл иеси, тели – эл баласы.
- Ашатыргъа иш – ашхы, ишлетирге аш – ашхы.
- Тёрени джагъы джокъ.
- Рысхы – сют юсюнде кёмюк кибикди.
- Башынга джетмегенни сорма.
- Ханы къызы буюгъа-буюгъа киштик болду.
- Байлыкъ болгъан джерде, тынчлыкъ джокъду.
- Къозулугъунда тоймагъан, къойлугъунда тоймаз.
- Эшекге миннген – биринчи айыб, андан джыгъылгъан – экинчи айыб.
- «Ёгюз, джаргъа джууукъ барма, меннге джюк боллукъса», - дегенди эшек.
- Ачыу алгъа келсе, акъыл артха къалады.
- Ойнай-ойнай кёз чыгъар.
- Ашына кёре табагъы, балына кёре къалагъы.
- Мураты болгъанны джюрек тебюую башхады.
- Азыгъы аз, алгъа къабар, аты аман, алгъа чабар.
- Ач, тоймам, дейди, тойгъан, ач болмам, дейди.
- Аман киши кеси юйюнде – къонакъ.
- Къазанда болса, чолпугъа чыгъар.
- Ёзденликни кёбю ётюрюк.
- Ишни ахырын ойламай, аллын башлама.
- Игилик игилик бла сингдирилиучю затды.
- Кийим тукъум сордурур.
- Ашыкъгъан cуу, тенгизге джетмез.
- Итли къонакъ джарашмаз.
- Эллинг бла джау болсанг да, юйюнг бла джау болма.
- Эски джаугъа ышанма.
- Биреуге аманлыкъны тилеме да, кесинге ашхылыкъны тиле.
- Душманны тышы – акъ, ичи – къара.
- Зар адамны насыбы болмаз.
- Адам къаллай бир ишленмесе, аллай бир кесин уллу кёреди.
- Къонагъынгы артмагъын алма да, алгъышын ал.
- Aдам боллукъ, сыфатындан белгили.
- Эте билген, этген этеди, эте билмеген, юретген этеди!
- Уясында не кёрсе, учханында аны этер.
- Мухарны эси – ашарыкъда.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72