Эльбрусоид :: Форум :: Архив форумов

Аджашханны ызындагъы кёреди, джангылгъанны джанындагъы биледи.
Атынг аманнга чыкъгъандан эсе, джанынг тамагъынгдан чыкъсын.
Кесинге джетмегенни, кёб сёлешме.
Къонакъ кёб келюучю юйню, къазаны отдан тюшмез.
Таукел къуру къалмаз.
Тил – кесген бычакъ, сёз – атылгъан окъ.
Кёл – къызбай, къол – батыр.
Акъыллы – эл иеси, тели – эл баласы.
Къарнынг бла ёч алма.
Дуния малгъа сатылма, кесингден телиге къатылма.
Биреу къой излей, биреу той излей.
Ат да турмайды бир териде.
Биреуню эскиси биреуге джангы болмайды.
Бетинги сатма, малынгы сат.
Юйюнгден чыкъдынг – кюнюнгден чыкъдынг.
Халкъгъа джарагъан, джарлы къалмаз.
Джыгъылгъанны сырты джерден тоймаз.
Аууздан келген, къолдан келсе, ким да патчах болур эди.
Кийимни бир кюнню аясанг, минг кюннге джарар.
Сангырау къулакъ эл бузар.
Джол бла сёзню къыйыры джокъ.
Чабакъгъа акъыл, табагъа тюшсе келеди.
Къызгъанчдан ычхыныр, мухардан ычхынмаз.
Аман хансны – урлугъу кёб.
Къулакъдан эсе, кёзге ышан.
Къан бла кирген, джан бла чыгъар.
Мухар, кеси тойса да, кёзю тоймаз.
Джарлыны эшигин махтагъан джабар.
Джаш болсун, къыз болсун, акъылы, саны тюз болсун.
Джигер – джаннга къыйынлыкъ.
«Ма», - дегенни билмесенг, «бер», - дегенни билмезсе.
Аууз сакълагъан – джан сакълар.
Джырчы джырчыгъа – къарнаш.
Ач бёрюге мекям джокъ.
Байма, деб да, къууанма, джарлыма, деб да, джылама.
Ашыкъгъанны этеги бутуна чырмалыр.
Туз, гырджын аша, тюзлюк бла джаша.
Татлы сёз – балдан татлы.
Къоркъакъны кёзю экили кёрюр.
Адамгъа аман кюн соруб келмейди.
Кимни – тили, тиши онглу, кимни – къолу, иши онглу.
Тилчи тилден къаныкъмаз.
Уллу сёлешме да, уллу къаб.
Окъугъан озар, окъумагъан тозар.
Ашхы тенг джолгъа салыр, аман тенг джолдан тайдырыр.
Сабийликде юретмесенг, уллу болса – тюзелмез.
Ойнаб айтсанг да, эслеб айт.
Алма терегинден кери кетмез.
Джеринден айырылгъан – джети джылар, джуртундан айырылгъан – ёлгюнчю джылар.
Махтаннган къыз, тойда джукълар.

Логин:
Пароль:
	Запомнить меня на этом компьютере

Забыли свой пароль?
Регистрация