Эльбрусоид :: Форум :: Архив форумов

Танг атмайма десе да, кюн къоярыкъ тюйюлдю.
Къайгъыны сюйген, къайгъы табар.
Биреуню къыйынлыгъы бла кесинге джол ишлеме.
Ёксюзню къалачы уллу кёрюнюр.
Адамны аманы адамны бети бла ойнар.
Джашны джигитлиги сорулур, къызны джигерлиги сорулур.
Бёрю да ач къалмасын, эчки да ашалмасын.
Уллу сёзде уят джокъ.
Ашыкъгъан cуу, тенгизге джетмез.
Тамырсыз терекге таянма – джыгъылырса.
Къумурсхала джыйылсала, пилни да джыгъадыла.
Ат басханны джер билед.
Мухарны эси – ашарыкъда.
Чабакъ башындан чирийди.
Кюн – узун, ёмюр – къысха.
Арыгъан къош чамчы болур.
Берекет берсин деген джерде, берекет болур.
Суу ичген шауданынга тюкюрме.
Келинни – келгинчи, бёркню кийгинчи кёр.
Билими азны – ауузунда кирит.
Тамчы таш тешер.
Биреу ашаб къутулур, биреу джалаб тутулур.
Байлыкъдан саулукъ ашхыды.
Рысхы – насыбха къор.
Таукел адам тау тешер.
Чомарт къолда мал къалмаз.
Ёлмесенг да, къарт дамы болмазса?
Окъугъанны бети джарыкъ.
Айтхан – тынч, этген – къыйын.
Намыс болмагъан джерде, насыб болмаз.
Телиге акъыл салгъандан эсе, ёлгеннге джан салырса.
Узун джолну барсанг, бюгюн келирсе, къысха джолну барсанг, тамбла келирсе.
Къан бла кирген, джан бла чыгъар.
Керти сёзге тёре джокъ.
Чомартны къолу берекет.
Дуния мал дунияда къалады.
Махтаннган къыз, тойда джукълар.
«Ма», - дегенни билмесенг, «бер», - дегенни билмезсе.
Хантына кёре тузу, юйюне кёре къызы.
Джукъу тёшек сайламайды.
Насыблыны баласы кюн кюнден да баш болур, насыбсызны баласы, кюн кюнден да джаш болур.
От этилмеген джерден тютюн чыкъмайды.
Ач – эснер, ат – кишнер.
Къонагъы джокъну – шоху джокъ.
Кийимни бир кюнню аясанг, минг кюннге джарар.
Терслик кетер, тюзлюк джетер.
Борчунг бар эсе, хурджунунга ойлаб узал.
Къозулугъунда тоймагъан, къойлугъунда тоймаз.
Уллу атлама – абынырса, уллу къабма – къарылырса.
Тойгъанлыкъ къойгъа джарашады.

Логин:
Пароль:
	Запомнить меня на этом компьютере

Забыли свой пароль?
Регистрация