- Бойнуму джети джерден кессенг да, мен ол ишни этеллик тюлме.
- Эм уллу байлыкъ – джан саулукъ.
- Адамны бетине къарама, адетине къара.
- Ёлген ийнек сютлю болур.
- Таякъ этден ётер, тил сюекден ётер.
- Тешик этген тынчды, аны джамагъан къыйынды.
- Биреуню эскиси биреуге джангы болмайды.
- Иги болса, тамадама – махтау, аман болса, меннге – айыб.
- Дуния малгъа сатылма, кесингден телиге къатылма.
- Атлыны кёрсе, джаяуну буту талыр.
- Джюрекден джюрекге джол барды.
- Къайгъыны сюйген, къайгъы табар.
- Адебни адебсизден юрен.
- Джаным-тиним – окъуу, билим.
- Байлыкъдан саулукъ ашхыды.
- Тили узунну, намысы – къысха.
- Ашлыкъ – бюртюкден, джюн – тюкден.
- Этни да ашады, бетни да ашады.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Уллу сёлешме да, уллу къаб.
- Билим насыб берир, билим джолну керир.
- Зар адамны насыбы болмаз.
- Кесинге джетмегенни, кёб сёлешме.
- Эки ойлашыб, бир сёлешген.
- Онгсузну – джакъла, тенгликни – сакъла.
- Кийимни бир кюнню аясанг, минг кюннге джарар.
- Адамны аты башхача, акъылы да башхады.
- Акъыл аздырмаз, билим тоздурмаз.
- Байма, деб да, къууанма, джарлыма, деб да, джылама.
- Кийим тукъум сордурур.
- Чыбыкълыкъда бюгюлмеген, къазыкълыкъда бюгюлмей эди.
- Аман къатын алгъан, арыр, иги къатын алгъан джарыр.
- Аманны эки битли тону болур, бирин сеннге кийдирир, бирин кеси киер.
- Эркиши – от, тиширыу – суу.
- Тойгъа алгъа да барма, тойда артха да къалма.
- Бети къызарыучу адамны, джюреги харам болмаз.
- Тюзню ётмеги тюзде къалса да, тас болмаз.
- Баланы адам этген анады.
- Эл ауузу – элия.
- Джашынгы кесинг юретмесенг, джашау юретир.
- Билим – акъылны чырагъы.
- Тамырсыз терекге таянма – джыгъылырса.
- Тойгъандан сора, ашны сёкме.
- Билген билмегенни юретген адетди.
- Тил – миллетни джаны.
- Къыйынлы джети элге оноу этер.
- Чабакъгъа акъыл, табагъа тюшсе келеди.
- Джумушакъ сёз къаты таякъны сындырыр.
- Ашда уялгъан – мухар, ишде уялгъан – хомух.
- Къуру гыбыт бек дыгъырдар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72