Эльбрусоид :: Форум :: Архив форумов

Башда акъыл болмаса, эки аякъгъа кюч джетер.
Кюн кёрмеген, кюн кёрсе, кюндюз чыракъ джандырыр.
Ойнай билмеген, уруб къачар.
Джолунга кёре – джюрюшюнг, джагъанга кёре – юлюшюнг.
Къоркъакъны кёзю экили кёрюр.
Сагъышы джокъ – джукъучу, акъылы джокъ – къаугъачы.
Накъырданы арты керти болур.
Танг атмайма десе да, кюн къоярыкъ тюйюлдю.
Эшекге миннген – биринчи айыб, андан джыгъылгъан – экинчи айыб.
Окъуу – билимни ачхычы, окъуу – дунияны бачхычы.
Ауурну тюбю бла, дженгилни башы бла джюрюген.
Билмегенинги, билгеннге сор.
Ёлген аслан – сау чычхан.
Джан саулукъ бермей, сан саулукъ бермезсе.
Хар ишни да аллы къыйынды.
Ашхы сёз таш тешер.
Намыс болмагъан джерде, насыб болмаз.
Тилчи бир сагъатха айлыкъ хата этер.
Чабакъгъа акъыл, табагъа тюшсе келеди.
Биреуню тёрюнден, кесинги эшик артынг игиди.
Кёрмегеннге кебек – танг, битмегеннге сакъал – танг.
Хатерли къул болур.
Ашхылыкъ джерде джатмайды, аманлыкъ суугъа батмайды.
Ашаса, ашамаса да, бёрюню ауузу – къан.
Таш ата билмеген, башына урур.
Чыкълы кюнде чыкъмагъан, чыкъса къуру кирмеген.
Таукелге нюр джауар.
Тюзню ётмеги тюзде къалса да, тас болмаз.
Ауузу бла къуш тута айланады.
Аманнга да, игиге да оноусуз къатышма.
Экеулен сёлеше тура эселе, орталарына барыб кирме.
Юй ишлеген балта эшикде къалыр.
Акъыл неден да кючлюдю.
Юре билмеген ит, къонакъ келтирир.
Бек анасы джыламаз.
Баш – акъыл ючюн, акъылман – халкъ ючюн.
Аякъларынгы джууургъанынга кёре узат.
Аш иеси бла татлыды.
Садакъачыны джаны – къапчыгъында.
Кёзюнде тереги болгъан, чёбю болгъаннга кюле эди.
Ёнгкюч къууана барыр, джылай келир.
Ауругъаннга – кийик саулукъ, джетген къызгъа – чилле джаулукъ.
Джашлыкъ этмеген, башлыкъ этмез.
Къазанчы аман болса, къазаны къайнамаз.
Къыз тиширыу кеси юйюнде да къонакъды.
Босагъагъа джууукъ орун болса, ашыгъыб тёрге озма.
Артына баргъанны, къатына барма.
Аш берме да, къаш бер.
Адамны бетине къарама, адетине къара.
Махтаннган къыз, тойда джукълар.

Логин:
Пароль:
	Запомнить меня на этом компьютере

Забыли свой пароль?
Регистрация