- Ишге юренсин къоллары, халкъ бла болсун джоллары.
- Ашхы – джыяр, аман – джояр.
- Тик ёргени, тик энгишгеси да болады.
- Этни бети бла шорпасы.
- Джылыгъа джылан илешир.
- Эринчекни аурууу – кёб.
- Aдам боллукъ, сыфатындан белгили.
- Тёрде – темир таякълы, къаяда – чыпчыкъ аякълы.
- Ётюрюкден тюбю джокъ, кёлтюрюрге джиби джокъ.
- Ашлыкъ – бюртюкден, джюн – тюкден.
- Ат басханны джер билед.
- Бойнуму джети джерден кессенг да, мен ол ишни этеллик тюлме.
- Ишлегенден, къарагъан уста.
- Джыйырма къойну юч джыйырма эбзе кюте эди.
- Айранын берсенг, челегин да къызгъанма.
- Чомартны къолун джокълукъ байлар.
- Башы ишлегенни, ауузу да ишлер.
- Кийимни бичсенг, кенг бич, тар этген къыйын тюлдю.
- Хаухну атма, ёнгкючню сатма.
- Бети къызарыучу адамны, джюреги харам болмаз.
- Урунуу – насыбны анасы.
- Кёб ант этген, кёб ётюрюк айтыр.
- Ашыкъгъан cуу, тенгизге джетмез.
- Къарнынг ауруса, ауузунгу тый
- Агъач халкъгъа алтынды, иссиликге салкъынды.
- Гырджын – тепсини тамадасы.
- Намыс сатылыб алынмайды.
- Алма терегинден кери кетмез.
- Баш – акъыл ючюн, акъылман – халкъ ючюн.
- Аллахдан тилесенг, кёб тиле.
- Биреуню къыйынлыгъы бла кесинге джол ишлеме.
- Ойнай билмеген, оюн бузар.
- Джарашыу сюйген – джалынчакъ.
- Адам туугъан джеринде, ит тойгъан джеринде.
- Ашхы атаны – джашы ашхы, ашхы ананы – къызы ашхы.
- Ач келгенни – тойдур, кеч келгенни – къондур.
- Уллу атлама – абынырса, уллу къабма – къарылырса.
- Окъугъанны бети джарыкъ.
- Джаш болсун, къыз болсун, акъылы, саны тюз болсун.
- От кюйдюрген, сау болса да, тот кюйдюрген, сау болмаз.
- Сёз сёзню айтдырыр.
- Кёл ашады да, кеси ашады.
- Эри аманны, къатыны – аман.
- Танг атмайма десе да, кюн къоярыкъ тюйюлдю.
- Ач къарным, тынч къулагъым.
- Ачыкъ джюрекге джол – ачыкъ.
- Сакъ юйюне сау барыр.
- Чакъырылмагъан къонакъ къачан кетерин сормаз.
- Уллу сёзде уят джокъ.
- Джюрекден джюрекге джол барды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72