- Кёпюр салгъан кеси ётер, уру къазгъан кеси кетер.
- Арыгъан къош чамчы болур.
- Тешигини къатында, чычхан да батыр болур.
- Эки ойлашыб, бир сёлешген.
- Халкъгъа джарагъан, джарлы къалмаз.
- Джарлы тюеге минсе да, ит къабар.
- Рысхы – сют юсюнде кёмюк кибикди.
- Эки къатын алгъан – эки ташны ортасына башын салгъан.
- Кюлме джашха – келир башха.
- Ёзденликни кёбю ётюрюк.
- Ашха уста, юйюнде болсун
- Дууулдаса – бал чибин, къонса – къара чибин.
- Ашыкъгъанны этеги бутуна чырмалыр.
- Адеби болмагъан къыз – тузсуз хант.
- Мухардан ач ычхынмаз.
- Эркиши – от, тиширыу – суу.
- Ишни ахырын ойламай, аллын башлама.
- Къарт болгъан джерде, берекет болур, сабий болгъан джерде, оюн болур.
- Тёгюлген тюгел джыйылмайды.
- Минг тенг да азды, бир джау да кёбдю.
- Айтылгъан буйрукъ, сёгюлмез
- Чомартны къолу берекет.
- Гитче джилтин уллу элни джандырыр.
- Накъырданы арты керти болур.
- Джолунга кёре – джюрюшюнг, джагъанга кёре – юлюшюнг.
- Тилсиз миллет джокъ болур.
- Бет бетге къараса, бет да джерге къарар.
- Биреуге аманлыкъ этиб, кесинге игилик табмазса.
- Ауузу бла къуш тута айланады.
- Арбаз сайлама да, хоншу сайла.
- Чыкълы кюнде чыкъмагъан, чыкъса къуру кирмеген.
- Экиндини кеч къылсанг, чабыб джетер ашхам.
- Ётюрюкден тюбю джокъ, кёлтюрюрге джиби джокъ.
- Байны оноуу, джарлыгъа джарамаз.
- Тёзгеннге, джабылгъан эшик ачылыр.
- Ашда уялгъан – мухар, ишде уялгъан – хомух.
- Айныгъанлы алты кюн, тогъайгъанлы тогъуз кюн.
- Борчунг бар эсе, хурджунунга ойлаб узал.
- Къазанны башы ачыкъ болса, итге уят керекди.
- Сибиртки да сыйлы болду, кюрек да кюнлю болду.
- Иги джашны ышаны – аз сёлешиб, кёб тынгылар.
- Джарлы эскисин джамаса, къууаныр.
- Акъыллы айтыр эди, акъылсыз къоймайды.
- Терслик кетер, тюзлюк джетер.
- Билим насыб берир, билим джолну керир.
- Соргъан айыб тюлдю, билмеген айыбды.
- Аманны эки битли тону болур, бирин сеннге кийдирир, бирин кеси киер.
- Кийимни бир кюнню аясанг, минг кюннге джарар.
- Къоркъакъны кёзю экили кёрюр.
- Аш иеси бла татлыды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72