- Мен да «сен», дейме, сен да «кесим», дейсе.
- Атынг аманнга чыкъгъандан эсе, джанынг тамагъынгдан чыкъсын.
- Акъыл аздырмаз, билим тоздурмаз.
- Адеб базарда сатылмаз.
- Ётюрюк хапар аякъ тюбю бла джюрюйдю.
- Керилген да, ургъан кибикди.
- Алма терегинден кери кетмез.
- Кимни – тили, тиши онглу, кимни – къолу, иши онглу.
- Кийимни бичсенг, кенг бич, тар этген къыйын тюлдю.
- Ариу сёз аурууунгу алыр.
- Адам къыйынлыгъын кёлтюрюр, зауукълугъун кёлтюрмез.
- Бети – къучакълар, джюреги – бычакълар.
- Ойнай билмеген, оюн бузар.
- Бир абыннган – минг сюрюнюр.
- Ачыкъ джюрекге джол – ачыкъ.
- Аш кетер да бет къалыр.
- Аманнга алтын чыдамаз.
- Келинин тута билмеген, къул этер, къызын тута билмеген, тул этер.
- Айранны сюйген, ийнек тутар.
- Билимден уллу байлыкъ джокъду.
- Адамны аманы адамны бети бла ойнар.
- Бёрю да ач къалмасын, эчки да ашалмасын.
- Урунуу – насыбны анасы.
- Тилчи тилден къаныкъмаз.
- Хансыз джомакъ болмаз.
- Къызбайны юйюне дери сюрсенг, батыр болур.
- Ариу – кёзге, акъыл – джюрекге.
- Билмегенинги, билгеннге сор.
- Термилгенинги табмазса, кюлгенинге тюберсе.
- Джырына кёре эжиую.
- Къарнынг къанлынга кийирир.
- Ёнгкюч къууана барыр, джылай келир.
- Акъылсызны джууукъгъа алма, акъыллыны кенгнге салма.
- Эски джаугъа ышанма.
- Ёлген аслан – сау чычхан.
- Билеги кючлю, бирни джыгъар, билими кючлю, мингни джыгъар.
- Итли къонакъ джарашмаз.
- Таукел тауну аудурур.
- Адам туугъан джеринде, ит тойгъан джеринде.
- Гырджын – тепсини тамадасы.
- Ат да турмайды бир териде.
- Зар адамны насыбы болмаз.
- Ауругъаннга – кийик саулукъ, джетген къызгъа – чилле джаулукъ.
- Эте билген, этген этеди, эте билмеген, юретген этеди!
- Къанны къан бла джуума, аманны аман бла къуума.
- Тойгъан джерден туугъан джер игиди.
- Къыйынлы джети элни къайгъысын этер.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Окъ къызбайны джокълайды.
- Махтаннган къыз, тойда джукълар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72