- Тюкюрюк баш джармаз, налат кёз чыгъармаз!
- Онгсузну – джакъла, тенгликни – сакъла.
- Баргъанынга кёре болур келгенинг.
- Игилик игилик бла сингдирилиучю затды.
- Сабий кёргенин унутмаз.
- Башы ишлегенни, ауузу да ишлер.
- Азыкълы ат арымаз, къатыны аман джарымаз.
- Бети къызарыучу адамны, джюреги харам болмаз.
- Сабийни джумушха джибер да, ызындан бар.
- Ариуну – ауруу кёб.
- Ким бла джюрюсенг, аны кёзю бла кёрюнюрсе.
- Къатын къылыкъсыз, эр тынчлыкъсыз.
- Чарсда алчыны эл кёреди.
- Биреуге кёлтюрген таягъынг, кесинги башынга урур.
- Хата – гитчеден.
- Зарда марда джокъ.
- Къыйынлы джети элге оноу этер.
- Бозаны арты дауур болур.
- Ышармагъан – кюлмез, кюлмеген – къууанчны билмез.
- Акъыллы башны – тили къысха.
- Нёгерсизни джолу узун.
- Алгъанда – джууукъ, бергенде – джау.
- Джыйырма къойну юч джыйырма эбзе кюте эди.
- Кёрмегеннге кебек – танг, битмегеннге сакъал – танг.
- Садакъачыны джаны – къапчыгъында.
- Ариу – кёзге, акъыл – джюрекге.
- Тёрде – темир таякълы, къаяда – чыпчыкъ аякълы.
- Къатын байлыкъны сюер, эр саулукъну сюер.
- Билим – акъылны чырагъы.
- Ичимден чыкъды хата, къайры барайым сата?
- Сёз сёзню айтдырыр.
- Алтыннга тот къонмаз.
- Уллу айтханны этмеген – уллаймаз.
- Элни кючю – эмеген.
- Кёл ашады да, кеси ашады.
- Иги болса, тамадама – махтау, аман болса, меннге – айыб.
- Адеб этмеген, адеб кёрмез.
- Билеги кючлю, бирни джыгъар, билими кючлю, мингни джыгъар.
- Иги – алгъыш этер, аман – къаргъыш этер.
- Ёлген эшек бёрюден къоркъмайды.
- Баш болса, бёрк табылыр.
- Ёлген аслан – сау чычхан.
- Эринчекни эр алмаз, эр алса да, кёл салмаз, кёл салса да, кёб бармаз!
- Эм ашхы къайын ана мамукъ бла башынгы тешер.
- Мухарны эси – ашарыкъда.
- Ариу сёз – къылычдан джити.
- Ариу джол аджал келтирмез.
- Билим ат болуб да чабар, къуш болуб да учар.
- Акъыл неден да кючлюдю.
- Ауругъан – джашаудан умутчу.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72