- Телини эшигин, махтау джабар.
- Тойгъандан сора, ашны сёкме.
- Акъыллы эркиши атын махтар, акъылсыз эркиши къатынын махтар.
- Акъыл аздырмаз, билим тоздурмаз.
- Къарт болгъан джерде, берекет болур, сабий болгъан джерде, оюн болур.
- Джиби бир къат джетмей эди да, эки къат тарта эди.
- Бал ашаргъа сюе эсенг, чибин ургъаннга тёз.
- Джукъу тёшек сайламайды.
- Намыс сатылыб алынмайды.
- Билимли ёлмез, билимсиз кёрмез.
- Атлыны кёрсе, джаяуну буту талыр.
- Шекер бла туз – бир болмаз, ушамагъан – юй болмаз.
- Кёлю джокъну – джолу джокъ.
- Къайтырыкъ эшигинги, къаты уруб чыкъма.
- Кесине оноу эте билмеген, халкъына да эте билмез.
- Джарлы джети элни сёзюн этер.
- Тилчи тилден къаныкъмаз.
- Джерни букъусу кёкге къонмаз.
- Къар – келтирди, суу – элтди.
- Къыз чыгъаргъан – къызыл къымжа.
- Аллахха ийнаннган кишини, Аллах онгдурур ишин.
- Джашда акъыл джокъ, къартда къарыу джокъ.
- Хазыр ашха – терен къашыкъ.
- Къаллай салам берсенг, аллай джууаб алырса.
- Кесинг сынамагъан затны, адамгъа буюрма.
- Билими азны – ауузунда кирит.
- Хар сёзню орну барды.
- Ашыкъгъанны этеги бутуна чырмалыр.
- Мал тутхан – май джалар.
- Биреу ашаб къутулур, биреу джалаб тутулур.
- Алтыннга тот къонмаз.
- Биреуню къыйынлыгъы бла кесинге джол ишлеме.
- Этим кетсе да, сюегим къалыр.
- Эки ойлашыб, бир сёлешген.
- Азыкъ аз болса, эртде орун сал.
- Къошда джокъгъа – юлюш джокъ.
- Тешик этген тынчды, аны джамагъан къыйынды.
- Ёлген эшек бёрюден къоркъмайды.
- Сёлеш деб шай берген, тохта деб, сом берген.
- Къралынгы – душмандан, башынгы от бла суудан сакъла.
- Тин – байлыгъынг, терен саулугъунг.
- Мухар, кеси тойса да, кёзю тоймаз.
- Таукелге нюр джауар.
- Джылар джаш, атасыны сакъалы бла ойнар.
- Юйлю уругъа ит чабмаз.
- Ашлыкъны арба юйге келтирир, чана базаргъа элтир.
- Байма, деб да, къууанма, джарлыма, деб да, джылама.
- Шайтан алдады, тюзлюк къаргъады.
- Мен да «сен», дейме, сен да «кесим», дейсе.
- Къыйынлы джети элге оноу этер.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72