- Илму – джашауну джолу.
- Кийимни бичсенг, кенг бич, тар этген къыйын тюлдю.
- Тюзлюк тас болмайды.
- Хоншуну тауугъу къаз кёрюнюр, келини къыз кёрюнюр.
- Айранын берсенг, челегин да къызгъанма.
- Акъыл къартда, джашда тюйюлдю – башдады.
- Джаралыны джастыгъында сау ёлюр.
- «Ма», - дегенни билмесенг, «бер», - дегенни билмезсе.
- Къызын тута билмеген, тул этер, джашын тута билмеген, къул этер.
- Къазанны башы ачыкъ болса, итге уят керекди.
- Эринчекни аурууу – кёб.
- Тойгъандан сора, ашны сёкме.
- Адам туугъан джеринде, ит тойгъан джеринде.
- Азыгъы аз, алгъа къабар, аты аман, алгъа чабар.
- Къыз чыгъаргъан – къызыл къымжа.
- Кёбге таш атма.
- Ачыу алгъа келсе, акъыл артха къалады.
- Бал ашаргъа сюе эсенг, чибин ургъаннга тёз.
- Уллу сёзде уят джокъ.
- Джарлы тюеге минсе да, ит къабар.
- Бермеген къол, алмайды.
- Кесинг сынамагъан затны, адамгъа буюрма.
- Юйюнг бла джау болгъандан эсе, элинг бла джау бол.
- Тил бла келеди джыр да.
- Биреуню эскиси биреуге джангы болмайды.
- Айырылмаз джууугъунга, унутмаз сёзню айтма.
- Арыгъан къош чамчы болур.
- Борчунг бар эсе, хурджунунга ойлаб узал.
- Сакъ юйюне сау барыр.
- Чоюнну башы ачыкъ болса, итге уят керекди.
- Эшекни не къадар тюйсенг да, ат болмаз.
- Джол бла сёзню къыйыры джокъ.
- Къонагъынгы артмагъын алма да, алгъышын ал.
- Иши джокъну, сыйы джокъ.
- Чакъырылмагъан къонакъ къачан кетерин сормаз.
- Сёз къанатсыз учар.
- Игилик игилик бла сингдирилиучю затды.
- Билмейме деген – бир сёз
- Акъыл бла адеб эгизледиле.
- Накъырданы арты керти болур.
- Суу кетер, таш къалыр.
- Хазыр ашха – терен къашыкъ.
- Байлыкъ тауусулур, билим тауусулмаз.
- Адеби болмагъан къыз – тузсуз хант.
- Аджашханны ызындагъы кёреди, джангылгъанны джанындагъы биледи.
- Билим ат болуб да чабар, къуш болуб да учар.
- Ашха уста, юйюнде болсун
- Ариу сёзде ауруу джокъ.
- Джумушакъ сёз къаты таякъны сындырыр.
- Ашхы атаны – джашы ашхы, ашхы ананы – къызы ашхы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72