- Сакъламагъан затынга джолукъсанг, не бек къууанаса, не бек ачыйса.
- Ашарыкъда сайлагъаннга – чий гырджын.
- Иги сеники эсе да, сюйген кесимикин этеме.
- Ётюрюкден тюбю джокъ, кёлтюрюрге джиби джокъ.
- Ашда – бёрю, ишде – ёлю.
- Ёмюрлюк шохлукъну джел элтмез.
- Джангыз торгъай джырламаз.
- Къартны бурнун сюрт да, оноугъа тут.
- Аууз сакълагъан – джан сакълар.
- Аманны тукъумуна къарама, игини тукъумун сорма.
- Адам сёзге тынгыла, акъыл сёзню ангыла.
- Чомартны къолу берекет.
- Эшекге миннген – биринчи айыб, андан джыгъылгъан – экинчи айыб.
- Къызны минг тилер, бир алыр.
- Кесине гебен этелмеген, биреуге черен эте эди.
- Эл ауузу – элия.
- Телини эшигин, махтау джабар.
- Аман къатын сабий табса, бий болур…
- Бир абыннган – минг сюрюнюр.
- Эрни эр этерик да, къара джер этерик да, тиширыуду.
- Дженгил джетерикме деб, узун джолну къоюб, къысхасын барма.
- Уллу сёзде уят джокъ.
- Ёпкелегенни ашы татлы болады.
- Берекет берсин деген джерде, берекет болур.
- Гырджын – тепсини тамадасы.
- Келинни – келгинчи, бёркню кийгинчи кёр.
- Билеги кючлю, бирни джыгъар, билими кючлю, мингни джыгъар.
- Тура эдим джата, къайдан чыкъды хата?
- Ачыу алгъа келсе, акъыл артха къалады.
- Айырылгъанланы айю ашар, бёлюннгенлени бёрю ашар.
- Къонакъ хазыр болгъанлыкъгъа, къонакъбай хазыр тюлдю.
- Ач къалгъандан, кеч къалгъан къолай.
- Сютню башын джалагъан къутулур, тюбюн ичген тутулур.
- Чалманны аллы къалай башланса, арты да алай барады.
- Тилчи бир сагъатха айлыкъ хата этер.
- Кёзю сокъурдан – къоркъма, кёлю сокъурдан – къоркъ.
- Ишленмеклик адамлыкъды.
- Ушамагъан – джукъмаз.
- Хата – гитчеден.
- Ётюрюкню башын керти кесер.
- Джарашыу сюйген – джалынчакъ.
- Адамны бетине къарама, адетине къара.
- Ата джурт – алтын бешик.
- Эски джаугъа ышанма.
- Акъыллы айтыр эди, акъылсыз къоймайды.
- Акъыл къартда, джашда тюйюлдю – башдады.
- Тойчу джашха къарама, къойчу джашха къара.
- Насыблы элин сюер, насыбсыз кесин сюер.
- Кечеси – аяз, кюню – къыш, джарлы къаргъагъа бир аш тюш!
- Джукъу тёшек сайламайды.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72