Эльбрусоид :: Форум :: Архив форумов

Эки къатын алгъан – эки ташны ортасына башын салгъан.
Сангырау къулакъ эл бузар.
Кимни – тили, тиши онглу, кимни – къолу, иши онглу.
Джырчы джырчыгъа – къарнаш.
Рысхысына кёре, джаш ёсер, къышлыгъына кёре, мал ёсер.
Азыкъ аз болса, эртде орун сал.
Аман эсирсе, юйюн ояр.
Башынга джетмегенни сорма.
Чыкълы кюнде чыкъмагъан, чыкъса къуру кирмеген.
Ишлегенде эринме, ишде чолакъ кёрюнме.
Аякъларынгы джууургъанынга кёре узат.
Ауузу бла къуш тута айланады.
Термилгенинги табмазса, кюлгенинге тюберсе.
Къарны аманнга къазан такъдырма, къолу аманнга от джакъдырма.
Иги адамны бир сёзю эки болмаз.
Орундукъ тюбюнде атылсам да, орта джиликме, де да айлан.
Ата джурт – алтын бешик.
Тура эдим джата, къайдан чыкъды хата?
Ичимден чыкъды хата, къайры барайым сата?
Баш болса, бёрк табылыр.
Джырчы ёлсе, джыры къалыр.
Чакъырылмагъан джерге барма, чакъырылгъан джерден къалма.
Ёзденликни джайгъан – джокълукъ.
Экиндини кеч къылсанг, чабыб джетер ашхам.
Ойнаб айтсанг да, эслеб айт.
Джумушакъ терекни къурт ашар.
Аллахдан тилесенг, кёб тиле.
Айраннга суу къош, телиге джол бош.
Чомарт бергенин айтмаз.
Хансыз джомакъ болмаз.
Тил бла келеди джыр да.
Аман къатын алгъан, арыр, иги къатын алгъан джарыр.
Акъыл аздырмаз, билим тоздурмаз.
Ата Джуртун танымагъан, атасын да танымаз.
Магъанасыз сёз – тауушсуз сыбызгъы.
Ачылгъан эт джабылыр, кёрген кёз унутмаз.
Джарлы эскисин джамаса, къууаныр.
Аджаллыгъа окъсуз шкок атылыр.
Бир абыннган – минг сюрюнюр.
Окъугъанны бети джарыкъ.
Накъырда – кертини келечиси.
Алгъанда – джууукъ, бергенде – джау.
Ургъан суудан башынгы сакъла.
Азыкълы ат арымаз, къатыны аман джарымаз.
Сыфатында болмагъаны, суратында болмаз.
Джюрекге ариу – кёзге да ариу.
Намыс болмагъан джерде, насыб болмаз.
Гугук кесини атын айтыб къычыргъанча, мен, мен деб нек тураса?
Адам боллукъ, атламындан белгили болур.
Къартха ушагъан джаш – акъыллы, джашха ушагъан къарт – тели.

Логин:
Пароль:
	Запомнить меня на этом компьютере

Забыли свой пароль?
Регистрация