Эльбрусоид :: Форум :: Архив форумов

Уллу сёзде уят джокъ.
Ишлемеген – тишлемез.
Этек чакъмакълары баш джаргъан, сёлешген сёзлери таш джаргъан.
Башсыз урчукъ тюзюне айланмаз.
Къанны къан бла джуума, аманны аман бла къуума.
Джюрек кёзден алгъа кёрюр.
Кесине гебен этелмеген, биреуге черен эте эди.
Ариу сёз аурууунгу алыр.
Таякъ этден ётер, тил сюекден ётер.
Хансыз джомакъ болмаз.
Ишге юренсин къоллары, халкъ бла болсун джоллары.
Тиширыусуз юй – отсуз от джагъа.
«Ма», - дегенни билмесенг, «бер», - дегенни билмезсе.
Ач къалгъандан, кеч къалгъан къолай.
Аллахха ийнаннган кишини, Аллах онгдурур ишин.
Иши джокъну, сыйы джокъ.
Аякъларынгы джууургъанынга кёре узат.
Иги сеники эсе да, сюйген кесимикин этеме.
Къызны минг тилер, бир алыр.
Акъыл неден да кючлюдю.
Биреуню тёрюнден, кесинги эшик артынг игиди.
Кечеси – аяз, кюню – къыш, джарлы къаргъагъа бир аш тюш!
Хатерли къул болур.
Уллу суу бла уллу ауруудан башынгы сакъла.
Джаным-тиним – окъуу, билим.
Зар адамны насыбы болмаз.
Джетген къыз джерли эшекни танымаз.
Акъыл бла адеб эгизледиле.
Бермеген къол, алмайды.
Иги – алгъыш этер, аман – къаргъыш этер.
Джарлы эскисин джамаса, къууаныр.
Эки къатын алгъан – эки ташны ортасына башын салгъан.
Суу да къайтады чыкъгъан джерине.
Юй кюйдю да, кюйюз чыкъды, ортасындан тюйюш чыкъды.
Джиби бир къат джетмей эди да, эки къат тарта эди.
Чакъырылмагъан къонакъ къачан кетерин сормаз.
Кёбню кёрген – кёб билир.
Аурууну келиую тынч, кетиую – къыйын.
Адам сёзюнден белгили.
Эл ауузу – элек, анга ийнаннган – халек.
Аман къатын алгъан, арыр, иги къатын алгъан джарыр.
Баргъанынга кёре болур келгенинг.
Ана къолу ачытмаз.
Аш берме да, къаш бер.
Эм ашхы къайын ана мамукъ бла башынгы тешер.
Ёзденликни кёбю ётюрюк.
Ач келгенни – тойдур, кеч келгенни – къондур.
Къобан да къуру да къобханлай турмайды, адам да къуру да патчахлай турмайды.
Биреу ашаб къутулур, биреу джалаб тутулур.
Азыгъы аз, алгъа къабар, аты аман, алгъа чабар.

Логин:
Пароль:
	Запомнить меня на этом компьютере

Забыли свой пароль?
Регистрация