- Кёбню кёрген – кёб билир.
- Игиге айтсанг – билир, аманнга айтсанг – кюлюр.
- Таш бла ургъанны, аш бла ур.
- Игини сыйлагъан адетди.
- Таукелге нюр джауар.
- Аман киши кеси юйюнде – къонакъ.
- Алим болгъандан эсе, адам болгъан къыйынды.
- Тили узунну, намысы – къысха.
- Иги адамны бир сёзю эки болмаз.
- Ариу джол аджал келтирмез.
- Ишни ахырын ойламай, аллын башлама.
- Тёзген – тёш ашар!
- Ашхылыкъ джерде джатмайды, аманлыкъ суугъа батмайды.
- Узун джолну барсанг, бюгюн келирсе, къысха джолну барсанг, тамбла келирсе.
- Тойну къарнашы – харс, джырны къарнашы – эжиу.
- Кёзюнде тереги болгъан, чёбю болгъаннга кюле эди.
- Айранын берсенг, челегин да къызгъанма.
- Илму – джашауну джолу.
- Байны оноуу, джарлыгъа джарамаз.
- Ургъан суудан башынгы сакъла.
- Рысхы – сют юсюнде кёмюк кибикди.
- Татлы тилде – сёз ариу, чемер къолда – иш ариу.
- Ишин билген, аны сыйын чыгъарады.
- Берекет берсин деген джерде, берекет болур.
- Адамны аманы адамны бети бла ойнар.
- Тойгъандан сора, ашны сёкме.
- Башы ишлегенни, ауузу да ишлер.
- Насыб бютеу халкъны юлюшюдю.
- Иги – алгъыш этер, аман – къаргъыш этер.
- Чыбыкълыкъда бюгюлмеген, къазыкълыкъда бюгюлмей эди.
- Миллетни бойну – базыкъ, аны бла кюрешген – джазыкъ.
- Зар адам ашынгы ашар, кесинги сатар.
- От этилмеген джерден тютюн чыкъмайды.
- Ишлегенден, къарагъан уста.
- Мал кёб болса, джууукъ кёб болур.
- Бёрю да ач къалмасын, эчки да ашалмасын.
- Тюкюрюк баш джармаз, налат кёз чыгъармаз!
- Туз, гырджын аша, тюзлюк бла джаша.
- Биреуге кёлтюрген таягъынг, кесинги башынга урур.
- Накъырданы арты керти болур.
- Нёгерсизни джолу узун.
- Билим ат болуб да чабар, къуш болуб да учар.
- Кесине гебен этелмеген, биреуге черен эте эди.
- Чёбню кёлтюрсенг, тюбюнден сёз чыгъар.
- Тюз сёз баргъан сууну тыяр.
- Мухар, кеси тойса да, кёзю тоймаз.
- Джаш болсун, къыз болсун, акъылы, саны тюз болсун.
- Ата – билек, ана – джюрек!
- Алма терегинден кери кетмез.
- «Ёгюз, джаргъа джууукъ барма, меннге джюк боллукъса», - дегенди эшек.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72