- Харам къарнашдан, халал тенг ашхы.
- Ёнгкюч къууана барыр, джылай келир.
- Илму – джашауну джолу.
- Таугъа чыгъаллыкъ эсенг, тюзде къалма.
- Аман адамны тепсинге олтуртсанг, къызынгы тилер.
- Ачыкъ джюрекге джол – ачыкъ.
- Джашда акъыл джокъ, къартда къарыу джокъ.
- Накъырданы арты керти болур.
- Алма терегинден кери кетмез.
- Къыйынлы джети элни къайгъысын этер.
- Душманны тышы – акъ, ичи – къара.
- Эркишиге тары кебек танг кёрюнюр.
- Насыблы элин сюер, насыбсыз кесин сюер.
- Кюл тюбюндеги от кёрюнмейди.
- Башсыз урчукъ тюзюне айланмаз.
- Байлыкъдан саулукъ ашхыды.
- Итли къонакъ джарашмаз.
- Ишин билген, аны сыйын чыгъарады.
- Тамчы таш тешер.
- Къыз келсе, джумуш эте келеди, къатын келсе, ушакъ эте келеди.
- Джаным-тиним – окъуу, билим.
- Чабакъгъа акъыл, табагъа тюшсе келеди.
- Ашхы – джыяр, аман – джояр.
- Къарын къуру болса, джюрек уру болур.
- Къарнынг ауруса, ауузунгу тый
- Байны оноуу, джарлыгъа джарамаз.
- Ариу сёзде ауруу джокъ.
- Зарда марда джокъ.
- Адеб базарда сатылмаз.
- Суу кетер, таш къалыр.
- Ата Джуртча джер болмаз, туугъан элча эл болмаз.
- Тынгылагъан тынгы бузар.
- Айран тёгюлсе, джугъусу къалыр.
- Биреуню къыйынлыгъы бла кесинге джол ишлеме.
- Халкъны юйю – туугъан джери.
- Кюлме джашха – келир башха.
- Атадан ёксюз – бир ёксюз, анадан ёксюз – эки ёксюз.
- Керилген да, ургъан кибикди.
- Кёб ант этген, кёб ётюрюк айтыр.
- Джеринден айырылгъан – джети джылар, джуртундан айырылгъан – ёлгюнчю джылар.
- Сёз садакъдан кючлюдю.
- Чомартны къолун джокълукъ байлар.
- Айныгъанлы алты кюн, тогъайгъанлы тогъуз кюн.
- Эки ойлашыб, бир сёлешген.
- Акъыл неден да кючлюдю.
- Тели турса – той бузар.
- Чомартха хар кюн да байрамды.
- Чакъырылгъанны аты, чакъырылмагъанны багъасы болур.
- Джангызны оту джарыкъ джанмаз!
- Окъугъанны бети джарыкъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72