- Джашда акъыл джокъ, къартда къарыу джокъ.
- Ата – билек, ана – джюрек!
- Бетинги сатма, малынгы сат.
- Дууулдаса – бал чибин, къонса – къара чибин.
- Артына баргъанны, къатына барма.
- Асхат ашлыкъ сата, юйдегиси ачдан къата.
- Бир онгсуз адам адет чыгъарды, деб эштирик тюлсе.
- Сакъламагъан затынга джолукъсанг, не бек къууанаса, не бек ачыйса.
- Агъач – джерни чырайы, кийим – эрни чырайы.
- Башы ишлегенни, ауузу да ишлер.
- Ариуну – ауруу кёб.
- Къарт айтханны этмеген, къартаймаз.
- Къайгъыны сюйген, къайгъы табар.
- Ачлыкъда тары гырджын халыуадан татлы.
- Керилген да, ургъан кибикди.
- Къолунгдан къуймакъ ашатсанг да, атаны борчундан къутулмазса.
- Ёксюзню къалачы уллу кёрюнюр.
- Ишлерге уял да, ашаргъа табма.
- Къазанны башы ачыкъ болса, итге уят керекди.
- Телиге от эт десенг, юйюнге от салыр.
- Аш хазыр болса, иш харам болур.
- Аман хансны – урлугъу кёб.
- Терслик кетер, тюзлюк джетер.
- Хансыз джомакъ болмаз.
- Рысхысына кёре, джаш ёсер, къышлыгъына кёре, мал ёсер.
- Таякъ этден ётер, тил сюекден ётер.
- Кёзюнде тереги болгъан, чёбю болгъаннга кюле эди.
- Экиндини кеч къылсанг, чабыб джетер ашхам.
- Ёлюр джаннга, ёкюл джокъ.
- Ёксюзню тилеги къабыл болур.
- Азыкъ аз болса, эртде орун сал.
- Чомартха хар кюн да байрамды.
- Биреуге аманлыкъны тилеме да, кесинге ашхылыкъны тиле.
- Чомарт бергенин айтмаз.
- Тюзлюк шохлукъну бегитир.
- Къонакъ кёб келюучю юйню, къазаны отдан тюшмез.
- Башы джабылгъан челекге, кир тюшмез.
- Айтхан – тынч, этген – къыйын.
- Зар адамны насыбы болмаз.
- Ата Джуртуму башы болмасам да, босагъасында ташы болайым.
- Къыйынлы джети элни къайгъысын этер.
- Билмегенинги, билгеннге сор.
- Эринчекге кюн узун.
- Кёбден умут этиб, аздан къуру къалма.
- Джюз элде джюз ёгюзюм болгъандан эсе, джюз джууугъум болсун.
- Таула не мийик болсала да, аууш табылыр.
- Ишлегенден, къарагъан уста.
- Билмезни кёзю кёрмез, этмезни къулагъы эшитмез.
- Намысы джокъну – дуниясы джокъ.
- Адамны артындан къара сабан сюрме.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72