Эльбрусоид :: Форум :: Архив форумов

Адеби болмагъан къыз – тузсуз хант.
Чоюнну башы ачыкъ болса, итге уят керекди.
Шапа кёб болса, аш татымсыз болур.
Билим – акъылны чырагъы.
Башланнган иш битер, къымылдагъан тиш тюшер.
Арпа, будай – ащды, алтын, кюмюш а – ташды.
Келинин тута билмеген, къул этер, къызын тута билмеген, тул этер.
Билген билмегенни юретген адетди.
Чомартны къолун джокълукъ байлар.
Къайгъыны сюйген, къайгъы табар.
Садакъачыны джаны – къапчыгъында.
Кёл ашады да, кеси ашады.
Джолда аягъынга сакъ бол, ушакъда тилинге сакъ бол.
Джарлыны эшигин махтагъан джабар.
Эркишини аманы тиширыуну джылатыр.
Адам туугъан джеринде, ит тойгъан джеринде.
Нафысынгы айтханын этме, намысынгы айтханын эт.
Ашын ашагъанынгы, башын да сыйла.
Ишленмеклик адамлыкъды.
Юйюнг бла джау болгъандан эсе, элинг бла джау бол.
Къулакъдан эсе, кёзге ышан.
Кёзюнде тереги болгъан, чёбю болгъаннга кюле эди.
Айранын берсенг, челегин да къызгъанма.
Элиб деген, элге болушур.
Аллахдан тилесенг, кёб тиле.
Адам къыйынлыгъын кёлтюрюр, зауукълугъун кёлтюрмез.
Айырылмаз джууугъунга, унутмаз сёзню айтма.
Ачыу алгъа келсе, акъыл артха къалады.
Айыбны суу бла джууалмазса.
Юреннген ауруу къалмаз.
Тюзлюк тас болмайды.
Телиге от эт десенг, юйюнге от салыр.
Хантына кёре тузу, юйюне кёре къызы.
Аджаллыгъа окъсуз шкок атылыр.
Байлыкъ болгъан джерде, тынчлыкъ джокъду.
Сабийни джумушха джибер да, ызындан бар.
Таукелге нюр джауар.
Уллу сёлешме да, уллу къаб.
Аманнга алтын чыдамаз.
Келлик заман – къартлыкъ келтирир, кетген заман – джашлыкъ ёлтюрюр.
Эркиши – от, тиширыу – суу.
Чакъырылмагъан къонакъ – орунсуз.
Экеулен сёлеше тура эселе, орталарына барыб кирме.
Билим ат болуб да чабар, къуш болуб да учар.
Кюлме джашха – келир башха.
Тойну къарнашы – харс, джырны къарнашы – эжиу.
Иги – алгъыш этер, аман – къаргъыш этер.
Чомарт бергенин айтмаз.
Джюрекге ариу – кёзге да ариу.
Сютню башын джалагъан къутулур, тюбюн ичген тутулур.

Логин:
Пароль:
	Запомнить меня на этом компьютере

Забыли свой пароль?
Регистрация