Эльбрусоид :: Форум :: Архив форумов

Зарда марда джокъ.
Джолда аягъынга сакъ бол, ушакъда тилинге сакъ бол.
Мени джылытмагъан кюн, меннге тиймесин!
Тенгни тенглиги джашай барсанг билинир.
Ёгюзню мюйюзлери ауурлукъ этмейдиле.
Бичгенде ашыкъма, тикгенде ашыкъ.
Чабакъгъа акъыл, табагъа тюшсе келеди.
Тура эдим джата, къайдан чыкъды хата?
Аз сёлеш, кёб ишле.
Эркишиге тары кебек танг кёрюнюр.
Джаз бир кюнню джатсанг, къыш талай кюнню абынырса.
Адамны артындан къара сабан сюрме.
Борчунг бар эсе, хурджунунга ойлаб узал.
Сёз сёзню айтдырыр.
Бир онгсуз адам адет чыгъарды, деб эштирик тюлсе.
Къыз тиширыу кеси юйюнде да къонакъды.
Гитче джилтин уллу элни джандырыр.
Къазанны башы ачыкъ болса, итге уят керекди.
Билеги кючлю, бирни джыгъар, билими кючлю, мингни джыгъар.
Аманнга игилик этсенг, юйюнге сау бармазса.
Къонакъ кёб келюучю юйню, къазаны отдан тюшмез.
Джаш болсун, къыз болсун, акъылы, саны тюз болсун.
Мухарны эси – ашарыкъда.
Ачны эсинде – аш.
Ишин билген, аны сыйын чыгъарады.
Эрине къаргъыш этген къатын, эрнин къабар.
Элиб деген, элге болушур.
Таукел тауну аудурур.
Хар сёзню орну барды.
Джырчы ёлсе, джыры къалыр.
Къобан да къуру да къобханлай турмайды, адам да къуру да патчахлай турмайды.
Ачыкъ джюрекге джол – ачыкъ.
Тил джюрекге джол ишлейди.
Джашда акъыл джокъ, къартда къарыу джокъ.
Акъыл сабырлыкъ берир.
Этни да ашады, бетни да ашады.
Арыгъан къош чамчы болур.
Атынг аманнга чыкъгъандан эсе, джанынг тамагъынгдан чыкъсын.
Башланнган иш битер, къымылдагъан тиш тюшер.
Къайгъыны сюйген, къайгъы табар.
Аман киши кеси юйюнде – къонакъ.
Ойнаб айтсанг да, эслеб айт.
Билимден уллу байлыкъ джокъду.
Ауругъанны сау билмез, ач къарынны токъ билмез.
Сютню башын джалагъан къутулур, тюбюн ичген тутулур.
Ана кёлю – балада, бала кёлю – талада.
Ётюрюкчюню шагъаты – къатында.
Ёмюрлюк шохлукъну джел элтмез.
Адамны бетине къарама, адетине къара.
Къошда джокъгъа – юлюш джокъ.

Логин:
Пароль:
	Запомнить меня на этом компьютере

Забыли свой пароль?
Регистрация