- Этни бети бла шорпасы.
- «Ма», - дегенни билмесенг, «бер», - дегенни билмезсе.
- Джырына кёре эжиую.
- Къуру гыбыт бек дыгъырдар.
- Кёл – къызбай, къол – батыр.
- Аманнга алтын чыдамаз.
- Атлыны кёрсе, джаяуну буту талыр.
- Аджашханны ызындагъы кёреди, джангылгъанны джанындагъы биледи.
- Джигер – джаннга къыйынлыкъ.
- Къозулугъунда тоймагъан, къойлугъунда тоймаз.
- Аман адамны тепсинге олтуртсанг, къызынгы тилер.
- Окъдан джара эртде-кеч болса да бителир, сёз джара, ёмюрге къалыр.
- Эринчекни эр алмаз, эр алса да, кёл салмаз, кёл салса да, кёб бармаз!
- Эки элинги тыйсанг, джети элде махталырса.
- Ёлюр джаннга, ёкюл джокъ.
- Къобан да къуру да къобханлай турмайды, адам да къуру да патчахлай турмайды.
- Джылыгъа джылан илешир.
- Аякъларынгы джууургъанынга кёре узат.
- Кёбден умут этиб, аздан къуру къалма.
- Аджал соруб келмез, келсе, къайтыб кетмез.
- Сёз сёзню айтдырыр.
- Айтылгъан сёз ызына къайтмаз.
- Адамны джюреги нени кёрюрге сюйсе, кёзю да аны кёрюрге ёч болады.
- Ата – билек, ана – джюрек!
- Аджаллыгъа окъсуз шкок атылыр.
- Аман къатын алгъан, арыр, иги къатын алгъан джарыр.
- Къонакъны къачан кетерин сорма, къачан келлигин сор.
- Ата джурт – алтын бешик.
- Адамны сабийин сюйген джюреги, бычакъча, джитиди.
- Адебсиз адам – джюгенсиз ат.
- Тойгъан антын унутур.
- Уллу къашыкъ эрин джыртар.
- Чоюнну башы ачыкъ болса, итге уят керекди.
- Ишге юренсин къоллары, халкъ бла болсун джоллары.
- Хата – гитчеден.
- Ата – баланы уясы.
- Эл элде бирер малынг болгъандан эсе, бирер тенгинг болсун.
- Чомарт бергенин айтмаз.
- Азыкълы ат арымаз, къатыны аман джарымаз.
- Ач къарынны, токъ билмез
- Адебни адебсизден юрен.
- Ойнаб айтсанг да, эслеб айт.
- Ана – юйню кюн джарыгъы.
- Эки къатын алгъан – эки ташны ортасына башын салгъан.
- Этни да ашады, бетни да ашады.
- Башынга джетмегенни сорма.
- Бозанг болмагъан джерге, къалагъынгы сукъма.
- Тиширыусуз юй – отсуз от джагъа.
- Эри аманны, къатыны – аман.
- Ата Джуртуму башы болмасам да, босагъасында ташы болайым.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72