- Башланнган иш битер, къымылдагъан тиш тюшер.
- Ёксюзню тилеги къабыл болур.
- Тёрени джагъы джокъ.
- Гугурук къычырмаса да, тангны атары къалмаз.
- Туз, гырджын аша, тюзлюк бла джаша.
- Огъурлуну сёзю – суу, огъурсузну сёзю – уу.
- Чабакъгъа акъыл, табагъа тюшсе келеди.
- Аман киши кеси юйюнде – къонакъ.
- Тюкюрюк баш джармаз, налат кёз чыгъармаз!
- Къарт бла баш аша, джаш бла аякъ аша.
- Чёбню кёлтюрсенг, тюбюнден сёз чыгъар.
- Элге къуллукъ этмеген, элге ие болмаз.
- Уллу суу бла уллу ауруудан башынгы сакъла.
- Юйюнг бла джау болгъандан эсе, элинг бла джау бол.
- Ашыкъгъанны этеги бутуна чырмалыр.
- Бал чибинни ургъаны – ачы, балы – татлы.
- Джашны джигитлиги сорулур, къызны джигерлиги сорулур.
- Эркишини аманы тиширыуну джылатыр.
- Келинни – келгинчи, бёркню кийгинчи кёр.
- Билимден уллу байлыкъ джокъду.
- Арбаз сайлама да, хоншу сайла.
- Окъугъан – асыу, окъумагъан – джарсыу.
- Тюзлюк шохлукъну бегитир.
- Ушамагъан – джукъмаз.
- Къоркъакъны кёзю экили кёрюр.
- Акъдан къара болмаз.
- Сёз садакъдан кючлюдю.
- Ач келгенни – тойдур, кеч келгенни – къондур.
- Кёзден кетген, кёлден да кетеди.
- Мал ёлсе, сюек къалыр, адам ёлсе, иши къалыр.
- Къазанны башы ачыкъ болса, итге уят керекди.
- Ойнай билмеген, оюн бузар.
- Эл ауузу – элек, анга ийнаннган – халек.
- Акъыллы башны – тили къысха.
- Эри аманны, къатыны – аман.
- Айтханы чапыракъдан ётмеген.
- Атлыны кёрсе, джаяуну буту талыр.
- Сабыр джетер муратха, сабырсыз къалыр уятха.
- Къызгъанчдан ычхыныр, мухардан ычхынмаз.
- Накъырда – кертини келечиси.
- Эринчекге кюн узун.
- Тойчу джашха къарама, къойчу джашха къара.
- Ачлыкъ отха секиртир.
- Чыкълы кюнде чыкъмагъан, чыкъса къуру кирмеген.
- Тёзген – тёш ашар!
- Бети – къучакълар, джюреги – бычакълар.
- Ишлемеген – тишлемез.
- Тойгъа барсанг, тоюб бар, эски тонунгу къоюб бар.
- Къонакъ болсанг, ийнакъ бол.
- Аджашхан тёгерек айланыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72