- Тойгъанлыкъ къойгъа джарашады.
- Алтыннга тот къонмаз.
- «Ёгюз, джаргъа джууукъ барма, меннге джюк боллукъса», - дегенди эшек.
- Билмезни кёзю кёрмез, этмезни къулагъы эшитмез.
- Байлыкъ болгъан джерде, тынчлыкъ джокъду.
- Душманны тышы – акъ, ичи – къара.
- Окъдан джара эртде-кеч болса да бителир, сёз джара, ёмюрге къалыр.
- Къазанчы аман болса, къазаны къайнамаз.
- Зар адамны насыбы болмаз.
- Атлыны ашхысы, ат тизгининден билинир
- Дууулдаса – бал чибин, къонса – къара чибин.
- Джыгъылгъанны сырты джерден тоймаз.
- Берекет берсин деген джерде, берекет болур.
- Джангызны оту джарыкъ джанмаз!
- Арба аугъандан сора, джол кёргюзтюучю кёб болур.
- Кёзню ачылгъаны – иги, ауузну джабылгъаны – иги.
- Дуния малгъа сатылма, кесингден телиге къатылма.
- Тюз сёз баргъан сууну тыяр.
- Аджашхан тёгерек айланыр.
- Къарыусузгъа кюлме, онгсузгъа тийме.
- Баш – акъыл ючюн, акъылман – халкъ ючюн.
- Къолу уллу – асыу, аягъы уллу – джарсыу.
- Эки къатын алгъанны къулагъы тынгнгаймаз.
- Джыланны къуйругъундан басарынг келсе, аны башы болгъанын унутма.
- Уллу къазанда бишген эт, чий къалмаз.
- Къызбайны юйюне дери сюрсенг, батыр болур.
- Ёзденликни кёбю ётюрюк.
- Чомарт джарлы болмаз.
- Ёпкелегенни ашы татлы болады.
- Билимден уллу байлыкъ джокъду.
- Билими азны – ауузунда кирит.
- Ач бёрюге мекям джокъ.
- Таш ата билмеген, башына урур.
- Бети бедерден, намыс сакълама.
- Миллетни бойну – базыкъ, аны бла кюрешген – джазыкъ.
- Адебсиз адам – джюгенсиз ат.
- Таукелге нюр джауар.
- Джашынгы кесинг юретмесенг, джашау юретир.
- Эринчекни аурууу – кёб.
- Къарнынг ауруса, ауузунгу тый
- Сабийликде юретмесенг, уллу болса – тюзелмез.
- Атадан ёксюз – бир ёксюз, анадан ёксюз – эки ёксюз.
- Юйюнгден чыкъдынг – кюнюнгден чыкъдынг.
- Сагъышы джокъ – джукъучу, акъылы джокъ – къаугъачы.
- Къуллукъчума, деб махтанма, къуллукъ – хаух джамчыды!
- Таукел адам тау тешер.
- Аз сёлешген, къайгъысыз турур.
- Сагъыш – къартлыкъгъа сюйюмчю.
- Хар ишни да аллы къыйынды.
- Айран ичген – къутулду, джугъусун джалагъан – тутулду.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72