- Иги бла джюрюсенг, джетерсе муратынга, аман бла джюрюсенг, къалырса уятха.
- Кийиминг бла танылма, адамлыкъ бла таныл.
- Байма, деб да, къууанма, джарлыма, деб да, джылама.
- Сёз садакъдан кючлюдю.
- Махтаннган къыз, тойда джукълар.
- Хунаны тюбюн къазсанг, юсюнге ауар.
- Къуру гыбыт бек дыгъырдар.
- Билеги кючлю, бирни джыгъар, билими кючлю, мингни джыгъар.
- Тёрде – темир таякълы, къаяда – чыпчыкъ аякълы.
- Терслик кетер, тюзлюк джетер.
- Сагъышы джокъ – джукъучу, акъылы джокъ – къаугъачы.
- Ач отунчуну ачыуу – бурнунда.
- Шапа кёб болса, аш татымсыз болур.
- Гырджын – тепсини тамадасы.
- Окъдан джара эртде-кеч болса да бителир, сёз джара, ёмюрге къалыр.
- Ашыкъгъанны этеги бутуна чырмалыр.
- Чёбню кёлтюрсенг, тюбюнден сёз чыгъар.
- Окъуу – билимни ачхычы, окъуу – дунияны бачхычы.
- Джетген къыз джерли эшекни танымаз.
- Тыш элде солтан болгъандан эсе, кесинги элде олтан болгъан игиди!
- Юреннген ауруу къалмаз.
- Ата – билек, ана – джюрек!
- Магъанасыз сёз – тауушсуз сыбызгъы.
- Кёб ант этген, кёб ётюрюк айтыр.
- Биреуге кёлтюрген таягъынг, кесинги башынга урур.
- Ат басханны джер билед.
- Адеби болмагъан къыз – тузсуз хант.
- Ач къарынны, токъ билмез
- Кесине гебен этелмеген, биреуге черен эте эди.
- Кесинге джетмегенни, кёб сёлешме.
- Башы джабылгъан челекге, кир тюшмез.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Элде адам къалмаса, ит тахтагъа минер.
- Аууздан келген, къолдан келсе, ким да патчах болур эди.
- Къазанны башы ачыкъ болса, итге уят керекди.
- Къолунгдан къуймакъ ашатсанг да, атаны борчундан къутулмазса.
- «Ёгюз, джаргъа джууукъ барма, меннге джюк боллукъса», - дегенди эшек.
- Элге къуллукъ этмеген, элге ие болмаз.
- Ач къарным, тынч къулагъым.
- Сангырау къулакъ эл бузар.
- Джолда аягъынга сакъ бол, ушакъда тилинге сакъ бол.
- Къошда джокъгъа – юлюш джокъ.
- Кесинг сынамагъан затны, адамгъа буюрма.
- Таукел къуру къалмаз.
- Айырылмаз джууугъунга, унутмаз сёзню айтма.
- Аз айтсам, кёб ангылагъыз.
- Мадар болса, къадар болур.
- Адамны бетине къарама, адетине къара.
- Къарнынг ауруса, ауузунгу тый
- Джарлы тюеге минсе да, ит къабар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72