- Таш ата билмеген, башына урур.
- Акъылсызны джууукъгъа алма, акъыллыны кенгнге салма.
- Акъыл неден да кючлюдю.
- Суу кетер, таш къалыр.
- Керилген да, ургъан кибикди.
- Эркишиге тары кебек танг кёрюнюр.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Тенги кёбню джау алмаз, акъылы кёбню дау алмаз.
- Уллу къазанда бишген эт, чий къалмаз.
- Термилгенинги табмазса, кюлгенинге тюберсе.
- Келгинчи, къонакъ уялыр, келгенден сора, къонакъбай уялыр.
- Таукел тауну аудурур.
- Ашха уста, юйюнде болсун
- Эртде тургъан бла эртде юйленнген сокъуранмаз.
- Юй кюйдю да, кюйюз чыкъды, ортасындан тюйюш чыкъды.
- Тилчи бир сагъатха айлыкъ хата этер.
- Огъурлуну сёзю – суу, огъурсузну сёзю – уу.
- Къар – келтирди, суу – элтди.
- Адамны адамлыгъы къыйынлыкъда айгъакъланады.
- Эл элде бирер малынг болгъандан эсе, бирер тенгинг болсун.
- Ариу – кёзге, акъыл – джюрекге.
- Хар ишни да аллы къыйынды.
- Ичимден чыкъды хата, къайры барайым сата?
- Керек ташны ауурлугъу джокъ.
- Аман хансны – урлугъу кёб.
- Уруну арты – къуру.
- Накъырданы арты керти болур.
- Къолу уллу – асыу, аягъы уллу – джарсыу.
- Кёл ашады да, кеси ашады.
- Уллу къашыкъ эрин джыртар.
- Ашарыкъда сайлагъаннга – чий гырджын.
- Джарлы тюеге минсе да, ит къабар.
- Джарлыны эшигин махтагъан джабар.
- Нарт сёз – тилни бети.
- Аманнга да, игиге да оноусуз къатышма.
- Къонакъ хазыр болгъанлыкъгъа, къонакъбай хазыр тюлдю.
- Къатыны харакетли болса, эри къымсыз болур.
- Къатын байлыкъны сюер, эр саулукъну сюер.
- Иги адамны бир сёзю эки болмаз.
- Халкъгъа джарагъан, джарлы къалмаз.
- Ач къалгъандан, кеч къалгъан къолай.
- Аджашхан тёгерек айланыр.
- Махтаннган къыз, тойда джукълар.
- Аякъларынгы джууургъанынга кёре узат.
- Таукел адам тау тешер.
- Аман киши кеси юйюнде – къонакъ.
- Бюгюн дуния кибик, тамбла ахыратды.
- Бал чибинни ургъаны – ачы, балы – татлы.
- Эли джокъну – кёлю джокъ.
- Кёл – къызбай, къол – батыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72