- Джигер – джаннга къыйынлыкъ.
- Алгъанда – джууукъ, бергенде – джау.
- Керти сёзге тёре джокъ.
- Бетинги сатма, малынгы сат.
- Джашынгы кесинг юретмесенг, джашау юретир.
- Джангызны оту джарыкъ джанмаз!
- Таш бла ургъанны, аш бла ур.
- Айыбны суу бла джууалмазса.
- Бичгенде ашыкъма, тикгенде ашыкъ.
- Артына баргъанны, къатына барма.
- Сёз къанатсыз учар.
- Джюз элде джюз ёгюзюм болгъандан эсе, джюз джууугъум болсун.
- Къарнынг бла ёч алма.
- Аманны къуугъан, аманлыкъ табар.
- Джангыз терек къынгыр ёсер.
- Юреннген ауруу къалмаз.
- Адебни адебсизден юрен.
- Таукел къуру къалмаз.
- Къонагъынгы артмагъын алма да, алгъышын ал.
- Къонакъ хазыр болгъанлыкъгъа, къонакъбай хазыр тюлдю.
- Ашхы болсанг, атынг чыгъар, аман болсанг, джанынг чыгъар.
- Тюзлюк тас болмайды.
- Окъдан джара эртде-кеч болса да бителир, сёз джара, ёмюрге къалыр.
- Ашхы адам – халкъ байлыгъы, ашхы джер – джашау байлыгъы.
- Эл ауузу – элек, анга ийнаннган – халек.
- Харам къарнашдан, халал тенг ашхы.
- Тойгъа алгъа да барма, тойда артха да къалма.
- Къулакъдан эсе, кёзге ышан.
- Кёзюнде тереги болгъан, чёбю болгъаннга кюле эди.
- Иши джокъну, сыйы джокъ.
- Окъугъанны бети джарыкъ.
- Джарлыны эшигин махтагъан джабар.
- Сабий кёргенин унутмаз.
- Кимни – тили, тиши онглу, кимни – къолу, иши онглу.
- Байма, деб да, къууанма, джарлыма, деб да, джылама.
- Мени джылытмагъан кюн, меннге тиймесин!
- Биреу къой излей, биреу той излей.
- Баланы адам этген анады.
- Ач келгенни – тойдур, кеч келгенни – къондур.
- Акъыллы – эл иеси, тели – эл баласы.
- Тамчы таш тешер.
- Биреу ашаб къутулур, биреу джалаб тутулур.
- Иги адамны бир сёзю эки болмаз.
- Оюмсуз атлагъан, аджалсыз ёлюр.
- Чалманны аллы къалай башланса, арты да алай барады.
- Джумушакъ сёз къаты таякъны сындырыр.
- Башы джабылгъан челекге, кир тюшмез.
- Адамны аманы адамны бети бла ойнар.
- Ойнай-ойнай кёз чыгъар.
- Къралынгы – душмандан, башынгы от бла суудан сакъла.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72