- Рысхы – сют юсюнде кёмюк кибикди.
- Ышармагъан – кюлмез, кюлмеген – къууанчны билмез.
- Эртде тургъан джылкъычыны эркек аты тай табар.
- Биреуге аманлыкъны тилеме да, кесинге ашхылыкъны тиле.
- Бет бетге къараса, бет да джерге къарар.
- Къарын къуру болса, джюрек уру болур.
- Сагъыш – къартлыкъгъа сюйюмчю.
- Сёз садакъдан кючлюдю.
- Ёмюрлюк шохлукъну джел элтмез.
- Байлыкъ тауусулур, билим тауусулмаз.
- Къарыусузгъа кюлме, онгсузгъа тийме.
- Джарлы эскисин джамаса, къууаныр.
- Джашлыкъ этмеген, башлыкъ этмез.
- Сабий болмагъан джерде, мёлек болмаз.
- Джылкъыдан – ат чыгъар, тукъумдан – джаш чыгъар.
- Тёрдеги кюлсе, эшикдеги ышарыр.
- Эки элинги тыйсанг, джети элде махталырса.
- Джаханимни кёрмей, джандетге кёл салмазса.
- Эркиши – от, тиширыу – суу.
- Уллу сёлешме да, уллу къаб.
- Къыз чыгъаргъан – къызыл къымжа.
- Эски джаугъа ышанма.
- Ашхылыкъ джерде джатмайды, аманлыкъ суугъа батмайды.
- Къонакъны къачан кетерин сорма, къачан келлигин сор.
- Намысы болмагъанны, сыйы болмаз.
- Ётюрюкден тюбю джокъ, кёлтюрюрге джиби джокъ.
- Ишленмеген джаш – джюгенсиз ат, ишленмеген къыз – тузсуз хант.
- Байма, деб да, къууанма, джарлыма, деб да, джылама.
- Телиге акъыл салгъандан эсе, ёлгеннге джан салырса.
- Башланнган иш битер, къымылдагъан тиш тюшер.
- Тюзню ётмеги тюзде къалса да, тас болмаз.
- Кийимни бир кюнню аясанг, минг кюннге джарар.
- Къатын байлыкъны сюер, эр саулукъну сюер.
- Бёрю да ач къалмасын, эчки да ашалмасын.
- Окъугъанны бети джарыкъ.
- Уясында не кёрсе, учханында аны этер.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Кеси юйюмде мен да ханма.
- Джети тилни билген джети кишиди.
- Кёзю сокъурдан – къоркъма, кёлю сокъурдан – къоркъ.
- Къайтырыкъ эшигинги, къаты уруб чыкъма.
- Тилсиз миллет джокъ болур.
- Джаш болсун, къыз болсун, акъылы, саны тюз болсун.
- Аман хансны – урлугъу кёб.
- Кийим тукъум сордурур.
- Ач, тоймам, дейди, тойгъан, ач болмам, дейди.
- Aдам боллукъ, сыфатындан белгили.
- Ургъан суудан башынгы сакъла.
- Ашын ашагъанынгы, башын да сыйла.
- Окъумагъан сокъурду, сокъур ташха абыныр!
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72