- Ач – эснер, ат – кишнер.
- Термилгенинги табмазса, кюлгенинге тюберсе.
- Ашхы адам – халкъ байлыгъы, ашхы джер – джашау байлыгъы.
- Къайгъы тюбю – тенгиз.
- Джырчы ёлсе, джыры къалыр.
- Эли джокъну – кёлю джокъ.
- Аджашхан тёгерек айланыр.
- Адамны джюреги нени кёрюрге сюйсе, кёзю да аны кёрюрге ёч болады.
- Аууз сакълагъан – джан сакълар.
- Тура эдим джата, къайдан чыкъды хата?
- Кийим тукъум сордурур.
- Къолу уллу – асыу, аягъы уллу – джарсыу.
- Асхат ашлыкъ сата, юйдегиси ачдан къата.
- Кеси юйюмде мен да ханма.
- Халкъны джырын джырласанг, халкъ санга эжиу этер.
- Аякъларынгы джууургъанынга кёре узат.
- Эки элинги тыйсанг, джети элде махталырса.
- Кёзю сокъурдан – къоркъма, кёлю сокъурдан – къоркъ.
- Бермеген къол, алмайды.
- Биреуге аманлыкъ этиб, кесинге игилик табмазса.
- Аман адам элни бир-бирине джау этер.
- Ашарыкъда сайлагъаннга – чий гырджын.
- Тёрде – темир таякълы, къаяда – чыпчыкъ аякълы.
- Булут кёкге джарашыу, уят бетге джарашыу.
- Джеринден айырылгъан – джети джылар, джуртундан айырылгъан – ёлгюнчю джылар.
- Оюмсуз атлагъан, аджалсыз ёлюр.
- Эринчекге кюн узун.
- Эки ойлашыб, бир сёлешген.
- Азыкълы ат арымаз, къатыны аман джарымаз.
- Сабийни джумушха джибер да, ызындан бар.
- Кёзню ачылгъаны – иги, ауузну джабылгъаны – иги.
- Ёлген аслан – сау чычхан.
- Игилик игилик бла сингдирилиучю затды.
- Суу ичген шауданынга тюкюрме.
- Кёб къычыргъандан – къоркъма, тынч олтургъандан – къоркъ.
- Эм уллу байлыкъ – джан саулукъ.
- Ашда уялгъан – мухар, ишде уялгъан – хомух.
- Ачны эсинде – аш.
- Таукел адам тау тешер.
- Тойгъан джерден туугъан джер игиди.
- Кёзден кетген, кёлден да кетеди.
- Окъуусуз билим – джокъ, билимсиз кюнюнг – джокъ.
- Аман къатын сабий табса, бий болур…
- Таукел тауну аудурур.
- Тилчи бир сагъатха айлыкъ хата этер.
- Гитче джилтин уллу элни джандырыр.
- Акъыллы башны – тили къысха.
- Къонакъ хазыр болгъанлыкъгъа, къонакъбай хазыр тюлдю.
- Кёз – сюйген джерде, къол – ауругъан джерде.
- Бал – татлы, балдан да бала – татлы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72