- Тешик этген тынчды, аны джамагъан къыйынды.
- Тюз сёз баргъан сууну тыяр.
- Татлы тилде – сёз ариу, чемер къолда – иш ариу.
- Бир абыннган – минг сюрюнюр.
- Къартха ушагъан джаш – акъыллы, джашха ушагъан къарт – тели.
- Юйюнгден чыкъдынг – кюнюнгден чыкъдынг.
- Сабийни джумушха джибер да, ызындан бар.
- Аджалсыз ёлюм болмаз.
- Нафысынгы айтханын этме, намысынгы айтханын эт.
- Эм ашхы къайын ана мамукъ бла башынгы тешер.
- Аз сёлешген, къайгъысыз турур.
- Чомарт бергенин айтмаз.
- Бозаны арты дауур болур.
- Кечеси – аяз, кюню – къыш, джарлы къаргъагъа бир аш тюш!
- Миллетни бойну – базыкъ, аны бла кюрешген – джазыкъ.
- Къозулугъунда тоймагъан, къойлугъунда тоймаз.
- Термилгенинги табмазса, кюлгенинге тюберсе.
- Ишленмеклик адамлыкъды.
- Хата – гитчеден.
- Ашыкъгъанны этеги бутуна чырмалыр.
- Эл тойса, тоймагъан, эл къойса, къоймагъан.
- Уллу къазанда бишген эт, чий къалмаз.
- Нёгерсизни джолу узун.
- Джерни букъусу кёкге къонмаз.
- Гитче джилтин уллу элни джандырыр.
- Келинин тута билмеген, къул этер, къызын тута билмеген, тул этер.
- Билимсиз иш бармаз.
- Байма, деб да, къууанма, джарлыма, деб да, джылама.
- Джиби бир къат джетмей эди да, эки къат тарта эди.
- Къобан да къуру да къобханлай турмайды, адам да къуру да патчахлай турмайды.
- Биреуге аманлыкъны тилеме да, кесинге ашхылыкъны тиле.
- Джарашыу сюйген – джалынчакъ.
- Мухар, кеси тойса да, кёзю тоймаз.
- Къызын тута билмеген, тул этер, джашын тута билмеген, къул этер.
- Магъанасыз сёз – тауушсуз сыбызгъы.
- Болджал ишни бёрю ашар.
- Къайтырыкъ эшигинги, къаты уруб чыкъма.
- Билген билмегенни юретген адетди.
- Ёзденликни кёбю ётюрюк.
- Ишни аллы бла къууанма да, арты бла къууан.
- Алтыннга тот къонмаз.
- Окъуу – билимни ачхычы, окъуу – дунияны бачхычы.
- Кесинг сынамагъан затны, адамгъа буюрма.
- Тин – байлыгъынг, терен саулугъунг.
- Урунуу – насыбны анасы.
- Тили узунну, намысы – къысха.
- Аман хансны – урлугъу кёб.
- Тюзлюк тас болмайды.
- Эте билген, этген этеди, эте билмеген, юретген этеди!
- Сакъламагъан затынга джолукъсанг, не бек къууанаса, не бек ачыйса.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72