- Этни да ашады, бетни да ашады.
- Ургъан суудан башынгы сакъла.
- Айраннга суу къош, телиге джол бош.
- Ёлген аслан – сау чычхан.
- Рысхы джалгъанды: келген да этер, кетген да этер.
- Ачлыкъда тары гырджын халыуадан татлы.
- Ашда – бёрю, ишде – ёлю.
- Орундукъ тюбюнде атылсам да, орта джиликме, де да айлан.
- Ана къолу ачытмаз.
- Кёзю сокъурдан – къоркъма, кёлю сокъурдан – къоркъ.
- Биреуню тёрюнден, кесинги эшик артынг игиди.
- Соргъан айыб тюлдю, билмеген айыбды.
- Эринчекни аурууу – кёб.
- Тенги кёбню джау алмаз, акъылы кёбню дау алмаз.
- Джашлыкъ этмеген, башлыкъ этмез.
- Тыш элде солтан болгъандан эсе, кесинги элде олтан болгъан игиди!
- Иги адамны бир сёзю эки болмаз.
- Кеси юйюмде мен да ханма.
- Ауругъан – джашаудан умутчу.
- Джумушакъ терекни къурт ашар.
- Кёбню кёрген – кёб билир.
- Джаханимни кёрмей, джандетге кёл салмазса.
- Ач, тоймам, дейди, тойгъан, ач болмам, дейди.
- Эл элде бирер малынг болгъандан эсе, бирер тенгинг болсун.
- Джюрек кёзден алгъа кёрюр.
- Бек анасы джыламаз.
- Бир абыннган – минг сюрюнюр.
- Аджашханны ызындагъы кёреди, джангылгъанны джанындагъы биледи.
- Биреуню къыйынлыгъы бла кесинге джол ишлеме.
- Эл ауузу – элек, анга ийнаннган – халек.
- Окъумагъан сокъурду, сокъур ташха абыныр!
- Кюлме джашха – келир башха.
- Шапа кёб болса, аш татымсыз болур.
- Къартха ушагъан джаш – акъыллы, джашха ушагъан къарт – тели.
- Бир онгсуз адам адет чыгъарды, деб эштирик тюлсе.
- Кесине гебен этелмеген, биреуге черен эте эди.
- Сёлеш деб шай берген, тохта деб, сом берген.
- Кесинге джетмегенни, кёб сёлешме.
- Ауузу бла къуш тута айланады.
- Кюн кёрмеген, кюн кёрсе, кюндюз чыракъ джандырыр.
- Окъ къызбайны джокълайды.
- Акъыл неден да кючлюдю.
- Тойгъан джерден туугъан джер игиди.
- Къазанны башы ачыкъ болса, итге уят керекди.
- Аманны тукъумуна къарама, игини тукъумун сорма.
- Туз, гырджын аша, тюзлюк бла джаша.
- Тенгни тенглиги джашай барсанг билинир.
- Къонакъны къачан кетерин сорма, къачан келлигин сор.
- Хар ишни да аллы къыйынды.
- Тёзген – тёш ашар!
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72