- Джети тилни билген джети кишиди.
- Къумурсхала джыйылсала, пилни да джыгъадыла.
- Биреуге кёлтюрген таягъынг, кесинги башынга урур.
- Ышармагъан – кюлмез, кюлмеген – къууанчны билмез.
- Ач – эснер, ат – кишнер.
- Берекет берсин деген джерде, берекет болур.
- Ашлыкъ – бюртюкден, джюн – тюкден.
- Бети къызарыучу адамны, джюреги харам болмаз.
- Чабакъсыз кёлге къармакъ салгъанлыкъгъа, чабакъ тутмазса.
- Арыгъан къош чамчы болур.
- Мухарны эси – ашарыкъда.
- Ашхы адам – халкъ байлыгъы, ашхы джер – джашау байлыгъы.
- Кенгеш болса, уруш болмаз.
- Эм ашхы къайын ана мамукъ бла башынгы тешер.
- Бозаны арты дауур болур.
- Сютню башын джалагъан къутулур, тюбюн ичген тутулур.
- Уллу атлама – абынырса, уллу къабма – къарылырса.
- Уллу сёлешме да, уллу къаб.
- Тил джюрекге джол ишлейди.
- Ёксюзню тилеги къабыл болур.
- Халкъны джырын джырласанг, халкъ санга эжиу этер.
- Джогъун бар этген, барын бал этген.
- Ашда – бёрю, ишде – ёлю.
- Байлыкъдан саулукъ ашхыды.
- Адеб джокъда, намыс джокъ.
- Ашхы тенг джолгъа салыр, аман тенг джолдан тайдырыр.
- Ёгюзню мюйюзюнден тутадыла, адамны сёзюнден тутадыла.
- Ата Джуртча джер болмаз, туугъан элча эл болмаз.
- Келинни – келгинчи, бёркню кийгинчи кёр.
- Къызгъанчдан ычхыныр, мухардан ычхынмаз.
- Аз айтсам, кёб ангылагъыз.
- Ана къолу ачытмаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ёпкелегенни ашы татлы болады.
- Сабыр джетер муратха, сабырсыз къалыр уятха.
- Телини эшигин, махтау джабар.
- Мен да «сен», дейме, сен да «кесим», дейсе.
- Уллу айтханны этмеген – уллаймаз.
- Акъыл бла адеб эгизледиле.
- Соргъан айыб тюлдю, билмеген айыбды.
- Къарт айтханны этмеген, къартаймаз.
- Шекер бла туз – бир болмаз, ушамагъан – юй болмаз.
- Ханы къызы буюгъа-буюгъа киштик болду.
- Джаралыны джастыгъында сау ёлюр.
- Билген билмегенни юретген адетди.
- Къолу уллу – асыу, аягъы уллу – джарсыу.
- Тойгъан антын унутур.
- Эри аманны, къатыны – аман.
- Суу ичген шауданынга тюкюрме.
- Бал – татлы, балдан да бала – татлы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72