Эльбрусоид :: Форум :: Архив форумов

Рысхы – насыбха къор.
Кёз – сюйген джерде, къол – ауругъан джерде.
Билгенни къолу къарны джандырыр.
Окъугъан – асыу, окъумагъан – джарсыу.
Джаш болсун, къыз болсун, акъылы, саны тюз болсун.
Ашлыкъ – бюртюкден, джюн – тюкден.
Бойнуму джети джерден кессенг да, мен ол ишни этеллик тюлме.
Юре билмеген ит, къонакъ келтирир.
Бети – къучакълар, джюреги – бычакълар.
Ойнай билмеген, уруб къачар.
Этни бети бла шорпасы.
Аман къатын сабий табса, бий болур…
Телини эшигин, махтау джабар.
Телиге акъыл салгъандан эсе, ёлгеннге джан салырса.
Адам бла мюлк юлешмеген эсенг, ол адамны билиб бошагъанма, деб кесинги алдама.
Иесиз малны бёрю ашар.
Эринчекни эр алмаз, эр алса да, кёл салмаз, кёл салса да, кёб бармаз!
Тёрдеги кюлсе, эшикдеги ышарыр.
Тойгъандан сора, ашны сёкме.
Иги джашны ышаны – аз сёлешиб, кёб тынгылар.
Тойгъан антын унутур.
Чакъырылгъанны аты, чакъырылмагъанны багъасы болур.
Намысы джокъну – дуниясы джокъ.
Абынмазлыкъ аякъ джокъ, джангылмазлыкъ джаякъ джокъ.
Башда акъыл болмаса, эки аякъгъа кюч джетер.
Къарны аманнга къазан такъдырма, къолу аманнга от джакъдырма.
Сютню башын джалагъан къутулур, тюбюн ичген тутулур.
Арба аугъандан сора, джол кёргюзтюучю кёб болур.
Орну джокъну – сыйы джокъ.
Ёгюзню мюйюзлери ауурлукъ этмейдиле.
Сабий болмагъан джерде, мёлек болмаз.
Кийиминг бла танылма, адамлыкъ бла таныл.
Ишленмеклик адамлыкъды.
Джангыз терек къынгыр ёсер.
Эртде тургъан бла эртде юйленнген сокъуранмаз.
Сормай – алма, чакъырылмай – барма.
Иги адамны бир сёзю эки болмаз.
Айран ичген – къутулду, джугъусун джалагъан – тутулду.
Хансыз джомакъ болмаз.
Акъдан къара болмаз.
Ёзденликни джайгъан – джокълукъ.
Таула не мийик болсала да, аууш табылыр.
Айранны сюйген, ийнек тутар.
Хар ишни да аллы къыйынды.
Ашха уста, юйюнде болсун
Билимден уллу байлыкъ джокъду.
Татлы сёз – балдан татлы.
Ашхы адам – халкъ байлыгъы, ашхы джер – джашау байлыгъы.
Ачлыкъ отха секиртир.
Сагъыш – къартлыкъгъа сюйюмчю.

Логин:
Пароль:
	Запомнить меня на этом компьютере

Забыли свой пароль?
Регистрация