- Алма терегинден кери кетмез.
- Сёз – кюмюш, джыр – алтын.
- Эл бла кёргенинг эрелей.
- Тик ёргени, тик энгишгеси да болады.
- Башланнган иш битер, къымылдагъан тиш тюшер.
- Ашхы атаны – джашы ашхы, ашхы ананы – къызы ашхы.
- Аман адам этегингден тутса, кес да къач.
- Бал – татлы, балдан да бала – татлы.
- Накъырда – кертини келечиси.
- Билмегенинги, билгеннге сор.
- Таугъа чыгъаллыкъ эсенг, тюзде къалма.
- Таякъ этден ётер, тил сюекден ётер.
- Тешик этген тынчды, аны джамагъан къыйынды.
- Къыз чыгъаргъан – къызыл къымжа.
- Айтылгъан буйрукъ, сёгюлмез
- Тилчи бир сагъатха айлыкъ хата этер.
- Ойнай билмеген, оюн бузар.
- Хунаны тюбюн къазсанг, юсюнге ауар.
- Рысхысына кёре, джаш ёсер, къышлыгъына кёре, мал ёсер.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Тили узунну, намысы – къысха.
- Кёзню ачылгъаны – иги, ауузну джабылгъаны – иги.
- Таукел тауну аудурур.
- Биреу ашаб къутулур, биреу джалаб тутулур.
- Тамбла алтындан бюгюн багъыр ашхы.
- Шапа кёб болса, аш татымсыз болур.
- Эки элинги тыйсанг, джети элде махталырса.
- Хаухну атма, ёнгкючню сатма.
- Эшекни не къадар тюйсенг да, ат болмаз.
- Битмегеннге сакъал – танг.
- Тойгъан антын унутур.
- Намысы болмагъанны, сыйы болмаз.
- Акъдан къара болмаз.
- Сакъ юйюне сау барыр.
- Кесинге джетмегенни, кёб сёлешме.
- Байлыкъ болгъан джерде, тынчлыкъ джокъду.
- Уллу къашыкъ эрин джыртар.
- Аман адамны тепсинге олтуртсанг, къызынгы тилер.
- Борчунг бар эсе, хурджунунга ойлаб узал.
- Таукелге нюр джауар.
- Суу кетер, таш къалыр.
- Къонакъ аз олтурур, кёб сынар.
- Джашынгы кесинг юретмесенг, джашау юретир.
- Асхат ашлыкъ сата, юйдегиси ачдан къата.
- Элге къуллукъ этмеген, элге ие болмаз.
- Чакъырылмагъан къонакъ – орунсуз.
- Уясында не кёрсе, учханында аны этер.
- Джашда акъыл джокъ, къартда къарыу джокъ.
- Хата – гитчеден.
- Башсыз урчукъ тюзюне айланмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72