Эльбрусоид :: Форум :: Архив форумов

Таула не мийик болсала да, аууш табылыр.
Арыгъан къош чамчы болур.
Таш бла ургъанны, аш бла ур.
Мухарны эси – ашарыкъда.
Къатын къылыкъсыз, эр тынчлыкъсыз.
Джаз бир кюнню джатсанг, къыш талай кюнню абынырса.
Акъыл бла адеб эгизледиле.
Ханы къызы буюгъа-буюгъа киштик болду.
Къайтырыкъ эшигинги, къаты уруб чыкъма.
Ичимден чыкъды хата, къайры барайым сата?
Урунуу – насыбны анасы.
Къарнынг ауруса, ауузунгу тый
Къатыны харакетли болса, эри къымсыз болур.
Бастасын ашагъан, хантусун да ичер.
Джигер – джаннга къыйынлыкъ.
Тенгни тенглиги джашай барсанг билинир.
Аууздан келген, къолдан келсе, ким да патчах болур эди.
Билмегенинги, билгеннге сор.
Насыблы элин сюер, насыбсыз кесин сюер.
Атлыны ашхысы, ат тизгининден билинир
Шапа кёб болса, аш татымсыз болур.
Тюз сёз баргъан сууну тыяр.
Бети къызарыучу адамны, джюреги харам болмаз.
Тёрени джагъы джокъ.
Аманнга да, игиге да оноусуз къатышма.
Эски джаугъа ышанма.
Адам боллукъ, атламындан белгили болур.
Биреу ашаб къутулур, биреу джалаб тутулур.
Билмейме деген – бир сёз
Тас болгъан бычакъны сабы – алтын.
Алим болгъандан эсе, адам болгъан къыйынды.
Эркишини аманы тиширыуну джылатыр.
Душманны тышы – акъ, ичи – къара.
Ургъан суудан башынгы сакъла.
Ышармагъан – кюлмез, кюлмеген – къууанчны билмез.
Ач, тоймам, дейди, тойгъан, ач болмам, дейди.
Эл тойса, тоймагъан, эл къойса, къоймагъан.
Аш хазыр болса, иш харам болур.
Ана – юйню кюн джарыгъы.
Окъугъанны бети джарыкъ.
Тёгюлген тюгел джыйылмайды.
Тамбла алтындан бюгюн багъыр ашхы.
Чомарт бергенин айтмаз.
Къуллукъчума, деб махтанма, къуллукъ – хаух джамчыды!
Эл ауузу – элия.
Кирсизни – саны таза, халалны – къаны таза.
Айныгъанлы алты кюн, тогъайгъанлы тогъуз кюн.
Кёлсюзден сёзсюз тууар.
Ёлюк кебинсиз къалмаз.
Джеринден айырылгъан – джети джылар, джуртундан айырылгъан – ёлгюнчю джылар.

Логин:
Пароль:
	Запомнить меня на этом компьютере

Забыли свой пароль?
Регистрация