- Ётюрюкден тюбю джокъ, кёлтюрюрге джиби джокъ.
- Тилчиден кери бол.
- Кёл – къызбай, къол – батыр.
- Таукелге нюр джауар.
- Бек ашыкъгъан меннге джетсин, дегенди аракъы.
- Ким бла джюрюсенг, аны кёзю бла кёрюнюрсе.
- Къулакъдан эсе, кёзге ышан.
- Сакъалы текени да бар, мыйыгъы киштикни да бар.
- Адам къыйынлыгъын кёлтюрюр, зауукълугъун кёлтюрмез.
- Тили узунну, намысы – къысха.
- Джырчы ёлсе, джыры къалыр.
- Бал ашаргъа сюе эсенг, чибин ургъаннга тёз.
- Джеринден айырылгъан – джети джылар, джуртундан айырылгъан – ёлгюнчю джылар.
- Ичимден чыкъды хата, къайры барайым сата?
- Ашыкъгъанны этеги бутуна чырмалыр.
- Тил – миллетни джаны.
- Бир онгсуз адам адет чыгъарды, деб эштирик тюлсе.
- Джол бла сёзню къыйыры джокъ.
- Хазыр ашха – терен къашыкъ.
- Бети – къучакълар, джюреги – бычакълар.
- Иги – алгъыш этер, аман – къаргъыш этер.
- Чоюнну башы ачыкъ болса, итге уят керекди.
- Аш берме да, къаш бер.
- Ышармагъан – кюлмез, кюлмеген – къууанчны билмез.
- Айтылгъан сёз ызына къайтмаз.
- Аш иеси бла татлыды.
- Кёпюр салгъан кеси ётер, уру къазгъан кеси кетер.
- Джыйырма къойну юч джыйырма эбзе кюте эди.
- Айраннга суу къош, телиге джол бош.
- Рысхы – сют юсюнде кёмюк кибикди.
- Чомарт джарлы болмаз.
- Билимсиз иш бармаз.
- Окъугъанны бети джарыкъ.
- Алгъанда – джууукъ, бергенде – джау.
- Аман киши кеси юйюнде – къонакъ.
- Башы ишлегенни, ауузу да ишлер.
- Атлыны кёрсе, джаяуну буту талыр.
- Тура эдим джата, къайдан чыкъды хата?
- Уллу атлама – абынырса, уллу къабма – къарылырса.
- Бичгенде ашыкъма, тикгенде ашыкъ.
- Уруну арты – къуру.
- Къайгъыны сюйген, къайгъы табар.
- От кюйдюрген, сау болса да, тот кюйдюрген, сау болмаз.
- Аманны тукъумуна къарама, игини тукъумун сорма.
- Джарашыу сюйген – джалынчакъ.
- Арпа, будай – ащды, алтын, кюмюш а – ташды.
- Уясында не кёрсе, учханында аны этер.
- Къарнынг ауруса, ауузунгу тый
- Эшекге миннген – биринчи айыб, андан джыгъылгъан – экинчи айыб.
- Аджаллыгъа окъсуз шкок атылыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72