- Джашны джигитлиги сорулур, къызны джигерлиги сорулур.
- Ётген ёмюр – акъгъан суу.
- Чабакъсыз кёлге къармакъ салгъанлыкъгъа, чабакъ тутмазса.
- Къатыны харакетли болса, эри къымсыз болур.
- Суу ичген шауданынга тюкюрме.
- Эртде тургъан бла эртде юйленнген сокъуранмаз.
- Ачыу алгъа келсе, акъыл артха къалады.
- Ашына кёре табагъы, балына кёре къалагъы.
- Мени джылытмагъан кюн, меннге тиймесин!
- Кюн кёрмеген, кюн кёрсе, кюндюз чыракъ джандырыр.
- Окъугъан – асыу, окъумагъан – джарсыу.
- Къозулугъунда тоймагъан, къойлугъунда тоймаз.
- Сибиртки да сыйлы болду, кюрек да кюнлю болду.
- Орундукъ тюбюнде атылсам да, орта джиликме, де да айлан.
- Джюз элде джюз ёгюзюм болгъандан эсе, джюз джууугъум болсун.
- Уллу къазанда бишген эт, чий къалмаз.
- Акъыл неден да кючлюдю.
- Аман адам элни бир-бирине джау этер.
- Чакъырылмагъан къонакъ тёрге атламаз.
- Ким бла джюрюсенг, аны кёзю бла кёрюнюрсе.
- Эл тойса, тоймагъан, эл къойса, къоймагъан.
- Шекер бла туз – бир болмаз, ушамагъан – юй болмаз.
- Хар зат кесини орнуна иги.
- Эркишиге тары кебек танг кёрюнюр.
- Дуния аламаты сен эсенг да, игиме деб айтма.
- Ариу сёз аурууунгу алыр.
- Эртде тургъан джылкъычыны эркек аты тай табар.
- Айранны сюйген, ийнек тутар.
- Аджашхан тёгерек айланыр.
- Билим – акъылны чырагъы.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Чалманны аллы къалай башланса, арты да алай барады.
- От этилмеген джерден тютюн чыкъмайды.
- Суу кетер, таш къалыр.
- Джиби бир къат джетмей эди да, эки къат тарта эди.
- Ашлыкъ – бюртюкден, джюн – тюкден.
- Билгенни къолу къарны джандырыр.
- Этни да ашады, бетни да ашады.
- Джол бла сёзню къыйыры джокъ.
- Келлик заман – къартлыкъ келтирир, кетген заман – джашлыкъ ёлтюрюр.
- Насыб бютеу халкъны юлюшюдю.
- Уллу сёлешме да, уллу къаб.
- Тёзгеннге, джабылгъан эшик ачылыр.
- Ёлген эшек бёрюден къоркъмайды.
- Аджаллыгъа окъсуз шкок атылыр.
- Ашыкъгъанны этеги бутуна чырмалыр.
- Таула не мийик болсала да, аууш табылыр.
- Гугурук къычырмаса да, тангны атары къалмаз.
- Аз айтсам, кёб ангылагъыз.
- Сёз – кюмюш, джыр – алтын.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72