- Джаханимни кёрмей, джандетге кёл салмазса.
- Рысхы – насыбха къор.
- Элиб деген, элге болушур.
- Адамны сабийин сюйген джюреги, бычакъча, джитиди.
- Байны къызы баймакъ болса да, юйде къалмаз!
- Асхат ашлыкъ сата, юйдегиси ачдан къата.
- Орундукъ тюбюнде атылсам да, орта джиликме, де да айлан.
- Уллу айтханны этмеген – уллаймаз.
- Джырына кёре эжиую.
- Билмезни кёзю кёрмез, этмезни къулагъы эшитмез.
- Босагъагъа джууукъ орун болса, ашыгъыб тёрге озма.
- Тенгинг джокъ эсе – изле, бар эсе – сакъла!
- Тыш элде солтан болгъандан эсе, кесинги элде олтан болгъан игиди!
- Тёрде – темир таякълы, къаяда – чыпчыкъ аякълы.
- Арпа, будай – ащды, алтын, кюмюш а – ташды.
- Ханнга да келеди хариблик.
- Джаралыны джастыгъында сау ёлюр.
- Аманны эки битли тону болур, бирин сеннге кийдирир, бирин кеси киер.
- Тил джюрекге джол ишлейди.
- Айранын берсенг, челегин да къызгъанма.
- Кийим тукъум сордурур.
- Билимли ёлмез, билимсиз кёрмез.
- Тамырсыз терекге таянма – джыгъылырса.
- Къызбайны юйюне дери сюрсенг, батыр болур.
- Ата – баланы уясы.
- Аллахдан тилесенг, кёб тиле.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Таякъ этден ётер, тил сюекден ётер.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Джаным-тиним – окъуу, билим.
- Бир онгсуз адам адет чыгъарды, деб эштирик тюлсе.
- Бетинги сатма, малынгы сат.
- Сагъыш – къартлыкъгъа сюйюмчю.
- Джерни букъусу кёкге къонмаз.
- Акъыл сабырлыкъ берир.
- Адамны аты башхача, акъылы да башхады.
- Сютню башын джалагъан къутулур, тюбюн ичген тутулур.
- Адамны сыфатына къарама, сёзюне къара.
- Къыз тиширыу кеси юйюнде да къонакъды.
- Ач уят къоймаз.
- Ач да бол, токъ да бол – намысынга бек бол.
- Сёз къанатсыз учар.
- Чабакъ башындан чирийди.
- Къазанны башы ачыкъ болса, итге уят керекди.
- Келинин тута билмеген, къул этер, къызын тута билмеген, тул этер.
- Сагъышы джокъ – джукъучу, акъылы джокъ – къаугъачы.
- Кенгеш болса, уруш болмаз.
- Джолда аягъынга сакъ бол, ушакъда тилинге сакъ бол.
- Ариуну – ауруу кёб.
- Окъугъан – асыу, окъумагъан – джарсыу.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72