- Келлик заман – къартлыкъ келтирир, кетген заман – джашлыкъ ёлтюрюр.
- Арпа, будай – ащды, алтын, кюмюш а – ташды.
- Баш болса, бёрк табылыр.
- Адамны джюреги нени кёрюрге сюйсе, кёзю да аны кёрюрге ёч болады.
- Къатын къылыкъсыз, эр тынчлыкъсыз.
- Намысы болмагъанны, сыйы болмаз.
- Алим болгъандан эсе, адам болгъан къыйынды.
- Къазанда болса, чолпугъа чыгъар.
- Акъыл къартда, джашда тюйюлдю – башдады.
- Кёзден кетген, кёлден да кетеди.
- Душманны тышы – акъ, ичи – къара.
- Рысхы – сют юсюнде кёмюк кибикди.
- Къызны минг тилер, бир алыр.
- Зар адамны насыбы болмаз.
- Дуния аламаты сен эсенг да, игиме деб айтма.
- Хунаны тюбюн къазсанг, юсюнге ауар.
- Аш берме да, къаш бер.
- Сормай – алма, чакъырылмай – барма.
- Башда акъыл болмаса, эки аякъгъа кюч джетер.
- Ач келгенни – тойдур, кеч келгенни – къондур.
- Малны кют, джерни тюрт.
- Киштикге къанат битсе, чыпчыкъ къалмаз эди.
- Суугъа – чабакъ, къаягъа – ыргъакъ.
- Тенгни тенглиги джашай барсанг билинир.
- Акъыллы эркиши атын махтар, акъылсыз эркиши къатынын махтар.
- Джеринден айырылгъан – джети джылар, джуртундан айырылгъан – ёлгюнчю джылар.
- Джигер – джаннга къыйынлыкъ.
- Аз айтсам, кёб ангылагъыз.
- Аман адамны тепсинге олтуртсанг, къызынгы тилер.
- Тюзлюк шохлукъну бегитир.
- Аманны тукъумуна къарама, игини тукъумун сорма.
- Къуллукъчума, деб махтанма, къуллукъ – хаух джамчыды!
- Билими азны – ауузунда кирит.
- Ата Джуртун танымагъан, атасын да танымаз.
- Тели турса – той бузар.
- Мал ёлсе, сюек къалыр, адам ёлсе, иши къалыр.
- Ана къолу ачытмаз.
- Мухар, кеси тойса да, кёзю тоймаз.
- Къайгъыны сюйген, къайгъы табар.
- Бети – къучакълар, джюреги – бычакълар.
- Ичимден чыкъды хата, къайры барайым сата?
- Кёл ашады да, кеси ашады.
- Къыйынлы джети элге оноу этер.
- Кёпюр салгъан кеси ётер, уру къазгъан кеси кетер.
- Сабий кёргенин унутмаз.
- Къонакъ хазыр болгъанлыкъгъа, къонакъбай хазыр тюлдю.
- Кечеси – аяз, кюню – къыш, джарлы къаргъагъа бир аш тюш!
- Ёлген аслан – сау чычхан.
- Джашынгы кесинг юретмесенг, джашау юретир.
- Кюн кёрмеген, кюн кёрсе, кюндюз чыракъ джандырыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72