- Айтханы чапыракъдан ётмеген.
- Экеулен сёлеше тура эселе, орталарына барыб кирме.
- Акъыллы башны – тили къысха.
- Ашына кёре табагъы, балына кёре къалагъы.
- Телиге от эт десенг, юйюнге от салыр.
- Къошда джокъгъа – юлюш джокъ.
- Рысхы – сют юсюнде кёмюк кибикди.
- Ёгюзню мюйюзлери ауурлукъ этмейдиле.
- Ариу – кёзге, акъыл – джюрекге.
- Таякъ этден ётер, тил сюекден ётер.
- Арпа, будай – ащды, алтын, кюмюш а – ташды.
- Адамны джюреги нени кёрюрге сюйсе, кёзю да аны кёрюрге ёч болады.
- Уруну арты – къуру.
- Гырджын – тепсини тамадасы.
- Эркишиге тары кебек танг кёрюнюр.
- Минг тенг да азды, бир джау да кёбдю.
- Джаш къарыу бла кючлю, къарт акъыл бла кючлю.
- Шекер бла туз – бир болмаз, ушамагъан – юй болмаз.
- Хатерли къул болур.
- Къарнынг ауруса, ауузунгу тый
- Ач, тоймам, дейди, тойгъан, ач болмам, дейди.
- Сакъ юйюне сау барыр.
- Игиге айтсанг – билир, аманнга айтсанг – кюлюр.
- Ач къалгъандан, кеч къалгъан къолай.
- Алтыннга тот къонмаз.
- Киштикге къанат битсе, чыпчыкъ къалмаз эди.
- Урама да – ёледи, сатама да – келеди.
- Келинни – келгинчи, бёркню кийгинчи кёр.
- Сормай – алма, чакъырылмай – барма.
- Джигер – джаннга къыйынлыкъ.
- Билмезни кёзю кёрмез, этмезни къулагъы эшитмез.
- Атлыны ашхысы, ат тизгининден билинир
- Ачылгъан эт джабылыр, кёрген кёз унутмаз.
- «Ма», - дегенни билмесенг, «бер», - дегенни билмезсе.
- Джарлы джети элни сёзюн этер.
- Хар ишни да аллы къыйынды.
- Гугурук къычырмаса да, тангны атары къалмаз.
- Кийим тукъум сордурур.
- Кечеси – аяз, кюню – къыш, джарлы къаргъагъа бир аш тюш!
- Эри аманны, къатыны – аман.
- Келгинчи, къонакъ уялыр, келгенден сора, къонакъбай уялыр.
- Ашхы болсанг, атынг чыгъар, аман болсанг, джанынг чыгъар.
- Къартны бурнун сюрт да, оноугъа тут.
- Иги – алгъыш этер, аман – къаргъыш этер.
- Адебни адебсизден юрен.
- Ётюрюкню башын керти кесер.
- Ишленмеген джаш – джюгенсиз ат, ишленмеген къыз – тузсуз хант.
- Бозаны арты дауур болур.
- Акъыллы айтыр эди, акъылсыз къоймайды.
- Чакъырылгъанны аты, чакъырылмагъанны багъасы болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72