- Кёрмегеннге кебек – танг, битмегеннге сакъал – танг.
- Джангыз терек къынгыр ёсер.
- Кёлю джокъну – джолу джокъ.
- Эл бла кёргенинг эрелей.
- Этек чакъмакълары баш джаргъан, сёлешген сёзлери таш джаргъан.
- Джахил болса анасы, не билликди баласы?
- Бастасын ашагъан, хантусун да ичер.
- Телиге акъыл салгъандан эсе, ёлгеннге джан салырса.
- Садакъачыны джаны – къапчыгъында.
- Ашхылыкъ джерде джатмайды, аманлыкъ суугъа батмайды.
- Биреу ашаб къутулур, биреу джалаб тутулур.
- Къызын тута билмеген, тул этер, джашын тута билмеген, къул этер.
- Чабакъгъа акъыл, табагъа тюшсе келеди.
- Урунуу – насыбны анасы.
- Тёзген – тёш ашар!
- Адеб базарда сатылмаз.
- Агъач – джерни чырайы, кийим – эрни чырайы.
- Кёб ант этген, кёб ётюрюк айтыр.
- Билим – акъылны чырагъы.
- Кёбге таш атма.
- Элиб деген, элге болушур.
- Ашхы тенг джолгъа салыр, аман тенг джолдан тайдырыр.
- Ата джурт – алтын бешик.
- Хар ишни да аллы къыйынды.
- Къая джолда джортма, ачыкъ сёзден къоркъма.
- Байлыкъ келсе, акъыл кетер.
- Душманны тышы – акъ, ичи – къара.
- Аман киши кеси юйюнде – къонакъ.
- Ётюрюкчюню шагъаты – къатында.
- Къартны бурнун сюрт да, оноугъа тут.
- Къулакъдан эсе, кёзге ышан.
- Къарт айтханны этмеген, къартаймаз.
- Тамбла алтындан бюгюн багъыр ашхы.
- Болджал ишни бёрю ашар.
- Хансыз джомакъ болмаз.
- Атынг аманнга чыкъгъандан эсе, джанынг тамагъынгдан чыкъсын.
- Ишге юренсин къоллары, халкъ бла болсун джоллары.
- Аман хансны – урлугъу кёб.
- Кийимни бир кюнню аясанг, минг кюннге джарар.
- Тил джюрекге джол ишлейди.
- Ач отунчуну ачыуу – бурнунда.
- Баланы адам этген анады.
- Ашын ашагъанынгы, башын да сыйла.
- Джарлы эскисин джамаса, къууаныр.
- Ашхы адам – халкъ байлыгъы, ашхы джер – джашау байлыгъы.
- Мен да «сен», дейме, сен да «кесим», дейсе.
- Аджаллыгъа окъсуз шкок атылыр.
- Джолда аягъынга сакъ бол, ушакъда тилинге сакъ бол.
- Арбаз къынгырды да, ийнек сауалмайма.
- Ариу – кёзге, акъыл – джюрекге.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72