- Бек анасы джыламаз.
- Ариу сёз – къылычдан джити.
- Азыкъ аз болса, эртде орун сал.
- Адам боллукъ, атламындан белгили болур.
- Атынг аманнга чыкъгъандан эсе, джанынг тамагъынгдан чыкъсын.
- Ётген ёмюр – акъгъан суу.
- Окъумагъан сокъурду, сокъур ташха абыныр!
- Ёнгкюч къууана барыр, джылай келир.
- Къар – келтирди, суу – элтди.
- Аллахха ийнаннган кишини, Аллах онгдурур ишин.
- Тура эдим джата, къайдан чыкъды хата?
- Айырылгъанланы айю ашар, бёлюннгенлени бёрю ашар.
- Эли джокъну – кёлю джокъ.
- Сабыр джетер муратха, сабырсыз къалыр уятха.
- Адам туугъан джеринде, ит тойгъан джеринде.
- Эркиши – от, тиширыу – суу.
- Дженгил джетерикме деб, узун джолну къоюб, къысхасын барма.
- Сангырау къулакъ эл бузар.
- Уллу сёзде уят джокъ.
- Джол бла сёзню къыйыры джокъ.
- Гыдай эчки суугъа къараб, мюйюзле кёрмесе, джашма алкъын, дегенди.
- Орундукъ тюбюнде атылсам да, орта джиликме, де да айлан.
- Агъач – джерни чырайы, кийим – эрни чырайы.
- Ишленмеген джаш – джюгенсиз ат, ишленмеген къыз – тузсуз хант.
- Къалгъан ишге къар джауар.
- Джырчы ёлсе, джыры къалыр.
- Терек ауса, отунчу – кёб.
- Хантына кёре тузу, юйюне кёре къызы.
- Билим ат болуб да чабар, къуш болуб да учар.
- Тик ёргени, тик энгишгеси да болады.
- Окъ къызбайны джокълайды.
- Бал – татлы, балдан да бала – татлы.
- Узун джолну барсанг, бюгюн келирсе, къысха джолну барсанг, тамбла келирсе.
- Хата – гитчеден.
- Къолу уллу – асыу, аягъы уллу – джарсыу.
- Джаралыны джастыгъында сау ёлюр.
- Кёзю сокъурдан – къоркъма, кёлю сокъурдан – къоркъ.
- Джюрекден джюрекге джол барды.
- «Ма», - дегенни билмесенг, «бер», - дегенни билмезсе.
- Малны кют, джерни тюрт.
- Ауругъанны сау билмез, ач къарынны токъ билмез.
- Ётюрюкден тюбю джокъ, кёлтюрюрге джиби джокъ.
- Билим къая тешер.
- Аман адам элни бир-бирине джау этер.
- Ётюрюкчюню шагъаты – къатында.
- Намыс болмагъан джерде, насыб болмаз.
- Бир онгсуз адам адет чыгъарды, деб эштирик тюлсе.
- Башланнган иш битер, къымылдагъан тиш тюшер.
- Тешигини къатында, чычхан да батыр болур.
- Ушамагъан – джукъмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72