Эльбрусоид :: Форум :: Архив форумов

Тамырсыз терекге таянма – джыгъылырса.
Бети къызарыучу адамны, джюреги харам болмаз.
Сагъыш – къартлыкъгъа сюйюмчю.
Къонакъны къачан кетерин сорма, къачан келлигин сор.
Ат басханны джер билед.
Къонагъы джокъну – шоху джокъ.
Телиге от эт десенг, юйюнге от салыр.
Ёзденликни кёбю ётюрюк.
Акъыллы айтыр эди, акъылсыз къоймайды.
Шекер бла туз – бир болмаз, ушамагъан – юй болмаз.
Айтылгъан буйрукъ, сёгюлмез
Эр абынмай, эл танымаз.
Джаралыны джастыгъында сау ёлюр.
Тыш элде солтан болгъандан эсе, кесинги элде олтан болгъан игиди!
Насыблыны баласы кюн кюнден да баш болур, насыбсызны баласы, кюн кюнден да джаш болур.
Ач къарным, тынч къулагъым.
Уллу сёлешме да, уллу къаб.
Шапа кёб болса, аш татымсыз болур.
Айныгъанлы алты кюн, тогъайгъанлы тогъуз кюн.
Кёбден умут этиб, аздан къуру къалма.
Къызын тута билмеген, тул этер, джашын тута билмеген, къул этер.
Чёбню кёлтюрсенг, тюбюнден сёз чыгъар.
Къарнынг къанлынга кийирир.
Киштикге къанат битсе, чыпчыкъ къалмаз эди.
Ёнгкюч къууана барыр, джылай келир.
Эшекге миннген – биринчи айыб, андан джыгъылгъан – экинчи айыб.
Арыгъан къош чамчы болур.
Кесине оноу эте билмеген, халкъына да эте билмез.
Чомартха хар кюн да байрамды.
Урама да – ёледи, сатама да – келеди.
Кюн кёрмеген, кюн кёрсе, кюндюз чыракъ джандырыр.
Ашыкъгъан cуу, тенгизге джетмез.
Болджал ишни бёрю ашар.
Ойнай билмеген, оюн бузар.
Намыс сатылыб алынмайды.
Айтылгъан сёз ызына къайтмаз.
Намыс болмагъан джерде, насыб болмаз.
Бермеген къол, алмайды.
Чомарт къонакъ юй иесин сыйлар.
Джерни букъусу кёкге къонмаз.
Тешик этген тынчды, аны джамагъан къыйынды.
Алгъанда – джууукъ, бергенде – джау.
Байлыкъ адамны сокъур этер.
Ашын ашагъанынгы, башын да сыйла.
Тик ёргени, тик энгишгеси да болады.
Сабийни джумушха джибер да, ызындан бар.
Аш берме да, къаш бер.
Къазанчы аман болса, къазаны къайнамаз.
Аджалсыз ёлюм болмаз.
Эркишини аманы тиширыуну джылатыр.

Логин:
Пароль:
	Запомнить меня на этом компьютере

Забыли свой пароль?
Регистрация