- Башы ишлегенни, ауузу да ишлер.
- Тойчу джашха къарама, къойчу джашха къара.
- Айтхан – тынч, этген – къыйын.
- Танг атмайма десе да, кюн къоярыкъ тюйюлдю.
- Тюкюрюк баш джармаз, налат кёз чыгъармаз!
- Тынгылагъан тынгы бузар.
- Адамны аты башхача, акъылы да башхады.
- Байлыкъ тауусулур, билим тауусулмаз.
- Биреу ашаб къутулур, биреу джалаб тутулур.
- Ашхылыкъ джерде джатмайды, аманлыкъ суугъа батмайды.
- Ётюрюкчюню шагъаты – къатында.
- Аман хансны – урлугъу кёб.
- Кёл ашады да, кеси ашады.
- Мухарны эси – ашарыкъда.
- Юреннген ауруу къалмаз.
- Ёлген эшек бёрюден къоркъмайды.
- Тенгни тенглиги джашай барсанг билинир.
- Джан саулукъ бермей, сан саулукъ бермезсе.
- Ашхы сёз таш тешер.
- Джумушакъ терекни къурт ашар.
- Ёлюр джаннга, ёкюл джокъ.
- Акъыллы башны – тили къысха.
- Урама да – ёледи, сатама да – келеди.
- Этни да ашады, бетни да ашады.
- Адамны аманы адамны бети бла ойнар.
- Насыблы элин сюер, насыбсыз кесин сюер.
- Нёгерсизни джолу узун.
- Тюз сёз баргъан сууну тыяр.
- Зар адамны насыбы болмаз.
- Телиге акъыл салгъандан эсе, ёлгеннге джан салырса.
- Кёб ант этген, кёб ётюрюк айтыр.
- Ашына кёре табагъы, балына кёре къалагъы.
- Эрине къаргъыш этген къатын, эрнин къабар.
- Мал кёб болса, джууукъ кёб болур.
- Къызгъанчдан ычхыныр, мухардан ычхынмаз.
- Ёзденликни джайгъан – джокълукъ.
- Бек ашыкъгъан меннге джетсин, дегенди аракъы.
- Байны оноуу, джарлыгъа джарамаз.
- Къыз тиширыу кеси юйюнде да къонакъды.
- Къатын къылыкъсыз, эр тынчлыкъсыз.
- Башы джабылгъан челекге, кир тюшмез.
- Халкъны юйю – туугъан джери.
- Адам къыйынлыгъын кёлтюрюр, зауукълугъун кёлтюрмез.
- Юйлю уругъа ит чабмаз.
- Чомартха хар кюн да байрамды.
- Билмейме деген – бир сёз
- Эр абынмай, эл танымаз.
- Ата Джуртун танымагъан, атасын да танымаз.
- Аз айтсам, кёб ангылагъыз.
- Ата – баланы уясы.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72