- Ариу сёз джыланны орнундан чыгъарыр.
- Бойнуму джети джерден кессенг да, мен ол ишни этеллик тюлме.
- Сёз къанатсыз учар.
- Аман къатын алгъан, арыр, иги къатын алгъан джарыр.
- Телиге от эт десенг, юйюнге от салыр.
- Айтханы чапыракъдан ётмеген.
- Джогъун бар этген, барын бал этген.
- Джарашыу сюйген – джалынчакъ.
- Сууда джау джокъ, кёб сёзде магъана джокъ.
- Мал кёб болса, джууукъ кёб болур.
- Айыбны суу бла джууалмазса.
- Адамны сыфатына къарама, сёзюне къара.
- Чалманны аллы къалай башланса, арты да алай барады.
- Келинни – келгинчи, бёркню кийгинчи кёр.
- Эртде тургъан бла эртде юйленнген сокъуранмаз.
- Кёлю джокъну – джолу джокъ.
- Сормай – алма, чакъырылмай – барма.
- Иги адамны бир сёзю эки болмаз.
- Баш болса, бёрк табылыр.
- Халкъны юйю – туугъан джери.
- Чакъырылмагъан къонакъ къачан кетерин сормаз.
- Джылыгъа джылан илешир.
- Телиге акъыл салгъандан эсе, ёлгеннге джан салырса.
- Аман адам этегингден тутса, кес да къач.
- Къызбайны юйюне дери сюрсенг, батыр болур.
- Акъыл неден да кючлюдю.
- Кёб джашагъан – кёб билир.
- Келгинчи, къонакъ уялыр, келгенден сора, къонакъбай уялыр.
- От этилмеген джерден тютюн чыкъмайды.
- Аманнга алтын чыдамаз.
- Окъугъан озар, окъумагъан тозар.
- Окъ къызбайны джокълайды.
- Садакъачыны джаны – къапчыгъында.
- Уруну арты – къуру.
- Ётген ёмюр – акъгъан суу.
- Ат басханны джер билед.
- Кийимни бир кюнню аясанг, минг кюннге джарар.
- Эр сокъур болсун, къатын тилсиз болсун.
- Байма, деб да, къууанма, джарлыма, деб да, джылама.
- Сакъ юйюне сау барыр.
- Къарын къуру болса, джюрек уру болур.
- Ашыкъгъан cуу, тенгизге джетмез.
- Азыкъ аз болса, эртде орун сал.
- Биреуге кёлтюрген таягъынг, кесинги башынга урур.
- Эки элинги тыйсанг, джети элде махталырса.
- Суу ичген шауданынга тюкюрме.
- Ойнай билмеген, оюн бузар.
- Чомарт джарлы болмаз.
- Ач да бол, токъ да бол – намысынга бек бол.
- Джиби бир къат джетмей эди да, эки къат тарта эди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72