- Кийим тукъум сордурур.
- Адам къаллай бир ишленмесе, аллай бир кесин уллу кёреди.
- Кёл – къызбай, къол – батыр.
- Къартха ушагъан джаш – акъыллы, джашха ушагъан къарт – тели.
- Кёзню ачылгъаны – иги, ауузну джабылгъаны – иги.
- Келлик заман – къартлыкъ келтирир, кетген заман – джашлыкъ ёлтюрюр.
- Къарт бла баш аша, джаш бла аякъ аша.
- Ким бла джюрюсенг, аны кёзю бла кёрюнюрсе.
- Хансыз джомакъ болмаз.
- Тели турса – той бузар.
- Ариу сёз джыланны орнундан чыгъарыр.
- Ачыу алгъа келсе, акъыл артха къалады.
- Эринчекге кюн узун.
- Арбаз сайлама да, хоншу сайла.
- Таш бла ургъанны, аш бла ур.
- Айранны сюйген, ийнек тутар.
- Артына баргъанны, къатына барма.
- Адеби болмагъан къыз – тузсуз хант.
- Ачлыкъда тары гырджын халыуадан татлы.
- Адеб базарда сатылмаз.
- Ач бёрюге мекям джокъ.
- Чомартха Тейри да борчлуду.
- Окъуусуз билим – джокъ, билимсиз кюнюнг – джокъ.
- Тёзгеннге, джабылгъан эшик ачылыр.
- Чакъырылмагъан къонакъ тёрге атламаз.
- Аманнга игилик этсенг, юйюнге сау бармазса.
- Аманны эки битли тону болур, бирин сеннге кийдирир, бирин кеси киер.
- Ашлыкъ – бюртюкден, джюн – тюкден.
- Биреуню къыйынлыгъы бла кесинге джол ишлеме.
- Кёбге таш атма.
- Джан саулукъ бермей, сан саулукъ бермезсе.
- Тилчи тилден къаныкъмаз.
- Джумушакъ терекни къурт ашар.
- Акъыллы айтыр эди, акъылсыз къоймайды.
- Бёрю да ач къалмасын, эчки да ашалмасын.
- Сууда джау джокъ, кёб сёзде магъана джокъ.
- Айырылгъанланы айю ашар, бёлюннгенлени бёрю ашар.
- Тёзген – тёш ашар!
- Хар адамгъа кеси миннген тау кибик.
- Дууулдаса – бал чибин, къонса – къара чибин.
- Кёз – сюйген джерде, къол – ауругъан джерде.
- Зар адамны насыбы болмаз.
- Суугъа – чабакъ, къаягъа – ыргъакъ.
- Аманны къуугъан, аманлыкъ табар.
- Ёзденликни джайгъан – джокълукъ.
- Азыгъы аз, алгъа къабар, аты аман, алгъа чабар.
- Кёлсюзден сёзсюз тууар.
- Орну джокъну – сыйы джокъ.
- Ач отунчуну ачыуу – бурнунда.
- Дженгил джетерикме деб, узун джолну къоюб, къысхасын барма.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72