Эльбрусоид :: Форум :: Архив форумов

Бал чибинни ургъаны – ачы, балы – татлы.
Аман адам элни бир-бирине джау этер.
Азыкълы ат арымаз, къатыны аман джарымаз.
Джуртун къоругъан озар.
Бети бедерден, намыс сакълама.
Башы джабылгъан челекге, кир тюшмез.
Тилде сюек болмаса да, сюек сындырыр.
Адамны бетине къарама, адетине къара.
Намыс сатылыб алынмайды.
Атлыны ашхысы, ат тизгининден билинир
Адебни адебсизден юрен.
Билим – акъылны чырагъы.
Сютден ауузу кюйген, суугъа юфгюре эди.
Сыфатында болмагъаны, суратында болмаз.
Сютню башын джалагъан къутулур, тюбюн ичген тутулур.
Джылкъыдан – ат чыгъар, тукъумдан – джаш чыгъар.
Сууда джау джокъ, кёб сёзде магъана джокъ.
Аш кетер да бет къалыр.
Сабий болмагъан джерде, мёлек болмаз.
Кенгеш болса, уруш болмаз.
Башы ишлегенни, ауузу да ишлер.
Тай асырагъан, атха минер.
Ётюрюк хапар аякъ тюбю бла джюрюйдю.
Баш – акъыл ючюн, акъылман – халкъ ючюн.
Башда акъыл болмаса, эки аякъгъа кюч джетер.
Келинни – келгинчи, бёркню кийгинчи кёр.
Тиширыусуз юй – отсуз от джагъа.
Ачыу алгъа келсе, акъыл артха къалады.
Ишлемеген – тишлемез.
Орундукъ тюбюнде атылсам да, орта джиликме, де да айлан.
Арба аугъандан сора, джол кёргюзтюучю кёб болур.
Кимни – тили, тиши онглу, кимни – къолу, иши онглу.
Тенги кёбню джау алмаз, акъылы кёбню дау алмаз.
Джашда акъыл джокъ, къартда къарыу джокъ.
Дууулдаса – бал чибин, къонса – къара чибин.
Ашхы тенг джолгъа салыр, аман тенг джолдан тайдырыр.
Ургъан суудан башынгы сакъла.
Ата Джуртун танымагъан, атасын да танымаз.
Артына баргъанны, къатына барма.
Къонакъ аман болса, къонакъбай джунчур
Акъыл къартда, джашда тюйюлдю – башдады.
Чакъырылмагъан джерге барма, чакъырылгъан джерден къалма.
Джыланны къуйругъундан басарынг келсе, аны башы болгъанын унутма.
Аманнга алтын чыдамаз.
Къозулугъунда тоймагъан, къойлугъунда тоймаз.
Юреннген ауруу къалмаз.
Онгсузну – джакъла, тенгликни – сакъла.
Чомарт джарлы болмаз.
Джигер – джаннга къыйынлыкъ.
Айырылмаз джууугъунга, унутмаз сёзню айтма.

Логин:
Пароль:
	Запомнить меня на этом компьютере

Забыли свой пароль?
Регистрация