- Ач уят къоймаз.
- Соргъан айыб тюлдю, билмеген айыбды.
- Элге къуллукъ этмеген, элге ие болмаз.
- Тилде сюек болмаса да, сюек сындырыр.
- Азыгъы аз, алгъа къабар, аты аман, алгъа чабар.
- Тилчи тилден къаныкъмаз.
- Чакъырылмагъан къонакъ – орунсуз.
- Алма терегинден кери кетмез.
- Ётюрюкню къуйругъу – бир тутум.
- Аманнга да, игиге да оноусуз къатышма.
- Джашны джигитлиги сорулур, къызны джигерлиги сорулур.
- Ишлегенден, къарагъан уста.
- Чомартха Тейри да борчлуду.
- Джылар джаш, атасыны сакъалы бла ойнар.
- Эринчекни аурууу – кёб.
- Билим къая тешер.
- Биреуню къыйынлыгъы бла кесинге джол ишлеме.
- Ач къарынны, токъ билмез
- Ата Джуртун танымагъан, атасын да танымаз.
- Джыйырма къойну юч джыйырма эбзе кюте эди.
- Тиширыусуз юй – отсуз от джагъа.
- Ётюрюк хапар аякъ тюбю бла джюрюйдю.
- Эллинг бла джау болсанг да, юйюнг бла джау болма.
- Кёлю джокъну – джолу джокъ.
- Къарт бла баш аша, джаш бла аякъ аша.
- Таукел тауну аудурур.
- Кёрмегеннге кебек – танг, битмегеннге сакъал – танг.
- Ойнай билмеген, оюн бузар.
- Бойнуму джети джерден кессенг да, мен ол ишни этеллик тюлме.
- Чомарт къолда мал къалмаз.
- Джети тилни билген джети кишиди.
- Гитче джилтин уллу элни джандырыр.
- Хата – гитчеден.
- Чалманны аллы къалай башланса, арты да алай барады.
- Бети – къучакълар, джюреги – бычакълар.
- Насыблы элин сюер, насыбсыз кесин сюер.
- Айран ичген – къутулду, джугъусун джалагъан – тутулду.
- Кюн кёрмеген, кюн кёрсе, кюндюз чыракъ джандырыр.
- Аурууну келиую тынч, кетиую – къыйын.
- Къонакъ хазыр болгъанлыкъгъа, къонакъбай хазыр тюлдю.
- Ауругъан – джашаудан умутчу.
- Билмезни кёзю кёрмез, этмезни къулагъы эшитмез.
- Тойгъанлыкъ къойгъа джарашады.
- Ач – эснер, ат – кишнер.
- Хоншуну тауугъу къаз кёрюнюр, келини къыз кёрюнюр.
- Айырылгъанланы айю ашар, бёлюннгенлени бёрю ашар.
- Тил джюрекге джол ишлейди.
- Ачыкъ джюрекге джол – ачыкъ.
- Къызгъанчдан ычхыныр, мухардан ычхынмаз.
- Иги болса, тамадама – махтау, аман болса, меннге – айыб.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72