- Хоншуну тауугъу къаз кёрюнюр, келини къыз кёрюнюр.
- Кёб джашагъан – кёб билир.
- Къарт болгъан джерде, берекет болур, сабий болгъан джерде, оюн болур.
- Акъыл къартда, джашда тюйюлдю – башдады.
- Ёлген эшек бёрюден къоркъмайды.
- Чоюнну башы ачыкъ болса, итге уят керекди.
- Телиге акъыл салгъандан эсе, ёлгеннге джан салырса.
- Тюзлюк тас болмайды.
- Хар зат кесини орнуна иги.
- Экиндини кеч къылсанг, чабыб джетер ашхам.
- Башсыз урчукъ тюзюне айланмаз.
- Билгенни къолу къарны джандырыр.
- Байма, деб да, къууанма, джарлыма, деб да, джылама.
- Мухар, кеси тойса да, кёзю тоймаз.
- Хар адамгъа кеси миннген тау кибик.
- Рысхы джалгъанды: келген да этер, кетген да этер.
- Джол бла сёзню къыйыры джокъ.
- Булут кёкге джарашыу, уят бетге джарашыу.
- Суу да къайтады чыкъгъан джерине.
- Дууулдаса – бал чибин, къонса – къара чибин.
- Онгсузну – джакъла, тенгликни – сакъла.
- Ханы къызы буюгъа-буюгъа киштик болду.
- Аджал соруб келмез, келсе, къайтыб кетмез.
- Мал кёб болса, джууукъ кёб болур.
- Бойнуму джети джерден кессенг да, мен ол ишни этеллик тюлме.
- Аууздан келген, къолдан келсе, ким да патчах болур эди.
- Тилсиз миллет джокъ болур.
- Эм уллу байлыкъ – джан саулукъ.
- Джаным-тиним – окъуу, билим.
- Сёз – кюмюш, джыр – алтын.
- Уллу къазанда бишген эт, чий къалмаз.
- Джашлыкъ этмеген, башлыкъ этмез.
- Ишге юренсин къоллары, халкъ бла болсун джоллары.
- Джеринден айырылгъан – джети джылар, джуртундан айырылгъан – ёлгюнчю джылар.
- Ёнгкюч къууана барыр, джылай келир.
- Сютню башын джалагъан къутулур, тюбюн ичген тутулур.
- Акъдан къара болмаз.
- Тил – миллетни джаны.
- Татлы сёз – балдан татлы.
- Тойгъан антын унутур.
- Адамны адамлыгъы къыйынлыкъда айгъакъланады.
- Чабар ат – джетген къыз.
- Ёксюзню къалачы уллу кёрюнюр.
- Мен да «сен», дейме, сен да «кесим», дейсе.
- Ашхылыкъ джерде джатмайды, аманлыкъ суугъа батмайды.
- Ач отунчуну ачыуу – бурнунда.
- Джарлы тюеге минсе да, ит къабар.
- Иги адамны бир сёзю эки болмаз.
- Чыкълы кюнде чыкъмагъан, чыкъса къуру кирмеген.
- Кёзню ачылгъаны – иги, ауузну джабылгъаны – иги.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72