- Aдам боллукъ, сыфатындан белгили.
- Биреуге аманлыкъ этиб, кесинге игилик табмазса.
- Юйюнг бла джау болгъандан эсе, элинг бла джау бол.
- Джаным-тиним – окъуу, билим.
- Къонагъы джокъну – шоху джокъ.
- Аджашхан тёгерек айланыр.
- Ачлыкъда тары гырджын халыуадан татлы.
- Эртде тургъан бла эртде юйленнген сокъуранмаз.
- Къуру гыбыт бек дыгъырдар.
- Къайтырыкъ эшигинги, къаты уруб чыкъма.
- Окъдан джара эртде-кеч болса да бителир, сёз джара, ёмюрге къалыр.
- Кесине оноу эте билмеген, халкъына да эте билмез.
- Намысы джокъну – дуниясы джокъ.
- Босагъагъа джууукъ орун болса, ашыгъыб тёрге озма.
- Тойну къарнашы – харс, джырны къарнашы – эжиу.
- Ёлюр джаннга, ёкюл джокъ.
- Аман эсирсе, юйюн ояр.
- Арыгъан къош чамчы болур.
- Бал – татлы, балдан да бала – татлы.
- Тойгъан антын унутур.
- Къонакъ кёб келюучю юйню, къазаны отдан тюшмез.
- Мени джылытмагъан кюн, меннге тиймесин!
- Иги сеники эсе да, сюйген кесимикин этеме.
- Джарлы джети элни сёзюн этер.
- Аджал соруб келмез, келсе, къайтыб кетмез.
- Къонакъ хазыр болгъанлыкъгъа, къонакъбай хазыр тюлдю.
- Мал кёб болса, джууукъ кёб болур.
- Сагъыш – къартлыкъгъа сюйюмчю.
- Иесиз малны бёрю ашар.
- Тенгни тенглиги джашай барсанг билинир.
- Айран тёгюлсе, джугъусу къалыр.
- Ургъан суудан башынгы сакъла.
- «Ма», - дегенни билмесенг, «бер», - дегенни билмезсе.
- Хансыз джомакъ болмаз.
- Орундукъ тюбюнде атылсам да, орта джиликме, де да айлан.
- Билим ат болуб да чабар, къуш болуб да учар.
- Суу да къайтады чыкъгъан джерине.
- Этни бети бла шорпасы.
- Иги бла джюрюсенг, джетерсе муратынга, аман бла джюрюсенг, къалырса уятха.
- Агъач халкъгъа алтынды, иссиликге салкъынды.
- Чомарт джарлы болмаз.
- Джыгъылгъанны сырты джерден тоймаз.
- Кийимни бир кюнню аясанг, минг кюннге джарар.
- Чакъырылмагъан къонакъ тёрге атламаз.
- Эл элде бирер малынг болгъандан эсе, бирер тенгинг болсун.
- Ётюрюкню башын керти кесер.
- Келинин тута билмеген, къул этер, къызын тута билмеген, тул этер.
- Мухардан ач ычхынмаз.
- Урунуу – насыбны анасы.
- Эм уллу байлыкъ – джан саулукъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72