Эльбрусоид :: Форум :: Архив форумов

Тешигини къатында, чычхан да батыр болур.
Мени джылытмагъан кюн, меннге тиймесин!
Дженгил джетерикме деб, узун джолну къоюб, къысхасын барма.
Джаным-тиним – окъуу, билим.
Ауурну тюбю бла, дженгилни башы бла джюрюген.
Окъугъан озар, окъумагъан тозар.
Аууз сакълагъан – джан сакълар.
Таш ата билмеген, башына урур.
Кимни – тили, тиши онглу, кимни – къолу, иши онглу.
Арыгъан къош чамчы болур.
Къайгъы тюбю – тенгиз.
Бозанг болмагъан джерге, къалагъынгы сукъма.
Кёбню кёрген – кёб билир.
Тенги кёбню джау алмаз, акъылы кёбню дау алмаз.
Хата – гитчеден.
Кёл ашады да, кеси ашады.
Тура эдим джата, къайдан чыкъды хата?
Арбаз къынгырды да, ийнек сауалмайма.
Халкъны юйю – туугъан джери.
Аш берме да, къаш бер.
Зар адамны насыбы болмаз.
Ачны эсинде – аш.
Аманнга да, игиге да оноусуз къатышма.
Къайтырыкъ эшигинги, къаты уруб чыкъма.
Олтуруб кёрюнмей эди да, ёрге туруб кёрюне эди.
Къызын тута билмеген, тул этер, джашын тута билмеген, къул этер.
Сагъышы джокъ – джукъучу, акъылы джокъ – къаугъачы.
Баргъанынга кёре болур келгенинг.
Тёзгеннге, джабылгъан эшик ачылыр.
Джарлыны эшигин махтагъан джабар.
Магъанасыз сёз – тауушсуз сыбызгъы.
Бичгенде ашыкъма, тикгенде ашыкъ.
Татлы сёз – балдан татлы.
Къан бла кирген, джан бла чыгъар.
Чомарт къонакъ юй иесин сыйлар.
Башсыз урчукъ тюзюне айланмаз.
Ашатыргъа иш – ашхы, ишлетирге аш – ашхы.
Бёрю да ач къалмасын, эчки да ашалмасын.
Кёбге таш атма.
Ауругъанны сау билмез, ач къарынны токъ билмез.
Аман адам этегингден тутса, кес да къач.
Бал чибинни ургъаны – ачы, балы – татлы.
Ариу сёз – джаннга азыкъ, аман сёз – башха къазыкъ.
Ёлюк кебинсиз къалмаз.
Аманнга алтын чыдамаз.
Къонакъ кёб келюучю юйню, къазаны отдан тюшмез.
Ётюрюк хапар аякъ тюбю бла джюрюйдю.
Ишге юренсин къоллары, халкъ бла болсун джоллары.
От этилмеген джерден тютюн чыкъмайды.
Кийим тукъум сордурур.

Логин:
Пароль:
	Запомнить меня на этом компьютере

Забыли свой пароль?
Регистрация