- Билимсиз иш бармаз.
- Борчунг бар эсе, хурджунунга ойлаб узал.
- Ичимден чыкъды хата, къайры барайым сата?
- Ачны эсинде – аш.
- Кийим тукъум сордурур.
- Телини эшигин, махтау джабар.
- Джарлы тюеге минсе да, ит къабар.
- Ким бла джюрюсенг, аны кёзю бла кёрюнюрсе.
- Чакъырылмай келген къонакъ сыйланмай кетер.
- Кёзню ачылгъаны – иги, ауузну джабылгъаны – иги.
- Уллу суу бла уллу ауруудан башынгы сакъла.
- Ашатыргъа иш – ашхы, ишлетирге аш – ашхы.
- Юй ишлеген балта эшикде къалыр.
- Сютден ауузу кюйген, суугъа юфгюре эди.
- Таш бла ургъанны, аш бла ур.
- Аман адам этегингден тутса, кес да къач.
- Юйюнг бла джау болгъандан эсе, элинг бла джау бол.
- Махтаннган къыз, тойда джукълар.
- Рысхысына кёре, джаш ёсер, къышлыгъына кёре, мал ёсер.
- Суугъа – таянма, джаугъа – ийнанма.
- Окъуусуз билим – джокъ, билимсиз кюнюнг – джокъ.
- Ёгюзню мюйюзлери ауурлукъ этмейдиле.
- Тойгъан джерден туугъан джер игиди.
- Ашда уялгъан – мухар, ишде уялгъан – хомух.
- Адебни адебсизден юрен.
- Кесинг сынамагъан затны, адамгъа буюрма.
- Тёрдеги кюлсе, эшикдеги ышарыр.
- Ёзденликни джайгъан – джокълукъ.
- Аз сёлешген, къайгъысыз турур.
- Ышармагъан – кюлмез, кюлмеген – къууанчны билмез.
- Адам туугъан джеринде, ит тойгъан джеринде.
- Адеб этмеген, адеб кёрмез.
- Къулакъдан эсе, кёзге ышан.
- Булут кёкге джарашыу, уят бетге джарашыу.
- Ариу джол аджал келтирмез.
- Акъыллы башны – тили къысха.
- Къарт бла баш аша, джаш бла аякъ аша.
- Джылыгъа джылан илешир.
- Эринчекни аурууу – кёб.
- Ариуну – ауруу кёб.
- Дуния малгъа сатылма, кесингден телиге къатылма.
- Къаллай салам берсенг, аллай джууаб алырса.
- Тёрени джагъы джокъ.
- Джыгъылгъанны сырты джерден тоймаз.
- Байлыкъ тауусулур, билим тауусулмаз.
- Адамны сабийин сюйген джюреги, бычакъча, джитиди.
- Ёлген аслан – сау чычхан.
- Ата Джуртча джер болмаз, туугъан элча эл болмаз.
- Ашаса, ашамаса да, бёрюню ауузу – къан.
- Биреуню къыйынлыгъы бла кесинге джол ишлеме.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72