- Тюз сёз баргъан сууну тыяр.
- Эркиши – от, тиширыу – суу.
- Гугук кесини атын айтыб къычыргъанча, мен, мен деб нек тураса?
- Джырына кёре эжиую.
- Ётюрюк хапар аякъ тюбю бла джюрюйдю.
- Тин – байлыгъынг, терен саулугъунг.
- Башсыз урчукъ тюзюне айланмаз.
- Байлыкъ адамны сокъур этер.
- Ач отунчуну ачыуу – бурнунда.
- Джюрекге ариу – кёзге да ариу.
- Джан саулукъ бермей, сан саулукъ бермезсе.
- Сабий болмагъан джерде, мёлек болмаз.
- Алтыда кюлмеген, алтмышда кюлмез.
- Тели турса – той бузар.
- Керек ташны ауурлугъу джокъ.
- Магъанасыз сёз – тауушсуз сыбызгъы.
- Байма, деб да, къууанма, джарлыма, деб да, джылама.
- Зар адамны насыбы болмаз.
- Шайтан алдады, тюзлюк къаргъады.
- Миллетни бойну – базыкъ, аны бла кюрешген – джазыкъ.
- Ишге юренсин къоллары, халкъ бла болсун джоллары.
- Къонакъны къачан кетерин сорма, къачан келлигин сор.
- Чакъырылмагъан къонакъ – орунсуз.
- Иги болса, тамадама – махтау, аман болса, меннге – айыб.
- Тай асырагъан, атха минер.
- Джангыз торгъай джырламаз.
- Джылкъыдан – ат чыгъар, тукъумдан – джаш чыгъар.
- Адам къаллай бир ишленмесе, аллай бир кесин уллу кёреди.
- Ачыу алгъа келсе, акъыл артха къалады.
- Тилчи тилден къаныкъмаз.
- Сагъыш – къартлыкъгъа сюйюмчю.
- Шекер бла туз – бир болмаз, ушамагъан – юй болмаз.
- Чакъырылмай келген къонакъ сыйланмай кетер.
- Акъыл сабырлыкъ берир.
- Тёрени джагъы джокъ.
- Ач къарным, тынч къулагъым.
- Урама да – ёледи, сатама да – келеди.
- Кёрмегеннге кебек – танг, битмегеннге сакъал – танг.
- Ариу джол аджал келтирмез.
- Джюз элде джюз ёгюзюм болгъандан эсе, джюз джууугъум болсун.
- Ишни аллы бла къууанма да, арты бла къууан.
- Юй ишлеген балта эшикде къалыр.
- Аууздан келген, къолдан келсе, ким да патчах болур эди.
- Билмезни кёзю кёрмез, этмезни къулагъы эшитмез.
- Ичимден чыкъды хата, къайры барайым сата?
- Намысы болмагъанны, сыйы болмаз.
- Иги джашны ышаны – аз сёлешиб, кёб тынгылар.
- Тёгюлген тюгел джыйылмайды.
- Танг атмайма десе да, кюн къоярыкъ тюйюлдю.
- Тенгни тенглиги джашай барсанг билинир.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72