- Бойнуму джети джерден кессенг да, мен ол ишни этеллик тюлме.
- Башда акъыл болмаса, эки аякъгъа кюч джетер.
- Ауругъан – джашаудан умутчу.
- Айтылгъан буйрукъ, сёгюлмез
- Шекер бла туз – бир болмаз, ушамагъан – юй болмаз.
- Элиб деген, элге болушур.
- Чомартха Тейри да борчлуду.
- Этни бети бла шорпасы.
- Къазанны башы ачыкъ болса, итге уят керекди.
- Сыфатында болмагъаны, суратында болмаз.
- Таула не мийик болсала да, аууш табылыр.
- Хаухну атма, ёнгкючню сатма.
- Къуллукъчума, деб махтанма, къуллукъ – хаух джамчыды!
- Къартха ушагъан джаш – акъыллы, джашха ушагъан къарт – тели.
- Битмегеннге сакъал – танг.
- Бичгенде ашыкъма, тикгенде ашыкъ.
- Джангыз терек къынгыр ёсер.
- Кюл тюбюндеги от кёрюнмейди.
- Эркиши – от, тиширыу – суу.
- Ауузу бла къуш тута айланады.
- Билим къая тешер.
- Ишин билген, аны сыйын чыгъарады.
- Хар ишни да аллы къыйынды.
- Гыдай эчки суугъа къараб, мюйюзле кёрмесе, джашма алкъын, дегенди.
- Къазанчы аман болса, къазаны къайнамаз.
- Ёзденликни джайгъан – джокълукъ.
- Джигер – джаннга къыйынлыкъ.
- Аман хансны – урлугъу кёб.
- Иги адамны бир сёзю эки болмаз.
- Келгинчи, къонакъ уялыр, келгенден сора, къонакъбай уялыр.
- Ишни ахырын ойламай, аллын башлама.
- Къонагъынгы артмагъын алма да, алгъышын ал.
- Рысхы – сют юсюнде кёмюк кибикди.
- Байлыкъ келсе, акъыл кетер.
- Эте билген, этген этеди, эте билмеген, юретген этеди!
- Эл бла кёргенинг эрелей.
- Тамырсыз терекге таянма – джыгъылырса.
- Аман эсирсе, юйюн ояр.
- Аурууну келиую тынч, кетиую – къыйын.
- Ариу сёз аурууунгу алыр.
- Окъумагъан сокъурду, сокъур ташха абыныр!
- Агъач халкъгъа алтынды, иссиликге салкъынды.
- Аджаллыгъа окъсуз шкок атылыр.
- Билмезни кёзю кёрмез, этмезни къулагъы эшитмез.
- Сабий кёргенин унутмаз.
- Бозанг болмагъан джерге, къалагъынгы сукъма.
- Кёб къычыргъандан – къоркъма, тынч олтургъандан – къоркъ.
- Аякъларынгы джууургъанынга кёре узат.
- Ачылгъан эт джабылыр, кёрген кёз унутмаз.
- Ёлюр джаннга, ёкюл джокъ.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72