- Ач бёрюге мекям джокъ.
- Аманны эки битли тону болур, бирин сеннге кийдирир, бирин кеси киер.
- Илму – джашауну джолу.
- Кютгени беш эчки, сызгъыргъаны уа, джерни джарады.
- Тойгъа барсанг, тоюб бар, эски тонунгу къоюб бар.
- Этек чакъмакълары баш джаргъан, сёлешген сёзлери таш джаргъан.
- Уллу къазанда бишген эт, чий къалмаз.
- Чомарт къолда мал къалмаз.
- Гугук кесини атын айтыб къычыргъанча, мен, мен деб нек тураса?
- Накъырданы арты керти болур.
- Къар – келтирди, суу – элтди.
- Ёгюзню мюйюзюнден тутадыла, адамны сёзюнден тутадыла.
- Дуния мал дунияда къалады.
- Билген билмегенни юретген адетди.
- Уллу сёзде уят джокъ.
- Ауругъаннга – кийик саулукъ, джетген къызгъа – чилле джаулукъ.
- Борчунг бар эсе, хурджунунга ойлаб узал.
- Ашына кёре табагъы, балына кёре къалагъы.
- Эли джокъну – кёлю джокъ.
- Эртде тургъан джылкъычыны эркек аты тай табар.
- Азыкъ аз болса, эртде орун сал.
- Къобан да къуру да къобханлай турмайды, адам да къуру да патчахлай турмайды.
- Байлыкъ тауусулур, билим тауусулмаз.
- Биреуню къыйынлыгъы бла кесинге джол ишлеме.
- Джюз элде джюз ёгюзюм болгъандан эсе, джюз джууугъум болсун.
- Ёлюр джаннга, ёкюл джокъ.
- Ач, тоймам, дейди, тойгъан, ач болмам, дейди.
- Къатыны харакетли болса, эри къымсыз болур.
- Арпа, будай – ащды, алтын, кюмюш а – ташды.
- Джырчы джырчыгъа – къарнаш.
- Айтылгъан сёз ызына къайтмаз.
- Чомартны къолун джокълукъ байлар.
- Тюз сёз баргъан сууну тыяр.
- Къарнынг бла ёч алма.
- «Ёгюз, джаргъа джууукъ барма, меннге джюк боллукъса», - дегенди эшек.
- Иги болса, тамадама – махтау, аман болса, меннге – айыб.
- Эл тойса, тоймагъан, эл къойса, къоймагъан.
- Алим болгъандан эсе, адам болгъан къыйынды.
- Узун джолну барсанг, бюгюн келирсе, къысха джолну барсанг, тамбла келирсе.
- Кюн кёрмеген, кюн кёрсе, кюндюз чыракъ джандырыр.
- Аманнга да, игиге да оноусуз къатышма.
- Кёб ант этген, кёб ётюрюк айтыр.
- Эшекге миннген – биринчи айыб, андан джыгъылгъан – экинчи айыб.
- Баланы адам этген анады.
- Aдам боллукъ, сыфатындан белгили.
- Айыбны суу бла джууалмазса.
- Хар зат кесини орнуна иги.
- Адам сёзюнден белгили.
- Сакъалы текени да бар, мыйыгъы киштикни да бар.
- Ач уят къоймаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72