- Джашны джигитлиги сорулур, къызны джигерлиги сорулур.
- Аз сёлеш, кёб ишле.
- Хатерли къул болур.
- Эл тойса, тоймагъан, эл къойса, къоймагъан.
- Ашаса, ашамаса да, бёрюню ауузу – къан.
- Баш – акъыл ючюн, акъылман – халкъ ючюн.
- Эрине къаргъыш этген къатын, эрнин къабар.
- Кенгеш болса, уруш болмаз.
- Шекер бла туз – бир болмаз, ушамагъан – юй болмаз.
- Къазанда болса, чолпугъа чыгъар.
- Адамны адамлыгъы къыйынлыкъда айгъакъланады.
- Къыйынлы джети элге оноу этер.
- Бек анасы джыламаз.
- Ата Джуртуму башы болмасам да, босагъасында ташы болайым.
- Урунуу – насыбны анасы.
- Накъырда – кертини келечиси.
- Ауругъанны сау билмез, ач къарынны токъ билмез.
- Чабакъгъа акъыл, табагъа тюшсе келеди.
- Тин – байлыгъынг, терен саулугъунг.
- Кёзден кетген, кёлден да кетеди.
- Этим кетсе да, сюегим къалыр.
- Чакъырылгъанны аты, чакъырылмагъанны багъасы болур.
- Кёбден умут этиб, аздан къуру къалма.
- Тилчи тилден къаныкъмаз.
- Джангыз терек къынгыр ёсер.
- Къая джолда джортма, ачыкъ сёзден къоркъма.
- Акъыллы башны – тили къысха.
- Элиб деген, элге болушур.
- Аман киши кеси юйюнде – къонакъ.
- Тамбла алтындан бюгюн багъыр ашхы.
- Эркишиге тары кебек танг кёрюнюр.
- Сёлеш деб шай берген, тохта деб, сом берген.
- Ана – юйню кюн джарыгъы.
- Сёз – кюмюш, джыр – алтын.
- Билимсиз иш бармаз.
- Ишлегенден, къарагъан уста.
- Джюрекден джюрекге джол барды.
- Ишленмеген джаш – джюгенсиз ат, ишленмеген къыз – тузсуз хант.
- Ачны эсинде – аш.
- Джигер – джаннга къыйынлыкъ.
- Акъыл сабырлыкъ берир.
- Мухардан ач ычхынмаз.
- Аджаллыгъа окъсуз шкок атылыр.
- Джылкъыдан – ат чыгъар, тукъумдан – джаш чыгъар.
- Айран тёгюлсе, джугъусу къалыр.
- Окъугъан озар, окъумагъан тозар.
- Башда акъыл болмаса, эки аякъгъа кюч джетер.
- Хунаны тюбюн къазсанг, юсюнге ауар.
- Бал ашаргъа сюе эсенг, чибин ургъаннга тёз.
- Ойнаб айтсанг да, эслеб айт.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72