- Уллу суу бла уллу ауруудан башынгы сакъла.
- Акъылсызны джууукъгъа алма, акъыллыны кенгнге салма.
- Башсыз урчукъ тюзюне айланмаз.
- Садакъачыны джаны – къапчыгъында.
- Билмейме деген – бир сёз
- Кеси юйюмде мен да ханма.
- Билим ат болуб да чабар, къуш болуб да учар.
- Арпа, будай – ащды, алтын, кюмюш а – ташды.
- Бетинги сатма, малынгы сат.
- Арба аугъандан сора, джол кёргюзтюучю кёб болур.
- Ётюрюкню башын керти кесер.
- Этни бети бла шорпасы.
- Тау башында, тау болмаз, джангыз терек, бау болмаз.
- Суугъа – чабакъ, къаягъа – ыргъакъ.
- Аманны къуугъан, аманлыкъ табар.
- Ишлегенден, къарагъан уста.
- Тилде сюек болмаса да, сюек сындырыр.
- Къартха ушагъан джаш – акъыллы, джашха ушагъан къарт – тели.
- Эркишини аманы тиширыуну джылатыр.
- Ана къолу ачытмаз.
- Сёз садакъдан кючлюдю.
- Кёбге таш атма.
- Махтаннган къыз, тойда джукълар.
- Иесиз малны бёрю ашар.
- Ачлыкъ отха секиртир.
- Артына баргъанны, къатына барма.
- Чакъырылмагъан джерге барма, чакъырылгъан джерден къалма.
- Акъыллы башны – тили къысха.
- Чабар ат – джетген къыз.
- Кёл ашады да, кеси ашады.
- Халкъны юйю – туугъан джери.
- Джырчы джырчыгъа – къарнаш.
- Ач къарынны, токъ билмез
- Ышармагъан – кюлмез, кюлмеген – къууанчны билмез.
- Къонакъ болсанг, ийнакъ бол.
- Къазанны башы ачыкъ болса, итге уят керекди.
- Ушамагъан – джукъмаз.
- Иги адамны бир сёзю эки болмаз.
- Уллу къазанда бишген эт, чий къалмаз.
- Аман эсирсе, юйюн ояр.
- Адам боллукъ, атламындан белгили болур.
- Тура эдим джата, къайдан чыкъды хата?
- Аякъларынгы джууургъанынга кёре узат.
- Билеги кючлю, бирни джыгъар, билими кючлю, мингни джыгъар.
- Ётюрюкчюню шагъаты – къатында.
- Кёзю сокъурдан – къоркъма, кёлю сокъурдан – къоркъ.
- Ач, тоймам, дейди, тойгъан, ач болмам, дейди.
- Ётген ёмюр – акъгъан суу.
- Джаным-тиним – окъуу, билим.
- Сибиртки да сыйлы болду, кюрек да кюнлю болду.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72