- Джарлыны тону джаз битер.
- Билим насыб берир, билим джолну керир.
- Хаухну атма, ёнгкючню сатма.
- Тилчи тилден къаныкъмаз.
- Ашына кёре табагъы, балына кёре къалагъы.
- Къонакъ хазыр болгъанлыкъгъа, къонакъбай хазыр тюлдю.
- Чакъырылмагъан къонакъ къачан кетерин сормаз.
- Окъуусуз билим – джокъ, билимсиз кюнюнг – джокъ.
- Къоркъакъны кёзю экили кёрюр.
- Акъдан къара болмаз.
- Хар зат кесини орнуна иги.
- Биреу ашаб къутулур, биреу джалаб тутулур.
- Айтылгъан буйрукъ, сёгюлмез
- Ашха уста, юйюнде болсун
- Тюзню ётмеги тюзде къалса да, тас болмаз.
- Джарлы тюеге минсе да, ит къабар.
- Ойнай билмеген, уруб къачар.
- Джюрекге ариу – кёзге да ариу.
- Джолунга кёре – джюрюшюнг, джагъанга кёре – юлюшюнг.
- Эрни эр этерик да, къара джер этерик да, тиширыуду.
- Ичимден чыкъды хата, къайры барайым сата?
- Джигер – джаннга къыйынлыкъ.
- Байны оноуу, джарлыгъа джарамаз.
- Эм ашхы къайын ана мамукъ бла башынгы тешер.
- Ишлегенден, къарагъан уста.
- Къанны къан бла джуума, аманны аман бла къуума.
- Арбаз сайлама да, хоншу сайла.
- Чоюнну башы ачыкъ болса, итге уят керекди.
- Насыб бютеу халкъны юлюшюдю.
- Хар адамгъа кеси миннген тау кибик.
- Кёбге таш атма.
- Баш болса, бёрк табылыр.
- Акъыллы башны – тили къысха.
- Тилчиден кери бол.
- Билим – акъылны чырагъы.
- Иги сёз – джаннга азыкъ, аман сёз башха – къазыкъ.
- Агъач халкъгъа алтынды, иссиликге салкъынды.
- Келинин тута билмеген, къул этер, къызын тута билмеген, тул этер.
- Ауузу аманнга «иги», деме.
- Чомартны къолу берекет.
- Джерни букъусу кёкге къонмаз.
- Къартны бурнун сюрт да, оноугъа тут.
- Эл тойса, тоймагъан, эл къойса, къоймагъан.
- Ариу – кёзге, акъыл – джюрекге.
- Къартха ушагъан джаш – акъыллы, джашха ушагъан къарт – тели.
- Аман адам этегингден тутса, кес да къач.
- Аш хазыр болса, иш харам болур.
- Билмейме деген – бир сёз
- Къазанны башы ачыкъ болса, итге уят керекди.
- Тил бла келеди джыр да.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72