- Нарт сёз – тилни бети.
- Кёзден кетген, кёлден да кетеди.
- Айыбны суу бла джууалмазса.
- Биреуге аманлыкъ этиб, кесинге игилик табмазса.
- Ётюрюкчюню шагъаты – къатында.
- Тилчи тилден къаныкъмаз.
- Ичимден чыкъды хата, къайры барайым сата?
- Хантына кёре тузу, юйюне кёре къызы.
- Уллу къазанда бишген эт, чий къалмаз.
- Адеб джокъда, намыс джокъ.
- Айтханы чапыракъдан ётмеген.
- Ачылгъан эт джабылыр, кёрген кёз унутмаз.
- Урунуу – насыбны анасы.
- Окъ къызбайны джокълайды.
- Джол бла сёзню къыйыры джокъ.
- Къоркъакъны кёзю экили кёрюр.
- Ашыкъгъанны этеги бутуна чырмалыр.
- Ашыкъгъан cуу, тенгизге джетмез.
- Иги – алгъыш этер, аман – къаргъыш этер.
- Байма, деб да, къууанма, джарлыма, деб да, джылама.
- Абынмазлыкъ аякъ джокъ, джангылмазлыкъ джаякъ джокъ.
- Къартны сыйын кёрмеген, къартлыгъында сыйлы болмаз.
- Къайгъы тюбю – тенгиз.
- Тёзген – тёш ашар!
- Аллахха ийнаннган кишини, Аллах онгдурур ишин.
- Аман киши кеси юйюнде – къонакъ.
- Ашда – бёрю, ишде – ёлю.
- Аманнга алтын чыдамаз.
- Тилсиз миллет джокъ болур.
- Къызны минг тилер, бир алыр.
- Келинни – келгинчи, бёркню кийгинчи кёр.
- Ач къалгъандан, кеч къалгъан къолай.
- Ашхы болсанг, атынг чыгъар, аман болсанг, джанынг чыгъар.
- Ашын ашагъанынгы, башын да сыйла.
- Сабийликде юретмесенг, уллу болса – тюзелмез.
- Татлы сёз – балдан татлы.
- Къайгъыны сюйген, къайгъы табар.
- Сакъалы текени да бар, мыйыгъы киштикни да бар.
- Иги сёз – джаннга азыкъ, аман сёз башха – къазыкъ.
- Ашхы адам – халкъ байлыгъы, ашхы джер – джашау байлыгъы.
- Телиге от эт десенг, юйюнге от салыр.
- Джангыз терек къынгыр ёсер.
- Накъырда – кертини келечиси.
- Рысхысына кёре, джаш ёсер, къышлыгъына кёре, мал ёсер.
- Тойгъа барсанг, тоюб бар, эски тонунгу къоюб бар.
- Эркишиге тары кебек танг кёрюнюр.
- Тик ёргени, тик энгишгеси да болады.
- Иги адам абынса да, джангылмаз.
- Ханнга да келеди хариблик.
- Аман къатын алгъан, арыр, иги къатын алгъан джарыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72