- Джюрекге ариу – кёзге да ариу.
- Ханы къызы буюгъа-буюгъа киштик болду.
- Адеб джокъда, намыс джокъ.
- Къарт болгъан джерде, берекет болур, сабий болгъан джерде, оюн болур.
- Къарын къуру болса, джюрек уру болур.
- Джыгъылгъанны сырты джерден тоймаз.
- Къазанчы аман болса, къазаны къайнамаз.
- Тилчи тилден къаныкъмаз.
- Элиб деген, элге болушур.
- Джукъу тёшек сайламайды.
- Ана – юйню кюн джарыгъы.
- Таукел тауну аудурур.
- Окъугъан – асыу, окъумагъан – джарсыу.
- Кесине оноу эте билмеген, халкъына да эте билмез.
- Суугъа – таянма, джаугъа – ийнанма.
- Намыс сатылыб алынмайды.
- Джаш къарыу бла кючлю, къарт акъыл бла кючлю.
- Бастасын ашагъан, хантусун да ичер.
- Арыгъан къош чамчы болур.
- Джауумдан сора, кюн кюйдюрюр, ётюрюкден сора, айыб кюйдюрюр.
- Кёб къычыргъандан – къоркъма, тынч олтургъандан – къоркъ.
- Ётюрюк хапар аякъ тюбю бла джюрюйдю.
- Джаш болсун, къыз болсун, акъылы, саны тюз болсун.
- Эркишиге тары кебек танг кёрюнюр.
- Урама да – ёледи, сатама да – келеди.
- Тамырсыз терекге таянма – джыгъылырса.
- Тюз сёз баргъан сууну тыяр.
- Билмегенинги, билгеннге сор.
- Иги джашны ышаны – аз сёлешиб, кёб тынгылар.
- Ашарыкъда сайлагъаннга – чий гырджын.
- Телиге акъыл салгъандан эсе, ёлгеннге джан салырса.
- Ана къойну – балагъа джандет.
- Башда акъыл болмаса, эки аякъгъа кюч джетер.
- Зарда марда джокъ.
- Кёб ант этген, кёб ётюрюк айтыр.
- Келинин тута билмеген, къул этер, къызын тута билмеген, тул этер.
- Намыс болмагъан джерде, насыб болмаз.
- Тойгъан джерден туугъан джер игиди.
- Къарнынг ауруса, ауузунгу тый
- Чакъырылмагъан джерге барма, чакъырылгъан джерден къалма.
- Тил джюрекге джол ишлейди.
- От этилмеген джерден тютюн чыкъмайды.
- Ариу сёзде ауруу джокъ.
- Ариу джол аджал келтирмез.
- Эки ойлашыб, бир сёлешген.
- Эрине къаргъыш этген къатын, эрнин къабар.
- Танг атмайма десе да, кюн къоярыкъ тюйюлдю.
- Къуру гыбыт бек дыгъырдар.
- Махтаннган къыз, тойда джукълар.
- Окъдан джара эртде-кеч болса да бителир, сёз джара, ёмюрге къалыр.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72