- Алтыннга тот къонмаз.
- Тура эдим джата, къайдан чыкъды хата?
- Акъыллы эркиши атын махтар, акъылсыз эркиши къатынын махтар.
- Оюмсуз атлагъан, аджалсыз ёлюр.
- Кёб джашагъан – кёб билир.
- Окъумагъан сокъурду, сокъур ташха абыныр!
- Мухар, кеси тойса да, кёзю тоймаз.
- Кёзден кетген, кёлден да кетеди.
- Окъуу – билимни ачхычы, окъуу – дунияны бачхычы.
- Ач къарным, тынч къулагъым.
- Тилчи тилден къаныкъмаз.
- Джангызны оту джарыкъ джанмаз!
- Арыгъан къош чамчы болур.
- Байлыкъ тауусулур, билим тауусулмаз.
- Айтхан сёзюне табылгъан.
- Акъыл неден да кючлюдю.
- Байма, деб да, къууанма, джарлыма, деб да, джылама.
- Ана къолу ачытмаз.
- Ач да бол, токъ да бол – намысынга бек бол.
- Окъуусуз билим – джокъ, билимсиз кюнюнг – джокъ.
- Босагъа таш юйге кирмей эди, тыбыр таш эшикге чыкъмай эди.
- Узун джолну барсанг, бюгюн келирсе, къысха джолну барсанг, тамбла келирсе.
- Аманны къуугъан, аманлыкъ табар.
- Уруну арты – къуру.
- Алма терегинден кери кетмез.
- Иесиз малны бёрю ашар.
- Халкъны юйю – туугъан джери.
- Эринчекни эр алмаз, эр алса да, кёл салмаз, кёл салса да, кёб бармаз!
- Билимден уллу байлыкъ джокъду.
- Чомартха хар кюн да байрамды.
- Мен да «сен», дейме, сен да «кесим», дейсе.
- Экеу тутушса, биреу джыгъылыр.
- Джумушакъ терекни къурт ашар.
- Аз сёлешген, къайгъысыз турур.
- Ашда уялгъан – мухар, ишде уялгъан – хомух.
- Эм ашхы къайын ана мамукъ бла башынгы тешер.
- Аманнга да, игиге да оноусуз къатышма.
- Кёб ант этген, кёб ётюрюк айтыр.
- Аман хансны – урлугъу кёб.
- Окъугъан – асыу, окъумагъан – джарсыу.
- Эшекни не къадар тюйсенг да, ат болмаз.
- Джылар джаш, атасыны сакъалы бла ойнар.
- Урунуу – насыбны анасы.
- Сангырау къулакъ эл бузар.
- Игиге айтсанг – билир, аманнга айтсанг – кюлюр.
- Кёб къычыргъандан – къоркъма, тынч олтургъандан – къоркъ.
- Чоюнну башы ачыкъ болса, итге уят керекди.
- Адам боллукъ, атламындан белгили болур.
- Кийимни бир кюнню аясанг, минг кюннге джарар.
- Тил джюрекге джол ишлейди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72