- Эри аманны, къатыны – аман.
- Гугук кесини атын айтыб къычыргъанча, мен, мен деб нек тураса?
- Ёзденликни джайгъан – джокълукъ.
- Онгсузну – джакъла, тенгликни – сакъла.
- Ачлыкъда тары гырджын халыуадан татлы.
- Арпа, будай – ащды, алтын, кюмюш а – ташды.
- Билимсиз иш бармаз.
- Ашхы адам – халкъ байлыгъы, ашхы джер – джашау байлыгъы.
- Гугурук къычырмаса да, тангны атары къалмаз.
- Эркиши – от, тиширыу – суу.
- Ач, тоймам, дейди, тойгъан, ач болмам, дейди.
- Келлик заман – къартлыкъ келтирир, кетген заман – джашлыкъ ёлтюрюр.
- Ата – баланы уясы.
- Элни кючю – эмеген.
- Биреуге аманлыкъ этиб, кесинге игилик табмазса.
- Ашыкъгъанны этеги бутуна чырмалыр.
- Нёгерсизни джолу узун.
- Ишге юренсин къоллары, халкъ бла болсун джоллары.
- Къууут – джелге, берне – бошха.
- Джаралыны джастыгъында сау ёлюр.
- Накъырда – кертини келечиси.
- Тыш элде солтан болгъандан эсе, кесинги элде олтан болгъан игиди!
- Келинни – келгинчи, бёркню кийгинчи кёр.
- Намыс сатылыб алынмайды.
- Тойну къарнашы – харс, джырны къарнашы – эжиу.
- Чомарт бергенин айтмаз.
- Кёпюр салгъан кеси ётер, уру къазгъан кеси кетер.
- Адам сёзге тынгыла, акъыл сёзню ангыла.
- Кютгени беш эчки, сызгъыргъаны уа, джерни джарады.
- Уллу сёлешме да, уллу къаб.
- Джумушакъ сёз къаты таякъны сындырыр.
- Ашатыргъа иш – ашхы, ишлетирге аш – ашхы.
- Чакъырылмагъан къонакъ тёрге атламаз.
- Къатын къылыкъсыз, эр тынчлыкъсыз.
- Аджашхан тёгерек айланыр.
- Гыдай эчки суугъа къараб, мюйюзле кёрмесе, джашма алкъын, дегенди.
- Келинин тута билмеген, къул этер, къызын тута билмеген, тул этер.
- Биреуню тёрюнден, кесинги эшик артынг игиди.
- Байны оноуу, джарлыгъа джарамаз.
- Адамны бетине къарама, адетине къара.
- Юйюнг бла джау болгъандан эсе, элинг бла джау бол.
- Тешигини къатында, чычхан да батыр болур.
- Мал тутхан – май джалар.
- Ишлегенден, къарагъан уста.
- Кечеси – аяз, кюню – къыш, джарлы къаргъагъа бир аш тюш!
- Тюзлюк шохлукъну бегитир.
- Джаз бир кюнню джатсанг, къыш талай кюнню абынырса.
- Тюкюрюк баш джармаз, налат кёз чыгъармаз!
- Къонакъ хазыр болгъанлыкъгъа, къонакъбай хазыр тюлдю.
- Сакъалы текени да бар, мыйыгъы киштикни да бар.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72