- Адам туугъан джеринде, ит тойгъан джеринде.
- Сёз сёзню айтдырыр.
- Урунуу – насыбны анасы.
- Биреуге аманлыкъны тилеме да, кесинге ашхылыкъны тиле.
- Джангызны оту джарыкъ джанмаз!
- Арба аугъандан сора, джол кёргюзтюучю кёб болур.
- Тил – кесген бычакъ, сёз – атылгъан окъ.
- Намыс болмагъан джерде, насыб болмаз.
- Малны кют, джерни тюрт.
- Аш хазыр болса, иш харам болур.
- Тил джюрекге джол ишлейди.
- Нарт сёз къарт болмаз.
- Ауузу аманнга «иги», деме.
- Мухар, кеси тойса да, кёзю тоймаз.
- Аш берме да, къаш бер.
- Узун джолну барсанг, бюгюн келирсе, къысха джолну барсанг, тамбла келирсе.
- Азыгъы аз, алгъа къабар, аты аман, алгъа чабар.
- Намыс сатылыб алынмайды.
- Къарнынг ауруса, ауузунгу тый
- Алгъанда – джууукъ, бергенде – джау.
- Тойгъандан сора, ашны сёкме.
- Ётген ёмюр – акъгъан суу.
- Ашха уста, юйюнде болсун
- Ёмюрлюк шохлукъну джел элтмез.
- Билимден уллу байлыкъ джокъду.
- Джети тилни билген джети кишиди.
- Адам боллукъ, атламындан белгили болур.
- Кёлсюзден сёзсюз тууар.
- Ышармагъан – кюлмез, кюлмеген – къууанчны билмез.
- Айтхан – тынч, этген – къыйын.
- Тенги кёбню джау алмаз, акъылы кёбню дау алмаз.
- Къралынгы – душмандан, башынгы от бла суудан сакъла.
- Къарт бла баш аша, джаш бла аякъ аша.
- Аман адам этегингден тутса, кес да къач.
- Ёксюзню тилеги къабыл болур.
- Эте билген, этген этеди, эте билмеген, юретген этеди!
- Билим къая тешер.
- Сёлеш деб шай берген, тохта деб, сом берген.
- Ат басханны джер билед.
- Зар адамны насыбы болмаз.
- Ариу сёзде ауруу джокъ.
- Эллинг бла джау болсанг да, юйюнг бла джау болма.
- Ишлегенден, къарагъан уста.
- Ач – эснер, ат – кишнер.
- Къызны минг тилер, бир алыр.
- Зарда марда джокъ.
- Гитче джилтин уллу элни джандырыр.
- Ишни ахырын ойламай, аллын башлама.
- Чакъырылмагъан джерге барма, чакъырылгъан джерден къалма.
- Айтылгъан сёз ызына къайтмаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72