- Бёрю да ач къалмасын, эчки да ашалмасын.
- Бюгюн дуния кибик, тамбла ахыратды.
- Ач, тоймам, дейди, тойгъан, ач болмам, дейди.
- Байлыкъ тауусулур, билим тауусулмаз.
- Къыз келсе, джумуш эте келеди, къатын келсе, ушакъ эте келеди.
- Ёгюзню мюйюзюнден тутадыла, адамны сёзюнден тутадыла.
- Джигер – джаннга къыйынлыкъ.
- Намыс болмагъан джерде, насыб болмаз.
- Бастасын ашагъан, хантусун да ичер.
- Гыдай эчки суугъа къараб, мюйюзле кёрмесе, джашма алкъын, дегенди.
- Кёл – къызбай, къол – батыр.
- Кёлю джокъну – джолу джокъ.
- Ата Джуртуму башы болмасам да, босагъасында ташы болайым.
- Бал ашаргъа сюе эсенг, чибин ургъаннга тёз.
- Тойну къарнашы – харс, джырны къарнашы – эжиу.
- От этилмеген джерден тютюн чыкъмайды.
- Ач къарным, тынч къулагъым.
- Этни бети бла шорпасы.
- Тойгъанлыкъ къойгъа джарашады.
- Кёб къычыргъандан – къоркъма, тынч олтургъандан – къоркъ.
- Этек чакъмакълары баш джаргъан, сёлешген сёзлери таш джаргъан.
- Тойгъандан сора, ашны сёкме.
- Тойчу джашха къарама, къойчу джашха къара.
- Айранны сюйген, ийнек тутар.
- Игилик игилик бла сингдирилиучю затды.
- Ойнай-ойнай кёз чыгъар.
- Къазанчы аман болса, къазаны къайнамаз.
- Акъыл бла адеб эгизледиле.
- Аманны тукъумуна къарама, игини тукъумун сорма.
- Керти сёзге тёре джокъ.
- Азыкъ аз болса, эртде орун сал.
- Ач къалгъандан, кеч къалгъан къолай.
- Иги сеники эсе да, сюйген кесимикин этеме.
- Насыблы элин сюер, насыбсыз кесин сюер.
- Къар – келтирди, суу – элтди.
- Эм уллу байлыкъ – джан саулукъ.
- Бал чибинни ургъаны – ачы, балы – татлы.
- Босагъагъа джууукъ орун болса, ашыгъыб тёрге озма.
- Биреуге кёлтюрген таягъынг, кесинги башынга урур.
- Мени джылытмагъан кюн, меннге тиймесин!
- Къуллукъчума, деб махтанма, къуллукъ – хаух джамчыды!
- Таукел тауну аудурур.
- Чакъырылмагъан къонакъ къачан кетерин сормаз.
- Биреу ашаб къутулур, биреу джалаб тутулур.
- Нарт сёз къарт болмаз.
- Сёз – кюмюш, джыр – алтын.
- Бозанг болмагъан джерге, къалагъынгы сукъма.
- Ариу сёз – къылычдан джити.
- Биреуню эскиси биреуге джангы болмайды.
- Чакъырылмагъан къонакъ тёрге атламаз.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72