- Ашыкъгъан cуу, тенгизге джетмез.
- Кёб ант этген, кёб ётюрюк айтыр.
- Къызгъанчдан ычхыныр, мухардан ычхынмаз.
- Хар зат кесини орнуна иги.
- Баш болса, бёрк табылыр.
- Азыкъ аз болса, эртде орун сал.
- Къаллай салам берсенг, аллай джууаб алырса.
- Чакъырылмай келген къонакъ сыйланмай кетер.
- Джумушакъ терекни къурт ашар.
- Билмезни кёзю кёрмез, этмезни къулагъы эшитмез.
- Тамырсыз терекге таянма – джыгъылырса.
- Тамбла алтындан бюгюн багъыр ашхы.
- Ата Джуртун танымагъан, атасын да танымаз.
- Урама да – ёледи, сатама да – келеди.
- Къарнынг къанлынга кийирир.
- Къазанда болса, чолпугъа чыгъар.
- Чыбыкълыкъда бюгюлмеген, къазыкълыкъда бюгюлмей эди.
- Тенгни тенглиги джашай барсанг билинир.
- Асхат ашлыкъ сата, юйдегиси ачдан къата.
- Дженгил джетерикме деб, узун джолну къоюб, къысхасын барма.
- Джукъу тёшек сайламайды.
- Адеби болмагъан къыз – тузсуз хант.
- Иги болса, тамадама – махтау, аман болса, меннге – айыб.
- Ач бёрюге мекям джокъ.
- Сёз – кюмюш, джыр – алтын.
- Эринчекге кюн узун.
- «Ёгюз, джаргъа джууукъ барма, меннге джюк боллукъса», - дегенди эшек.
- Окъугъанны бети джарыкъ.
- Ач къарным, тынч къулагъым.
- Мураты болгъанны джюрек тебюую башхады.
- Бети бедерден, намыс сакълама.
- Хар сёзню орну барды.
- Эки итни арасына сюек атма, эки адамны арасында сёз чыгъарма.
- Къартны сыйын кёрмеген, къартлыгъында сыйлы болмаз.
- Эл бла кёргенинг эрелей.
- Игилик игилик бла сингдирилиучю затды.
- Ишге юренсин къоллары, халкъ бла болсун джоллары.
- Кюн кёрмеген, кюн кёрсе, кюндюз чыракъ джандырыр.
- Иги сёз – джаннга азыкъ, аман сёз башха – къазыкъ.
- Алтыда кюлмеген, алтмышда кюлмез.
- Сёз садакъдан кючлюдю.
- Малны кют, джерни тюрт.
- Аман хансны – урлугъу кёб.
- Айранны сюйген, ийнек тутар.
- Акъыллы башны – тили къысха.
- Кюн – узун, ёмюр – къысха.
- Джыйырма къойну юч джыйырма эбзе кюте эди.
- Эркишини аманы тиширыуну джылатыр.
- Билген билмегенни юретген адетди.
- Тойгъан джерден туугъан джер игиди.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72