- Къуллукъчума, деб махтанма, къуллукъ – хаух джамчыды!
- Аллахха ийнаннган кишини, Аллах онгдурур ишин.
- Ачлыкъ отха секиртир.
- Къарыусузгъа кюлме, онгсузгъа тийме.
- Игини сыйлагъан адетди.
- Тюзлюк тас болмайды.
- Хар зат кесини орнуна иги.
- Ашлыкъ – бюртюкден, джюн – тюкден.
- Айранны сюйген, ийнек тутар.
- Суу кетер, таш къалыр.
- Сютню башын джалагъан къутулур, тюбюн ичген тутулур.
- Намыс сатылыб алынмайды.
- Ашхы атаны – джашы ашхы, ашхы ананы – къызы ашхы.
- Ичимден чыкъды хата, къайры барайым сата?
- Тенгинг джокъ эсе – изле, бар эсе – сакъла!
- Ишге юренсин къоллары, халкъ бла болсун джоллары.
- Байлыкъ тауусулур, билим тауусулмаз.
- Акъылсызны джууукъгъа алма, акъыллыны кенгнге салма.
- Бойнуму джети джерден кессенг да, мен ол ишни этеллик тюлме.
- Акъдан къара болмаз.
- Джумушакъ терекни къурт ашар.
- Ариу – кёзге, акъыл – джюрекге.
- Мадар болса, къадар болур.
- Айтылгъан буйрукъ, сёгюлмез
- Душманны тышы – акъ, ичи – къара.
- Ата Джуртун танымагъан, атасын да танымаз.
- Ач къарным, тынч къулагъым.
- Джюз элде джюз ёгюзюм болгъандан эсе, джюз джууугъум болсун.
- Джаш къарыу бла кючлю, къарт акъыл бла кючлю.
- Насыб бютеу халкъны юлюшюдю.
- Башы джабылгъан челекге, кир тюшмез.
- Кюн кёрмеген, кюн кёрсе, кюндюз чыракъ джандырыр.
- Чакъырылмагъан къонакъ къачан кетерин сормаз.
- Кечеси – аяз, кюню – къыш, джарлы къаргъагъа бир аш тюш!
- Бал – татлы, балдан да бала – татлы.
- Эркишиге тары кебек танг кёрюнюр.
- Джукъу тёшек сайламайды.
- Иши джокъну, сыйы джокъ.
- Сёз садакъдан кючлюдю.
- Миллетни бойну – базыкъ, аны бла кюрешген – джазыкъ.
- Аз сёлешген, къайгъысыз турур.
- Эркишини аманы тиширыуну джылатыр.
- Накъырда – кертини келечиси.
- Тас болгъан бычакъны сабы – алтын.
- Аманнга алтын чыдамаз.
- Тели турса – той бузар.
- Къарнынг бла ёч алма.
- Ашха уста, юйюнде болсун
- Босагъагъа джууукъ орун болса, ашыгъыб тёрге озма.
- Бетинги сатма, малынгы сат.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72