- Кёб ант этген, кёб ётюрюк айтыр.
- Аман киши кеси юйюнде – къонакъ.
- Айтхан – тынч, этген – къыйын.
- Айран тёгюлсе, джугъусу къалыр.
- Тенги кёбню джау алмаз, акъылы кёбню дау алмаз.
- Татлы тилде – сёз ариу, чемер къолда – иш ариу.
- Керти сёзге тёре джокъ.
- Эли джокъну – кёлю джокъ.
- Битмегеннге сакъал – танг.
- Чомарт къонакъ юй иесин сыйлар.
- Къарт бла баш аша, джаш бла аякъ аша.
- Ишлерге уял да, ашаргъа табма.
- Бек ашыкъгъан меннге джетсин, дегенди аракъы.
- Къайгъыны сюйген, къайгъы табар.
- Сабыр джетер муратха, сабырсыз къалыр уятха.
- Гырджын – тепсини тамадасы.
- Ёгюзню мюйюзлери ауурлукъ этмейдиле.
- Къанны къан бла джуума, аманны аман бла къуума.
- Ариу сёз – къылычдан джити.
- Къыйынлы джети элни къайгъысын этер.
- Ётюрюкден тюбю джокъ, кёлтюрюрге джиби джокъ.
- Кёл ашады да, кеси ашады.
- Къарнынг къанлынга кийирир.
- Джарлыны эшигин махтагъан джабар.
- Биреуге кёлтюрген таягъынг, кесинги башынга урур.
- Арбаз къынгырды да, ийнек сауалмайма.
- Сагъышы джокъ – джукъучу, акъылы джокъ – къаугъачы.
- Кюлме джашха – келир башха.
- Ойнай билмеген, уруб къачар.
- Чакъырылгъанны аты, чакъырылмагъанны багъасы болур.
- Малны кют, джерни тюрт.
- Аш иеси бла татлыды.
- Шапа кёб болса, аш татымсыз болур.
- Намыс болмагъан джерде, насыб болмаз.
- Сангырау къулакъ эл бузар.
- Ханы къызы буюгъа-буюгъа киштик болду.
- Чарсда алчыны эл кёреди.
- Аш берме да, къаш бер.
- Абынмазлыкъ аякъ джокъ, джангылмазлыкъ джаякъ джокъ.
- Ауругъанны сау билмез, ач къарынны токъ билмез.
- Суу да къайтады чыкъгъан джерине.
- Ашыкъгъанны этеги бутуна чырмалыр.
- Суу ичген шауданынга тюкюрме.
- Къалгъан ишге къар джауар.
- Огъурлуну сёзю – суу, огъурсузну сёзю – уу.
- Аш кетер да бет къалыр.
- Башланнган иш битер, къымылдагъан тиш тюшер.
- Къралынгы – душмандан, башынгы от бла суудан сакъла.
- Сормай – алма, чакъырылмай – барма.
- Ачыу алгъа келсе, акъыл артха къалады.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72