- Тюз сёз баргъан сууну тыяр.
- Ёлген ийнек сютлю болур.
- Адамны аты башхача, акъылы да башхады.
- Бир онгсуз адам адет чыгъарды, деб эштирик тюлсе.
- Билим ат болуб да чабар, къуш болуб да учар.
- Ашыкъгъанны этеги бутуна чырмалыр.
- Харам къарнашдан, халал тенг ашхы.
- Булут кёкге джарашыу, уят бетге джарашыу.
- Тюзню ётмеги тюзде къалса да, тас болмаз.
- Адебсиз адам – джюгенсиз ат.
- Бичгенде ашыкъма, тикгенде ашыкъ.
- Эл ауузу – элек, анга ийнаннган – халек.
- Эринчекни эр алмаз, эр алса да, кёл салмаз, кёл салса да, кёб бармаз!
- Тау башында, тау болмаз, джангыз терек, бау болмаз.
- Ашхы тенг джолгъа салыр, аман тенг джолдан тайдырыр.
- Зар адамны насыбы болмаз.
- Урунуу – насыбны анасы.
- Тамбла алтындан бюгюн багъыр ашхы.
- Нафысынгы айтханын этме, намысынгы айтханын эт.
- Хантына кёре тузу, юйюне кёре къызы.
- Билимден уллу байлыкъ джокъду.
- Накъырданы арты керти болур.
- Адам къыйынлыгъын кёлтюрюр, зауукълугъун кёлтюрмез.
- Джюрек кёзден алгъа кёрюр.
- Къыз келсе, джумуш эте келеди, къатын келсе, ушакъ эте келеди.
- От этилмеген джерден тютюн чыкъмайды.
- Тойгъа алгъа да барма, тойда артха да къалма.
- Азыкълы ат арымаз, къатыны аман джарымаз.
- Джарлы тюеге минсе да, ит къабар.
- Кёлсюзден сёзсюз тууар.
- Къызгъанчдан ычхыныр, мухардан ычхынмаз.
- Кёзюнде тереги болгъан, чёбю болгъаннга кюле эди.
- Ишин билген, аны сыйын чыгъарады.
- Таугъа чыгъаллыкъ эсенг, тюзде къалма.
- Ёзденликни кёбю ётюрюк.
- Башы джабылгъан челекге, кир тюшмез.
- Тюзлюк шохлукъну бегитир.
- Ётюрюкден тюбю джокъ, кёлтюрюрге джиби джокъ.
- Тас болгъан бычакъны сабы – алтын.
- Бойнуму джети джерден кессенг да, мен ол ишни этеллик тюлме.
- Алгъанда – джууукъ, бергенде – джау.
- Ашхылыкъ джерде джатмайды, аманлыкъ суугъа батмайды.
- Адам сёзюнден белгили.
- Акъыллы башны – тили къысха.
- Дженгил джетерикме деб, узун джолну къоюб, къысхасын барма.
- Айныгъанлы алты кюн, тогъайгъанлы тогъуз кюн.
- Тамырсыз терекге таянма – джыгъылырса.
- Сангырау къулакъ эл бузар.
- Къралынгы – душмандан, башынгы от бла суудан сакъла.
- Къарт болгъан джерде, берекет болур, сабий болгъан джерде, оюн болур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72