- Эски джаугъа ышанма.
- Джырчы джырчыгъа – къарнаш.
- Атадан ёксюз – бир ёксюз, анадан ёксюз – эки ёксюз.
- Таукел адам тау тешер.
- Кийимни бичсенг, кенг бич, тар этген къыйын тюлдю.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Чомарт къонакъ юй иесин сыйлар.
- Къызбайны юйюне дери сюрсенг, батыр болур.
- Кесинг сынамагъан затны, адамгъа буюрма.
- Эл тойса, тоймагъан, эл къойса, къоймагъан.
- Шекер бла туз – бир болмаз, ушамагъан – юй болмаз.
- Джаным-тиним – окъуу, билим.
- Кёбге таш атма.
- Зар адам ашынгы ашар, кесинги сатар.
- Ачыу алгъа келсе, акъыл артха къалады.
- Бети бедерден, намыс сакълама.
- Алма терегинден кери кетмез.
- Атлыны кёрсе, джаяуну буту талыр.
- Чакъырылгъанны аты, чакъырылмагъанны багъасы болур.
- Ётюрюк хапар аякъ тюбю бла джюрюйдю.
- Къонакъны къачан кетерин сорма, къачан келлигин сор.
- Джашны джигитлиги сорулур, къызны джигерлиги сорулур.
- Ёлюк кебинсиз къалмаз.
- Ёнгкюч къууана барыр, джылай келир.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ишге юренсин къоллары, халкъ бла болсун джоллары.
- Джукъу тёшек сайламайды.
- Аз сёлешген, къайгъысыз турур.
- Тамбла алтындан бюгюн багъыр ашхы.
- Эрни эр этерик да, къара джер этерик да, тиширыуду.
- Алим болгъандан эсе, адам болгъан къыйынды.
- Къазанда болса, чолпугъа чыгъар.
- Сёз – кюмюш, джыр – алтын.
- Джол бла сёзню къыйыры джокъ.
- Ариу – кёзге, акъыл – джюрекге.
- Чакъырылмагъан къонакъ – орунсуз.
- Аджашхан тёгерек айланыр.
- Джумушакъ сёз къаты таякъны сындырыр.
- Ач къарным, тынч къулагъым.
- Адам сёзюнден белгили.
- Эр абынмай, эл танымаз.
- Адамны сабийин сюйген джюреги, бычакъча, джитиди.
- Джаханимни кёрмей, джандетге кёл салмазса.
- Агъач халкъгъа алтынды, иссиликге салкъынды.
- Ёксюзню къалачы уллу кёрюнюр.
- Акъыл аздырмаз, билим тоздурмаз.
- Ёлген ийнек сютлю болур.
- Алтыда кюлмеген, алтмышда кюлмез.
- Кечеси – аяз, кюню – къыш, джарлы къаргъагъа бир аш тюш!
- Билмейме деген – бир сёз
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72