- Дженгил джетерикме деб, узун джолну къоюб, къысхасын барма.
- Мухардан ач ычхынмаз.
- Гитче джилтин уллу элни джандырыр.
- Ашын ашагъанынгы, башын да сыйла.
- Таш бла ургъанны, аш бла ур.
- Джылыгъа джылан илешир.
- Кийимни бир кюнню аясанг, минг кюннге джарар.
- Окъугъанны бети джарыкъ.
- Ач – эснер, ат – кишнер.
- Оюмсуз атлагъан, аджалсыз ёлюр.
- Тойгъа барсанг, тоюб бар, эски тонунгу къоюб бар.
- Байлыкъ келсе, акъыл кетер.
- Ишни аллы бла къууанма да, арты бла къууан.
- Къонакъ хазыр болгъанлыкъгъа, къонакъбай хазыр тюлдю.
- Къаллай салам берсенг, аллай джууаб алырса.
- Къонакъ кёб келюучю юйню, къазаны отдан тюшмез.
- Урунуу – насыбны анасы.
- Тешик этген тынчды, аны джамагъан къыйынды.
- Дууулдаса – бал чибин, къонса – къара чибин.
- Джолда аягъынга сакъ бол, ушакъда тилинге сакъ бол.
- Баланы адам этген анады.
- Эринчекни эр алмаз, эр алса да, кёл салмаз, кёл салса да, кёб бармаз!
- Ата – баланы уясы.
- Къарыусузгъа кюлме, онгсузгъа тийме.
- Ичимден чыкъды хата, къайры барайым сата?
- Эрни эр этерик да, къара джер этерик да, тиширыуду.
- Эркишини аманы тиширыуну джылатыр.
- Джашда акъыл джокъ, къартда къарыу джокъ.
- Болджал ишни бёрю ашар.
- Танг атмайма десе да, кюн къоярыкъ тюйюлдю.
- Джаным-тиним – окъуу, билим.
- Суу ичген шауданынга тюкюрме.
- Къонакъны къачан кетерин сорма, къачан келлигин сор.
- Булут кёкге джарашыу, уят бетге джарашыу.
- Ана – юйню кюн джарыгъы.
- Нарт сёз – тилни бети.
- Кёкдеги болмаса, джердегин кёрмейди.
- Хансыз джомакъ болмаз.
- Адам къаллай бир ишленмесе, аллай бир кесин уллу кёреди.
- Къарт бла баш аша, джаш бла аякъ аша.
- Ачылгъан эт джабылыр, кёрген кёз унутмаз.
- Ишге юренсин къоллары, халкъ бла болсун джоллары.
- Эр сокъур болсун, къатын тилсиз болсун.
- Джылар джаш, атасыны сакъалы бла ойнар.
- Намысы болмагъанны, сыйы болмаз.
- Билмезни кёзю кёрмез, этмезни къулагъы эшитмез.
- Ёксюзню тилеги къабыл болур.
- Эртде тургъан бла эртде юйленнген сокъуранмаз.
- Юреннген ауруу къалмаз.
- Ауузу аманнга «иги», деме.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72