- Ётюрюкню къуйругъу – бир тутум.
- Кёзюнде тереги болгъан, чёбю болгъаннга кюле эди.
- Зар адамны насыбы болмаз.
- Адамны артындан къара сабан сюрме.
- Джауумдан сора, кюн кюйдюрюр, ётюрюкден сора, айыб кюйдюрюр.
- Аш кетер да бет къалыр.
- Джашны джигитлиги сорулур, къызны джигерлиги сорулур.
- Айранны сюйген, ийнек тутар.
- Этек чакъмакълары баш джаргъан, сёлешген сёзлери таш джаргъан.
- Ышармагъан – кюлмез, кюлмеген – къууанчны билмез.
- Окъугъан озар, окъумагъан тозар.
- Байны къызы баймакъ болса да, юйде къалмаз!
- Байдан умут эте, джарлыдан ёгюз багъасы къорады.
- Къызын тута билмеген, тул этер, джашын тута билмеген, къул этер.
- Юй кюйдю да, кюйюз чыкъды, ортасындан тюйюш чыкъды.
- Ишлегенден, къарагъан уста.
- Таукел тауну аудурур.
- Ашарыкъда сайлагъаннга – чий гырджын.
- Къарыусузгъа кюлме, онгсузгъа тийме.
- Биреуге аманлыкъны тилеме да, кесинге ашхылыкъны тиле.
- Арба аугъандан сора, джол кёргюзтюучю кёб болур.
- Ханы къызы буюгъа-буюгъа киштик болду.
- Иги сёз – джаннга азыкъ, аман сёз башха – къазыкъ.
- Джаным-тиним – окъуу, билим.
- Кирсизни – саны таза, халалны – къаны таза.
- Экеулен сёлеше тура эселе, орталарына барыб кирме.
- Дуния малгъа сатылма, кесингден телиге къатылма.
- Эл ауузу – элия.
- Ариу сёз – къылычдан джити.
- Юйюнгден чыкъдынг – кюнюнгден чыкъдынг.
- Минг тенг да азды, бир джау да кёбдю.
- Эли джокъну – кёлю джокъ.
- Джукъу тёшек сайламайды.
- Телиге от эт десенг, юйюнге от салыр.
- Хар ишни да аллы къыйынды.
- Кёлсюзден сёзсюз тууар.
- Сютден ауузу кюйген, суугъа юфгюре эди.
- Соргъан айыб тюлдю, билмеген айыбды.
- Нафысынгы айтханын этме, намысынгы айтханын эт.
- Аз айтсам, кёб ангылагъыз.
- Гугурук къычырмаса да, тангны атары къалмаз.
- Аш иеси бла татлыды.
- Ашлыкъ – бюртюкден, джюн – тюкден.
- Аманнга игилик этсенг, юйюнге сау бармазса.
- Нарт сёз къарт болмаз.
- Ата – билек, ана – джюрек!
- Тёрдеги кюлсе, эшикдеги ышарыр.
- Адамны сабийин сюйген джюреги, бычакъча, джитиди.
- Кесинг сынамагъан затны, адамгъа буюрма.
- Акъыл сабырлыкъ берир.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72