- Кюлме джашха – келир башха.
- Къолунгдан къуймакъ ашатсанг да, атаны борчундан къутулмазса.
- Бозаны арты дауур болур.
- Ашхы – джыяр, аман – джояр.
- Мухар, кеси тойса да, кёзю тоймаз.
- Билим – акъылны чырагъы.
- Башынга джетмегенни сорма.
- Чыбыкълыкъда бюгюлмеген, къазыкълыкъда бюгюлмей эди.
- Экеу тутушса, биреу джыгъылыр.
- Босагъа таш юйге кирмей эди, тыбыр таш эшикге чыкъмай эди.
- Байлыкъ болгъан джерде, тынчлыкъ джокъду.
- Къонакъны къачан кетерин сорма, къачан келлигин сор.
- Аман адам элни бир-бирине джау этер.
- Онгсузну – джакъла, тенгликни – сакъла.
- Эл элде бирер малынг болгъандан эсе, бирер тенгинг болсун.
- Байма, деб да, къууанма, джарлыма, деб да, джылама.
- Ётген ёмюр – акъгъан суу.
- Джаханимни кёрмей, джандетге кёл салмазса.
- Илму – джашауну джолу.
- Шапа кёб болса, аш татымсыз болур.
- Билмезни кёзю кёрмез, этмезни къулагъы эшитмез.
- Къыз келсе, джумуш эте келеди, къатын келсе, ушакъ эте келеди.
- Джырчы джырчыгъа – къарнаш.
- Ашхы атаны – джашы ашхы, ашхы ананы – къызы ашхы.
- Аманнга игилик этсенг, юйюнге сау бармазса.
- Ёксюзню тилеги къабыл болур.
- Ана кёлю – балада, бала кёлю – талада.
- Сютден ауузу кюйген, суугъа юфгюре эди.
- Бек ашыкъгъан меннге джетсин, дегенди аракъы.
- Джарашыу сюйген – джалынчакъ.
- Босагъагъа джууукъ орун болса, ашыгъыб тёрге озма.
- Акъыл аздырмаз, билим тоздурмаз.
- Намысы джокъну – дуниясы джокъ.
- Ханы къызы буюгъа-буюгъа киштик болду.
- Сангырау къулакъ эл бузар.
- Къарны аманнга къазан такъдырма, къолу аманнга от джакъдырма.
- Тешик этген тынчды, аны джамагъан къыйынды.
- Чакъырылмагъан къонакъ къачан кетерин сормаз.
- Джарлыны эшигин махтагъан джабар.
- Нёгер болсанг, тенг бол, тенг болмасанг, кенг бол.
- Къолу уллу – асыу, аягъы уллу – джарсыу.
- Билгенни къолу къарны джандырыр.
- Кёзю сокъурдан – къоркъма, кёлю сокъурдан – къоркъ.
- Тюзлюк тас болмайды.
- Джумушакъ терекни къурт ашар.
- Аджашханны ызындагъы кёреди, джангылгъанны джанындагъы биледи.
- Кёз – сюйген джерде, къол – ауругъан джерде.
- Туз, гырджын аша, тюзлюк бла джаша.
- Хар сёзню орну барды.
- Биреу ашаб къутулур, биреу джалаб тутулур.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72