- Бастасын ашагъан, хантусун да ичер.
- Чакъырылмагъан къонакъ – орунсуз.
- Къарт бла баш аша, джаш бла аякъ аша.
- Билмейме деген – бир сёз
- Джолда аягъынга сакъ бол, ушакъда тилинге сакъ бол.
- Ашлыкъны арба юйге келтирир, чана базаргъа элтир.
- Ёгюзню мюйюзюнден тутадыла, адамны сёзюнден тутадыла.
- Тин – байлыгъынг, терен саулугъунг.
- Тай асырагъан, атха минер.
- Къазанда болса, чолпугъа чыгъар.
- Ёлмесенг да, къарт дамы болмазса?
- Атлыны кёрсе, джаяуну буту талыр.
- Термилгенинги табмазса, кюлгенинге тюберсе.
- Джангыз терек къынгыр ёсер.
- Мадар болса, къадар болур.
- Суугъа – таянма, джаугъа – ийнанма.
- Хар зат кесини орнуна иги.
- Джырына кёре эжиую.
- Джырчы ёлсе, джыры къалыр.
- Ата – баланы уясы.
- Атадан ёксюз – бир ёксюз, анадан ёксюз – эки ёксюз.
- Намыс сатылыб алынмайды.
- Абынмазлыкъ аякъ джокъ, джангылмазлыкъ джаякъ джокъ.
- Джол бла сёзню къыйыры джокъ.
- Уллу суу бла уллу ауруудан башынгы сакъла.
- Джырчы джырчыгъа – къарнаш.
- Акъдан къара болмаз.
- Бек анасы джыламаз.
- Эшекни не къадар тюйсенг да, ат болмаз.
- Къарнынг къанлынга кийирир.
- Аманны къуугъан, аманлыкъ табар.
- Башланнган иш битер, къымылдагъан тиш тюшер.
- Адам туугъан джеринде, ит тойгъан джеринде.
- Кийиминг бла танылма, адамлыкъ бла таныл.
- Адамгъа аман кюн соруб келмейди.
- Акъыллы башны – тили къысха.
- Джюз элде джюз ёгюзюм болгъандан эсе, джюз джууугъум болсун.
- Джогъун бар этген, барын бал этген.
- Олтуруб кёрюнмей эди да, ёрге туруб кёрюне эди.
- Кёрмегеннге кебек – танг, битмегеннге сакъал – танг.
- Къыйынлы джети элге оноу этер.
- Арбаз сайлама да, хоншу сайла.
- Бичгенде ашыкъма, тикгенде ашыкъ.
- Биреуге кёлтюрген таягъынг, кесинги башынга урур.
- Эки ойлашыб, бир сёлешген.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ауругъанны сау билмез, ач къарынны токъ билмез.
- Джан саулукъ бермей, сан саулукъ бермезсе.
- Аман хансны – урлугъу кёб.
- Ашда уялгъан – мухар, ишде уялгъан – хомух.
Parse error: syntax error in /var/www/fastuser/data/www/elbrusoid.org/bitrix/templates/v2/components/bitrix/forum/elbrusoid/bitrix/forum.user.post/.default/template.php on line 72